2007年5月31日

M記超強勁發明: Microsoft Surface

記得N年前睇"未來報告"時, 入面既高科技已經嘆為觀止. 至少touch screen呢家野可以響LCD大電視移物寫野畫野已經廣泛使用. 但總係覺得唔夠. 誰不知M$用左5年時間秘密發明左呢樣野, 一樣完全改變我地日常生活既發明. 由家居公事消閒購物一一都可以應用到. 講多無謂, 去片!


仲延閱讀: Microsoft Surface 官方網頁

2007年5月30日

歲月流影 (1)

東區之友, 估下呢度係邊度. 要影相就要快, 因為好快就要拆.

2007年5月29日

好味午餐

唉! 千祈千祈唔好遲食早餐, 成十一點先食完個老麥4號早餐, 一點鐘點食午餐呢? 而且成朝忙到唔停手. 唯有兩點先落去附近Pret a Manger執件熱辣辣既"黑椒牛肉卷"頂肚. 記得Super Sandwiches都有, 可惜永遠凍冰冰, 反而Pret a Manger既就熱辣辣, 有得揀, 梗係揀熱啦!Starbucks之前出左呢隻香蕉星冰樂. 點知一飲上癮! 個個星期都要飲番兩三杯先得. 我尤其喜愛香蕉碎朱古力星冰樂. 真心好飲!!

碌冧

前晚趁住雨停左我地兩個就想出去食飯. 但係將軍澳大多數餐廳都試過, 只差"將中"將軍澳中心商場未試過. 況且之前響區報介紹過佢地有間法式越南餐廳. 咁就决定同B去試新菜.

點知去到先知呢間碌冧係鴻星酒家集團旗下, 當堂打個折.
自從年初試過公司樓下間新開鴻星酒家, 真係留下深刻壞印象. 我地十幾人被安排入一間細小VIP房, 點知VIP房間入面原只可容納一張大枱, 結果三十幾人分三枱迫響一間細VIP房, 背貼背椅貼椅. 極之唔舒服, 至於點心? 樣係好靚但可惜極之唔好食. 所以我地無再去過, 今回再次入虎口, 希望唔好又咁差.

結果, 今次黎次反高潮. 叫左幾個小菜都唔錯.上圖: 越南四拼, 牛油雞翼, 牛肉蝦片, 春卷, 蝦粉卷. 四樣都唔差.

上圖: 越南地雞. 我間waiter究竟係乜野雞. 佢話其實係鹵水雞. 點知上枱後先發現其實係海南雞. (相片偏紅)

上圖: 蒜蓉炒野菜, 成晚最好味既一碟.

價錢合理, 服務ok, 上菜又超快. 食得幾舒服. 響一個"死場 "有間咁好既餐廳確係有D可惜. 不過相信我地都會有得番轉頭既.

2007年5月28日

Google Earth


我實在太後知後覺. 近日先響電腦裝上Google Earth呢個軟件, 點知即成B既玩具, 投入程度簡直係日日都要玩兩三個鐘先罷休. 甚至試過一路玩一路打電話俾阿媽話見到佢地間屋云云.
講真
Google Earth唔係新但確係一個幾突破既軟件, 打上地址門牌, 一張衛星圖片即刻連間屋有幾大都即時奉上. 真係瞬間看地球!

2007年5月25日

監獄浴室裡的誘惑

小心你個"米"字!

鬥氣

近日最好睇最好笑既新聞一定係台北政府決定將凱達格蘭大道加註為"反貪腐大道". 呢條大道就正正響總统府前, 好一大巴掌啊!
之前, 民進薰不停用正名而"去蔣化". 就連"中正紀念堂"改名為"台灣民主紀念館", 係完全好荒謬既事. 歷史從來係一個國家甚至人民重要既財產. 而家係將歷史選擇性刪除, 咁對呢一代或甚至下一代有好處嗎? 對上一代或經歷過既人黎講係一種侮辱. 正如香港政府好唔正常咁拿拿臨拆左天星碼頭一樣, 雖然為左未來發展確可能有需要犧牲, 但好不幸既無保存文物反而當垃圾咁掉左就真係好反感. 今回國民黨雖玩鬥氣, 但用上一次好聰明既做法, 既市民接受同支持, 又唔會影響市民既生活. 好過台灣政府改到民怨沸騰.

講起天星, 其實我覺得既然政府願意重置皇后碼頭, 我都唔介意碼頭消失一陣, 總好過唔拆變成公路邊既涼亭. 而家所謂集體回憶極之濫情, 根本係假保育真搞對抗. 真正集體回憶係長埋心中, 而唔係攬住唔放. 以往尖沙咀火車站统一碼頭卜公碼頭大角咀碼頭甚至佐敦道碼頭連個鐘樓被拆時, 班反對既人又去左邊呢? 唔好話俾我聽"我都未出世!" 佐敦道碼頭卜公碼頭被拆時都只係十多年前. 或者因為我地呢一代殖民地教育出黎既都係乖乖聽話, 回歸後一代對於自己身份都搞唔清, 響一塌糊塗之下易受人控制, 重現67暴動時既情景.
我唔係話以後都要聽政府話, 只係希望大家可以用另一角度去睇同一件事, 再加上獨立思考, 必定可以好好做人.

