荒謬日記: 爛口的香港人(片段或會令人不安)

2007年3月12日

爛口的香港人(片段或會令人不安)

唔知點解近年D人越黎越狂燥, 越狂燥就越爛口, 越爛口用既字就越少. 左邊呢位垃圾蟲, 因為俾人捉到正, 就足足用左佢人生近8分鐘時間不停重復用果四個字對住幾位食環署職員咒罵. X你老母真係有用咩? 人地都係打份工, 點解自己理虧仲可以咁惡呢?

見事後一見警察出現佢即刻無晒聲. 原來果8分鐘只不過係隻欺善怕惡既狗響度吠四個音節, 明白.

以下片段或會令人不安. 敬請留意. 切記! 切勿模仿.

7 則留言:

匿名說...: 其實政府應該要諗下對付呢d人用侮辱公職人員呢條罪告佢; 13/3/07 00:48
Arthur 說...: 點解咁耐都冇差人????; 13/3/07 08:16
mysimplelife 說...: 其實用行為不檢都可以入罪架喎. 不過警方一定多一事不如少一事咁就算.
仲記唔記得年前B果單扑頭案, 最後警方寄信黎話因為B唔追究所以唔會起訴果個男人. 帶定鐵鎚行街打完人仲可以無罪釋放. 唉~
呢D就係法律.; 13/3/07 23:40
Arthur 說...: 係囉, 真係唔知有冇攪錯, 不過點解個b唔追究呢??? 追究到低咪得囉!!!; 14/3/07 08:21
mysimplelife 說...: 又要回下帶先~
因為當日警察響個男人身上搵到張精神科既覆診咭. 所以警察叫我問B追唔追究. B見佢係有精神問題, 告佢都無用, 所以話唔追究.; 14/3/07 22:18
匿名說...: 唔係喎

就算係有精神病，捉佢去青山或者小欖再醫過都好; 14/3/07 22:39
mysimplelife 說...: 或者呢D叫"今日留一線, 他朝好相見".
因為舊年未搬之前, 有晚放工響屋企附近又見到佢(都話左佢係街坊), 我地有對望, 不過大家都匆匆走過. 我係幾驚因為你都知我地果幾條街好靜. 有乜事真係無人知. 唯有行快兩脚急步行入間七仔定驚.; 14/3/07 23:10

訂閱：發佈留言 (Atom)