又講起鬥氣, 最近我都睇到一件鬥氣事. 就似兩個小朋友玩泥沙, 兩個都唔抵幫: 一個衰麻煩長氣人緣差, 一個就過分堅持己見兼悔氣. 一句"以後最好連小說都唔好寫"悔氣說話可以搞出連番大戰. 悔氣說話從來都唔make sense. 但有幫助咩? 一個人網上犯左罪被拉就走出一句呢隻悔氣說話, 要係犯左另一種罪行被拉, 你會講"以後最好連人都唔好做"嗎? 或者你會, 橫掂你都成日嗌自殺.

要鬥氣? 你咪繼續囉.

2007年5月24日

Coming Out Insurance

如果真係有D咁既保險賣, 我相信生意都會不俗喎.

2007年5月22日

It Won't Be Soon Before Long - Maroon 5


剛買左, 聽緊. 好好聽. 尤其主打"Makes Me Wonder".

2007年5月21日

Judge John Deed

呢兩個月迷上BBC Entertainment入面一個電視劇"Judge John Deed".

一個非一般既法官, 有自己堅持既信念, 周旋於女友政府貪官上司同事前妻女兒犯人. 好睇就好睇在套劇並唔似無線劇咁不斷情情塔塔三角四角男女男男女女. 呢套就多數時間放響案情, 而且用上極大量真實法律名詞, 甚至極之仔細既科學常識. 我好相信如果無中文字幕, 劇中有大量艱辛深字, 我會睇得好辛苦. B呢類法律人當然睇得津津有味.

每集除左條對貪官同政府對抗既主線外, 都會有唔同既case. 好似上星期講"Big Brother"呢類真人騷同傳媒對社會既影響. 之前更有Bi-Sexual商人同男友既金錢交易內幕引發政府危機. 極之update!

講起資料搜集仔細, CSI LV都算係俵俵者, 可惜最近呢個season, 男主角走左, 黎左個神化replacement, 搞到套劇都變得神化兼求其.

如果你屋企有Now TV又有裝BBC Entertainment,不妨逢星期日晚七點花個半鐘去睇下呢套劇: Judge John Deed. 呢個星期開始播series 5.
P.S. 當然唔少得百看不厭笑到肚攣既"KEEPING UP APPEARANCES"啦! 必睇!

2007年5月19日

忙忙忙

呢個禮拜真係終極破紀錄! 連續幾晚晚晚十二點幾先走得甩! 之前分工都無試過所謂放暑假浪潮既衝擊. 點知原來呢個暑假浪潮仲慘過之前幫英國喪諗點用冬令夏令時間去排節目.
日日十三四個鐘工作, 除左番工, 真係乜都無興趣/時間去做. 飛的番到屋企已經成個人散晒. 連想同B傾下計都懶郁. 甚至試過涼都無冲就碌上床大覺訓.
以前做仔讀書就恨放暑假, 因為暑假永遠係最美好. 而家, 我就想暑假快D完! 等我地過番D正常既生活.

P.S. 如果見幾日我都無寫blog覆留言? 或者我正在工作昏迷中.

2007年5月17日

香港人...黐晒線! 文化大革命2007

唉, 有塘心風暴睇咪去追囉. 做乜事搞呢D野呢?

網民投訴聖經不雅千四宗

影視及娛樂事務管理裁定中大學生報的情色版為二級不雅物品後,過去兩天,他們收到千四宗對聖經的投訴。

一批網民不滿有關裁決,在網上發起向影視處集體投訴聖經,認為內容會扭曲讀者的性觀念。處方兩天內已共收1406宗電郵,現正處理投訴。


如果你係中大校報支持者去搞呢樣野, 我覺得好幼稚. 如果係果班學生搞出黎? 就更罪加一等. 死得, 無得救.
要投訴? 其實仲有其他野可以用黎投訴. 無需將他人既信仰擺上枱批鬥. 你估而家係文化大革命咩? 文化大革命會死人架! 香港人做野係咪唔理後果唔理責任做左先算呢? 之前我仲叫人有獨立思考, 點知原來個個都無腦. 真係"思你屎忽".

今日兩個男人: 一個好人, 一個走狗 (二)

走狗:

因為公事, 都算曾經見過馬力幾面, 佢係乜野為人大家都心知肚明. 諗唔到尋日佢竟然有以下言論:

馬力:教師不該說六四屠城 促政府定調

近年鮮有就「六四」議題表態的民建聯 ,該黨主席馬力 突然在「六四事件」快將18周年之際,直言不滿有教師在授課時,將「六四事件」形容為「北京 屠城」、「血流成河」,他質疑當年指

解放軍坦克車把學生「輾成肉餅」的傳言是否屬實。馬力要求特區政府 為六四「定調」,以免教師各自表述時,向學生傳遞錯誤信息。支聯會 主席司徒華 聞言後,狠批馬力的言論「可恥」。

教局:歷史最重探究空間

教統局 發言人回應說,學習歷史最重要是給予學生充裕空間探究,並訓練批判思考,當局深信教師有足夠專業能力引導學生。

馬力昨日與傳媒茶敘時,談到香港在回歸後,國民教育迄今辦得不成功,並主動以六四事件為例子。

他說:「不應該說共產黨屠殺、屠城,當年大家都矇查查。但如果是屠城,柴玲(六四學運領袖)怎能在六四凌晨平安離開?她是有心挑起暴動的,(如果屠城)呢條友第一個便被殺了!侯德健、封從德等人怎能慢慢離開?如果是屠城,4000名學生全都死光了!」

指「屠城」與事實不符

馬力強調,他並非要說六四事件中沒有死過人,但說成是「屠城」則與事實不符。他質疑當日,天安門 曾否發生燒屍、坦克車輾過學生的事件。「要燒一條屍至少要1000℃(熱力),如果可以就咁在天安門燒,那焚化爐便不用排長龍了……指一攤就說是(學生)被坦克車輾過,那不如找一隻豬,用坦克車輾過,看看是否會變成肉餅?」

馬力批評,現時不少教師把六四形容為「屠城」、血流成河,是不負責任的說話,擔心對學生造成影響。他建議特區政府應就六四事件「定調」,並把當年和現今的評論、官方說法都列舉出來,以免教師各自表述。「有些事情就應該由政府去決定,不是給老師自己講!(那不是干預言論自由嗎?)言論自由也要基於事實,不能『亂咁講』!」

好多謝你響六四/七一前講呢番說話激起各位港人既愛國熱心. 更令今年六四/七一更多人上街發表大家既不滿.

從來在港左派只有生事, 從來都唔會為香港做件好事. 正所謂有破壞無建設. 北京政府多年來都希望港人乖乖, 但不幸永遠總有D在港左派人指指點點皇上唔急太監急出黎衝口而出講D副面說話用黎激起民憤. 到頭來阿公出聲, 呢班左派走狗就笑嘻嘻走出黎話無講過或指定性失憶又或賴記者亂寫云云, 最後道歉都無不了了之. 記得幾年前, 左派亦因某事惹上麻煩. 馬力就係呢個時候突然話自己生癌, 打其等人可憐牌將果件淡化. 結果? 生癌? 如果生瘡算係癌, 弊! 我都有一粒喎. 咁我都要避世一段時間避下風頭先.

要香港好? 首要目標並唔係要港人乖乖, 係要班左派乖左識講野先算啦.

2007年5月16日

今日兩個男人: 一個好人, 一個走狗 (一)

今日, 響報紙上見到兩個男人, 兩個我曾經認識既男人. 兩個不約而同講左D野.
一個窩心, 一個賤格.

好人:
好榮幸同張波(從來我只會稱呼佢"張生", 但佢永遠都好親切咁叫我X哥...對於一個small potato黎講真係受寵若驚!)共事達十年. 佢係一位極之好既同事上司甚至朋友. 佢處事認真有原則亦冷靜, 亦令我呢位小朋友得益良多.

我與[明報]的廿載緣

「你找張健波這樣不聽話的人做總編輯,[明報] 能否過渡九七都成問題。」這是回歸前不久的1996年12月,現任明報大股東張曉卿在灣仔莊士敦道福臨門酒家宴客時,一位有影響力的本地新聞界前輩對張曉卿說的一番話。
張曉卿聞言,即時問我:「健波,你的看法怎麼樣?」
我答:「在香港辦報,不是講聽不聽話的;最重要是把握時代脈搏,找事實,講道理,拿好分寸。」
論口才、錢財,我都不如這位前輩,如果張曉卿不是兼聽和有勇氣冒險讓我做下去,九七回歸前,明報早已換了總編輯。

今年是我加入明報集團的第21個年頭,有三點體會值得趁明報48周年報慶與大家分享:
(1)大學的調查顯示,回歸以來,新聞界的自我審查情嚴重了。要改善這個問題,除了要靠新聞從業員的努力和能力,更須傳媒老闆認識到自我審查有損新聞自由,最終會危害其生存的根基,所以,應以身作則,言行一致地保護和捍衛新聞自由;
(2)我在九七回歸前10年加入明報,至今回歸10年,見證了明報編輯部在回歸前後的變化——明報編輯部現在享有的編輯自主權,是20年來最高;
(3)記者是自由職業,我們最不願意受到限制,然而,社會則需要自由而負責任的報業。自由與自主,是我們所嚮往和珍惜的,但,必須自強和自律,才可以避免濫用自由。

1985——查良鏞要增聘20名大學生

我與[明報]的關係,始於中學階段,明報是我閱讀的3份報章之一(其餘兩份是[大公報]和[南華早報])。
十多年後的一個晚上,中英兩國就香港前途的談判剛塵埃落定後不久,明報的第一代大老闆查良鏞於1985年8月,約了我們幾個分別在不同新聞機構工作的年輕記者(其中一位就是我的廿多年戰友Simon馮成章,他當時是(香港電台)香港電台新聞部採訪主任),在灣仔東海酒家晚飯。
當晚,主要是查先生暢談對香港前途和明報前路的看法;查太一直坐在查先生旁邊,整個飯局,兩個多小時都保持緘默。
查先生為什麼會破格宴請我們幾個小記者?他解釋說,明報決定增聘20個大學畢業生,加強採編隊伍,以面對香港回歸的挑戰。(當年香港只有兩間大學,加入新聞界的大學生不多;現有8間大學,明報單是去年,已經聘請了超過20名剛畢業的大學生──現時編採隊伍已經是以大學生為骨幹,與1980年代很不一樣。)
查先生講得精彩動聽,我們也有一點心動;但,明報臥虎藏龍,我們在各自的機構亦做得相當不錯,故此,缺乏即時跳槽的動力。

1988——主流方案 觸動辭職

足足過了一年(1986年8月),查先生舊事重提,我才於1986年10月加入[明報],先當[明報月刊]總編輯,至1988年9月才任明報副總編輯。怎料,兩個月後即烏雲密佈——1988年11月,查良鏞提出主流方案,引起連番風雨。
身為基本法起草委員會政制小組港方召集人的查良鏞,因為提出了一個政制小組的主流方案後,被批評為太保守,在社會引起強烈反應,查良鏞親自撰寫社評,為主流方案辯護。查先生在社評這樣做,有其道理;但,在新聞版面上未能恰如其份的處理反對意見,則有違客觀公正的原則,亦不符「有容乃大」的明報報訓。
當時我與幾位同事非常不滿,最痛快的做法,是即時辭職,但,這樣可能會釀成社會事件,對明報構成傷害,這是我不想見到的,尤其是查先生對我有知遇之恩;故此,延至主流方案風波告一段落,才於1989年2月1日遞交辭職信。怎料,其後爆發六四事件,查良鏞辭去草委的工作,並極力挽留我;最終,我答允留下來。

1994——watchdog 被罵是mad dog

1986年,我轉投[明報],是有所憧憬的,一是因為明報是一張綜合性的報章,而且,查良鏞對前景充滿信心,雄心勃勃,並付諸行動,增聘大學生提升報紙質素;二是我相信明報真的可以無畏無懼、不黨不私,秉持客觀公正的原則處理新聞。
我珍惜在明報的工作,但亦深明資本主義社會的遊戲規則:報章雖被期許為社會公器,不過,在現實世界,報章往往淪為老闆的私器,勞資雙方如果意見不合,勝方往往是資方,因此,我有心理準備每一天都可能是我在明報工作的最後一天。1994年10月處理當時的大老闆于品海的醜聞,就是抱這樣的心態去做,因為無牽無掛,最能按新聞規律辦事。
于品海是明報的第二代大股東,於1993年接替查良鏞出任明報企業主席,但,1994年10月10日[香港經濟日報]一篇報道,揭露他曾於1979年在加拿大讀書期間,使用他人支票及信用卡,涉款4600加元,並無牌藏槍,曾入獄4個月。我們翌日在要聞版跟進此事,並將之放在「直頭」的位置(即要聞版第二重要的新聞)來處理這則新聞([香港經濟日報]10月10日刊登這則獨家新聞時,是放在第9版);10月20日,我們除了在直頭的位置,報道報業公會議決下,于品海辭去報業公會主席一職,並發表了一篇題為「嚴以律己 捍衛公信」的社評。
1994年10月20日雖已是秋天,但,明報內部卻像暴風雨前夕,非常悶熱。當天下午返回報社,編輯部三頭馬車(總編輯董橋、副總編輯馮成章和我)立即被大老闆于品海召見,在那個可以俯覽美麗海景的主席辦公室,我們被于老闆罵了一個多小時。
當時,我是執行總編輯,負責具體編務,遂向于老闆解釋,整個採訪編輯寫社評的過程,都是按新聞規律辦事;明報是社會公器,要扮演watchdog的角色,是其是,非其非,不理新聞的主角是否明報老闆都應該這樣做。語音剛完,于老闆即罵我們是mad dog,是連主人都不認得的癲狗。
我向于品海解釋,他是明企大股東,擁有超過一億股明企股票,如果我們不秉公辦理,明報公信力受損的話,股價每下跌一元,他便損失逾億元(當時明企每股約5元);因此,他不但不應該責罵我們,反而應該讚賞我們。
這是我相信的道理,但亦作了最壞的打算,做得出批評老闆的事,就預了被炒;所以,「于品海事件」後得以留在明報,每一天都是bonus。若非遇到一個有量度的老闆,又怎容得下這樣的伙記?

1995——向于品海提出management buyout

如果說1988年查良鏞的主流方案,將[明報]捲入政治風波;1995年,于品海因財政問題而要出售明報,則是將明報推向財政危機。于品海入主僅兩年,明報又要面對另一次易主的轉變。
最令人不安的是,有意收購明報的人士包括以煽色腥路線著稱的報業主,我們擔心明報落入他們的手,將會變質,所以,我和Simon等4人,向于品海提出management buyout。我們一方面四出尋找財源,對象包括一位我們非常尊敬的報業主;另方面,準備將自住物業也賣掉,籌款救報。
奔波幾個月後,明企股權名花有主,落入第三代大股東張曉卿之手,明報終於擺脫1990年代頭幾年的風雨飄搖階段,再度進入一個較穩定的環境運作——其間只有一段日子比較麻煩,那就是張曉卿入主後不久出現的「一國三公」混戰時期,可幸只混亂了一個短時期,而且只是內部管理問題,與新聞自由無關。
在明報工作20年,我見同事的時間多過見家人,儘管如此,還是值得的,因為明報是一份比較接近理想模式的社會公器型報章──現時的大股東張曉卿入主明報12年,他不但認同報章是社會公器的理念,而且,到今天都是言行一致地給予編輯部很大的編輯自主權。我可以參與耕耘,是福氣;得罪了不少人而沒有被炒,是運氣。
20年侍三主,深深體會到,明企的大股東可以變,「不黨不私、有容無欲」的精神不可以變。然而,在堅持原則、追求理想的同時,不論是新聞從業員還是新聞機構,都必須力求財政獨立,不為五斗米折腰;所以,像我這樣的編務人員也須學習經營之道。謹以此與明報同仁共勉。

2007年5月14日

夕陽無限好

好耐無見過咁靚既日落!



2007年5月13日

呢位小女孩...

呢位小女孩係我表妹個女, 佢地遠道從荷蘭番到香港短遊. 對上一次見佢個女時, 仲係BB時代. 而家已經咁大個添! 佢仲極之好動, 食完飯成晚玩唔停, 荷文中文滿屋飛, 不停捉住我呢個表舅父表演體操.

2007年5月11日

唔該俾份中大咸報...

終於今晚有幸睇番幾份中大校報具爭議性既文章. 其中一兩分訪問我覺得其實都唔錯. 只不過另一分有關"叫雞"同果篇意見調查就真係過晒火位, 比東週便利既咸版更淫更賤. 同以前細個睇既咸書根本無分別.
當然如果佢地(肯)有反思對自己所做一切負責任, 我地係樂於接受. 人誰無過呢? 但諗唔到竟然有人大言不慚, 揚言自己無錯堅拒道歉, 更直指他人扭曲事實, 阻止正常討論言論自由云云.
我既回應係: 無家教! 真係生舊叉燒好過生佢.
我響果篇文章完全睇唔到有何討論價值甚至意識, 甚至可以淪為自瀆文章, 供受到性抑壓既編委會各人用作打飛機之用. 性係可以講, 只不過講性之時都要專重他人. 未必人人都想每個月都睇到一D性變態既文章響校報出現. 更唔好講言論新聞自由. 根本就連大纜都扯唔埋. 既然呢班人咁好"性", 何不立刻退學立刻到各大咸書咸報效力, 一齊提高各分咸書咸報既質素, 從而帶出性既討論.
而家公眾就只知道呢班人不擇手段去達到自己性高潮, 第二時邊有其他僱主想請呢班人呢? 真係唔怕佢地一邊番工一邊大嗌性解放.
今日睇新聞報導, 佢地召開記招平反事件. 可惜當有其他學生作出反對意見時卻被果班"性人"打斷, 更向果位同學大叫: 唔該呢位同學合作D.
從此就睇得呢班垃圾編委會大學生心胸係如此窄. 校方拒佢地於門外, 佢地就遷怒其他持反方既同學. 就連做人既態度都無, 接受其他意見既量度都無, 點可以俾份校報俾佢地胡作妄為.
強烈支持校方對呢班垃圾作處分!
當我地為下一代著想去做野, 點知下一代正不停走向自我滅亡. 悲哀.

2007年5月10日

Travis - The Boy With No Name

其實BBC係我近呢五六年對外國音樂迷戀既恩師. 以往每日都聽BBC radio one, 從而接觸多左外國既樂壇. 買多左其他唔同歌星組合既CD. Travis亦都係從Chris Moyles 既節目中認識.

事隔三年後, Travis終於推出最新大碟"The Boy With No Name". 第一隻單曲"The Closer" 一貫Travis's sound, 甜絲絲相親相愛. 仲有暗喻安全性行為既"One Night", 對戰爭控訴既"Batterships", 又或者戲迷最愛既"New Amsterdam" 有認真亦都有有趣既. 對比上一張"Single", 我會鍾意今次呢張專輯就算上一張都係已經好唔錯. 當Coldplay休個大息, Moroon5又未有新碟(過兩星期後先有!) 呢張碟剛好俾我響呢個break之間有個好伴.

(SONY/BMG)

P.S. 自問近來唔係好舒服, 上文只好草草咁寫, 敬請原諒.

2007年5月9日

呢種服務態度真係無得彈

話說為左預早慶祝母親節, 前晚一家人到北角某大集團酒店用膳.

雖然個自助餐食物真係麻麻, 但好耐無一家人開開心心出外食飯, 氣氛都唔錯.... 直至我聽到...

話說有位外籍顧客向侍應要兩杯咖啡, 但可能侍應英文唔好去解釋可以去水吧自取飲漏, 亦相信呢位侍應有良好服務態度所以佢都係出去水吧添左兩杯咖啡. 就響呢個時間有位相信係經理既物體出現問侍應做乜. 侍應亦向佢解釋有客要咖啡, 所以幫個客拎. 點知位經理好大聲話: 叫個客去茶格拎嘛! 侍應無出聲, 自顧拎果兩杯咖啡俾個客.
好不幸, 以上對話全都俾我睇見聽見, 佢咁大聲一定以為附近其他人都係英語人或國語人, 可惜佢走漏左我地呢枱唯一既港客.

心諗, 酒店係要令人有賓至如歸既感覺. 點知呢位經理既態度連茶餐廳既阿叔都不如. 難怪近來本地旅遊服務行業惡評如潮啦. 真係多謝晒唔該.
至於係邊間酒店? 北角有幾多間酒店呢? 提示: 呢間酒店隔離有另一間"大酒店".
都係估唔到? 俾埋相勒!

(圖中有燒鴨胸, 瑞士薯餅, 咖哩雞, 印度薄餅. 可惜得薯餅好味.)

2007年5月8日

獨立思想

前幾日, 係六七暴動三十週年紀念日. 某報做左個相信係全港報界唯一既回顧特輯. 撇開全港報界集體失憶唔講, 呢個特輯係今年可以話最好既文字報導專題.
其中有兩篇左派人士既訪問, 回顧呢段令左派絕口不提既歷史. 其中, 我非常鍾意以下一段:

老 政 協 : 不 要 做 思 想 奴 隸

兩 屆 全 國 政 協 委 員 翟 暖 暉 最 明 白 , 甚 麼 叫 黑 暗 歲 月 。 三 更 半 夜 , 半 山 西 摩 道 的 寓 所 傳 來 急 促 的 拍 門 聲 , 半 夢 半 醒 之 間 , 翟 暖 暉 被 指 煽 動 暴 亂 , 被 五 名 警 員 押 走 , 坐 了 兩 年 文 字 獄 。 他 怪 警 察 胡 作 非 為 , 怪 左 派 殺 錯 良 民 , 更 怪 自 己 盲 從 附 和 : 「 我 希 望 新 一 代 人 , 唔 好 再 做 思 想 奴 隸 , 我 做 過 , 你 要 有 獨 立 思 考 。 」

承 印 三 左 報 招 牢 獄 災

1967 年 8 月 9 日 清 晨 4 至 6 時 , 五 名 來 自 《 香 港 夜 報 》 、 《 新 午 報 》 及 《 田 豐 日 報 》 三 家 報 社 的 相 關 人 士 被 捕 , 包 括 承 印 報 章 的 南 昌 印 務 公 司 股 東 兼 持 牌 人 翟 暖 暉 。 警 員 清 晨 四 時 半 踩 上 半 山 西 摩 道 , 拍 門 聲 驚 醒 了 全 家 , 翟 太 開 門 , 一 、 二 、 三 、 四 、 五 , 五 名 警 員 進 入 翟 家 : 「 入 到 來 , 一 個 守 住 電 話 , 一 個 守 住 騎 樓 , 一 個 守 廚 房 , 一 個 企 度 唔 知 做 乜 , 一 個 就 係 阿 頭 。 」 「 個 警 察 阿 頭 問 我 南 昌 , 我 都 仲 未 知 發 生 咩 事 。 佢 抄 低 晒 我 講 , 然 後 叫 我 簽 字 。 我 簽 完 , 佢 就 話 : 『 我 家 奉 命 拘 捕 你 。 』 」 翟 暖 暉 被 控 「 煽 動 」 、 「 號 召 離 心 」 、 「 違 反 印 刷 條 例 」 等 共 21 項 罪 名 , 全 部 成 立 : 「 南 昌 幫 三 張 報 紙 印 刷 , 每 張 各 七 條 罪 , 每 七 條 罪 判 三 年 , 咁 加 埋 就 九 年 。 好 在 法 官 好 相 與 , 話 同 期 執 行 , 判 囚 三 年 , 七 除 八 扣 , 結 果 坐 兩 年 。 」 當 時 香 港 有 條 《 刊 物 管 制 綜 合 條 例 》 , 報 章 刊 登 虛 假 消 息 可 構 成 刑 事 罪 。 生 於 廣 東 番 禺 , 現 年 88 歲 的 翟 暖 暉 來 港 後 一 直 從 事 出 版 工 作 , 67 年 6 月 , 左 派 報 章 連 同 「 外 圍 左 翼 」 報 章 發 動 攻 勢 , 口 誅 筆 伐 港 英 政 府 , 翟 暖 暉 承 印 的 報 章 加 入 戰 團 , 發 放 消 息 煽 動 群 眾 , 他 卻 懵 然 不 知 : 「 報 道 出 我 都 唔 知 , 好 烏 龍 ! 」 「 四 十 年 過 去 , 你 問 我 最 大 感 受 係 乜 ? 我 第 一 個 諗 法 係 , 過 咁 耐 都 未 死 得 ! 哈 ! 哈 ! 哈 ! … ( 言 歸 正 傳 ) 我 當 初 係 犯 煽 動 罪 , 刊 登 唆 性 文 字 。 後 來 英 國 佬 cut 呢 條 ( 法 例 ) , 點 知 回 歸 之 後 政 府 又 返 轉 頭 要 立 法 ( 指 《 基 本 法 》 23 條 立 法 ) 。 我 坐 過 監 , 好 唔 願 意 見 到 人 好 似 我 咁 因 為 文 字 坐 監 。 老 實 講 , 我 八 十 幾 歲 就 冇 所 謂 , 如 果 到 時 真 係 立 法 , 你 班 報 紙 佬 就 淒 涼 。 」

為 放 炸 彈 睇 低 工 聯 會

翟 暖 暉 自 言 從 沒 參 與 鬥 爭 , 更 與 放 炸 彈 的 「 鬥 士 」 劃 清 界 線 : 「 我 一 聽 到 擺 炸 彈 , 就 知 道 今 次 實 死 。 冇 人 希 望 動 武 , 你 一 放 炸 彈 , 就 表 示 同 社 會 脫 節 , 你 會 更 加 孤 立 , 好 鬼 討 厭 。 我 從 此 睇 低 工 聯 會 班 人 , 所 謂 鬥 爭 應 該 有 秩 序 , 唔 係 日 日 咁 衝 去 總 督 府 , 送 羊 入 虎 口 , 好 似 唔 俾 人 打 過 唔 舒 服 咁 。 」 六 七 暴 動 是 一 道 歷 史 傷 口 , 死 傷 慘 重 。 這 位 已 退 休 的 兩 屆 全 國 政 協 委 員 說 , 無 論 是 組 織 鬥 爭 的 左 派 勢 力 , 還 是 鎮 壓 防 暴 的 警 隊 , 都 要 為 慘 劇 負 責 : 「 當 時 警 察 , 成 日 亂 咁 拉 人 打 人 , 好 乞 人 憎 。 」 所 以 他 認 為 六 七 暴 動 還 是 有 正 面 意 義 的 : 「 暴 動 過 後 , 政 府 即 刻 改 善 制 度 , 肅 貪 倡 廉 。 如 果 冇 六 七 暴 動 , 英 國 佬 可 能 唔 會 郁 , 或 者 郁 得 冇 咁 快 。 」 英 國 人 吸 取 了 訓 , 中 國 人 呢 ? 翟 老 搖 搖 頭 說 : 「 中 國 人 長 進 得 好 少 , 六 七 暴 動 呢 單 , 中 央 都 有 責 任 。 我 希 望 新 一 代 人 , 唔 好 再 做 思 想 奴 隸 , 我 做 過 , 你 要 有 獨 立 思 考 , 樣 樣 都 要 問 過 自 己 唔 先 去 做 , 到 時 就 算 做 錯 , 都 係 自 己 事 , 唔 係 俾 別 人 唆 擺 … 唉 ! 如 果 當 初 個 個 識 咁 諗 , 就 唔 會 有 六 七 暴 動 喇 。

可惜, 我現今所見既呢一兩代香港人, 似乎仍然係無或唔識去獨立思想. 見到人地話乜, 係咩? 又係喎. 完全無諗過點解同內情, 往往就咁俾人利用左或控制左. 記得舊年七一遊行, 人人都熱烘烘話去, 我問: 你係想表達乜野訴求呢? 點知得黎多數係: 人去我咪去囉. 放假無野做咪同人行下街啦. 無呀, 總之打倒政府啦(!). 如果你真係有訴求, 我相信我都會贊成你去. 但只見一班有政治目的既搞手就睇中呢班無獨立思想/考既一代, 結果一班行屍走肉既佈景公仔可以有個港島半天遊. 其他例子如近期"檸檬茶泛濫blog界"亦都係個好例子. 一打開每個blog都見一杯一盒甚至一jar檸檬茶, 講真真係好撚無聊. 以為過左之前既爭論, 大家都會長大, 點知都係打回頭.
前老細曾經有個字好大力咁"吱"出黎: THINK!
講真俾佢think一think, 我確係對大部份野都會唔理人點諗而自己理性去思考. 只希望現今既各位都嘗試自己去THINK! 免得某年某日先講"唉 !如果當初識咁諗,就唔會...."

"Honey, 果面有暴動喎, 去襯熱鬧咯!" (真實圖片, 設計對白)

2007年5月6日

梅小玲群選 - 我的十部電影 (選自己)

較早前, 梅小玲舉行"我的十部電影"群選, 反應唔錯. 各位有興趣既話依然可以到以下地址參加:



既然作為發起人, 我都應該做個榜樣寫個"十大", 就算係無獎品. 不過正確黎講應該叫"十部呢世都會記住既電影"!


1) 92黑玫瑰對黑玫瑰 92 Legendary La Rose Noire
一部言之有物既瘋狂喜劇. 將多種不同文化由卡啦ok粵語長片到外國既經典電影場口好精密咁放埋一齊但又有紋有路.


2) 阿飛正傳 Days of Being Wild
相信係港片史上好難再有呢個組合去拍一部有深度off beat既劇情片. 呢套唔單止睇人, 更加係對一個年代既致敬. 一個無尾既結局帶出投資者對藝術既恐懼亦為部戲既結局帶黎無限思想空間



3) 半斤八両 The Private Eyes
絕對係70年代香港喜劇既經典. 最神奇直到呢一刻, 片中既笑料隔左30幾年後依然好笑, 比近代既"家有喜事"更經典.


4) 親愛日記 Caro Diario
Nanni Moretti話俾我知, 原來一部電影唔需要有起承轉合. 只要有心, 一個無野睇既長鏡頭都會係好好睇.


5) 真人Show The Truman Show
Jim Carrey 想話俾人聽:我都可以做嚴肅演員架! 呢套係示範作. 一個悲劇人物放響一套輕喜劇內, 無濫情, 只有真眼淚.



6) 此時此刻 The Hours
一部戲除左好睇外甚至可以令你既抑鬱症復發, 真係非佢莫屬!



7) 愛之伴侶 Longtime Companion
呢套係我既"同啟片" (同志片啟蒙), 雖則之前已有如"情難禁", "Another Country"等既同志片, 但都唔夠呢部咁真實同震撼.



8) 初度艷陽天 My Father's Glory
9) 告別艷陽天 My Mother's Castle
如果呢個list要排名, 相信呢兩套會係第一位. 一部天真到無朋友既法國片, 故事簡單, 對父母既描寫肯定係近代代表作.



10) 重慶森林 Chungking Express
王家衛唯一輕輕鬆鬆100分鐘既好玩之作. 唔沉重, 純影象同故事帶我地周遊尖沙咀同中環.

2007年5月5日

Travis - Closer

一直話想入呢隻CD single, 結果連HMV都話賣晒. Travis番黎勒!! 極期待佢地張新大碟!

呢個video相信極受英片"Cashback"所影響. 神秘影星特別客串.


I've had enough, of this parade.
I'm thinking of, the words to say.
We open up, unfinished parts,
Broken up, its so mellow.
And when I see you then I know it will be next to me
And when I need you then I know you will be there with me
Ill never leave you...
Just need to get closer, closer,
Lean on me now, Lean on me now,
closer, closer,
Lean on me now, Lean on me now.
Keep waking up (waking up), without you here (without you here).
Another day (another day), another year (another year).
I seek the truth (seek the truth), we set apart (we set apart)
Thinking of a second chance (a second chance).
And when I see you then I know it will be next to me
And when I need you then I know you will be there with me
Ill never leave you...
Just need to get closer, closer,
Lean on me now, Lean on me now,
closer, closer,
Lean on me now, Lean on me now (lean on me now).
And when I see you then I know it will be next to me
And when I need you then I know you will be there with me
Ill never leave you...
Just need to get closer, closer,
Lean on me now, Lean on me now,
closer, closer, Lean on me now, Lean on me now (lean on me now).
closer, closer... closer, closer.

2007年5月4日

現在電視

自從舊年搬屋時决定離棄"基佬", 重投"現在"既懷抱. 除左有時個機頂盒真係幾神化外, 頻道組合都幾滿意. 二百幾蚊有五十條頻道睇. 不過頻道套餐係買一送一. 所以部份頻道都就快到期無得睇.
因為我曾經受到惡意騷擾所以曾強烈要求"PCCW"唔想收到任何推銷既電話. 所以每次打上去CS要求技術支援或查單. 佢地都乘機去我推銷產品, 今晚打上去求救, 結果搞掂完後一樣sell野...
不過, 既然要續約, 就睇下有乜優惠.
話俾多幾十蚊就可以有番咁多個台喎. 之但係點解最底消費係$288? 同埋點解要俾幾十蚊呢? 而且有D台我真係想cut! 例如"美亞電視劇台"同"CHannel V Int'l"過去一年, 呢兩個台都未曾試過stay tune超過一分鐘.(因為呢兩個係送既台) 佢地話可以cut. 結果佢地幫我砌到個組合都係二百幾蚊, 但仲差幾十蚊先到個最底消費. 但係想睇既台又已經加晒. 新台例如FX, Foxcrime又同其他台既內容有重疊. 位哥仔問不如加體育組合啦, 之但係埋單要成四百大圓! 嘩! 佢話不如TVB payvision啦! 有特價喎. 都好! 錄"志雲飯局"俾阿媽睇. 結果... 埋單三百幾.. 貴到喊.
現時"現在"已取代"基佬"成為收費電視既一哥, 收費亦都開始偏離左以往有平有貴有得揀既宗旨. 亦令人反思其實呢個會唔會又做成壟斷既情況出現呢?
臨尾位CS哥哥整左句: 多謝呀, 陳生.
"喂! 我姓王架! " 臨收線前我口吟吟...

2007年5月2日

打蛇!!


呢隻碟魂遊四海, 終於回到我身邊!

阿邊個邊個, 要借就趁手勒, 唔係又唔知隻碟幾時又去左環遊世界後一年半載先番歸!

2007年5月1日

全部人見到鬼!

以下內容或會令人情緒不安, 敬請留意.


尋晚離開公司已經係凌晨十二點, 跳上的士已經好眼訓. 番到屋企剝左衫連涼都唔冲就已經跳上床大覺訓. 跟住就發左一個極之奇怪既夢...
我夢見自已因為巴士車禍而喪生. 變成一隻遊魂野鬼. 再回到朋友家人同事身邊. 奇就奇在, 佢地都知我係一隻鬼, 但仍然唔介意同我一齊去街食飯. 甚至介紹我俾新朋友認識, 當然果位新朋友完全唔知我其實係一隻鬼.
響夢中我同屋企人傾計, 佢地叫我不如快D去投胎啦. 但我話因為投胎要填好多表格架,(事實上我都聽聞過係真有其事架!) 所以我暫時唔想, 而且而家又可以見到家人朋友, 投胎後未必可以見到架.
呢個時候, 訓響隔離既B一個批踭整醒左我. 將我響夢中帶番現實.
其實, 我唔係渲染迷信. 雖然我都係好相信鬼神淪迴.
不過我係想講: 珍惜你同你家人朋友既時間及機會. "愛得太遲"並無說教, 而係活生生既現實.