2007年1月23日

荒謬影話:This Film Is Not Yet Rated

被網上迫害, 唯有遷址到呢度. 第一炮: This Film Is Not Yet Rated

一套舊年好大廻響既紀錄片, 終於到我手.題材確係幾吸引, 我都以為會探討電檢問題. 點知探討得好少, 大部份時間淪為各大導演訴苦專區, 講點俾MPAA受壓. 例如七十年代某名片一場口交場面得到R級, 點知三十幾年後同一類型口交場面連鏡位都差唔多就得到NC-17級. 其中佔左好大篇幅講請私家偵探搵出果班神秘電檢員, 過程沉悶不堪. 到搵到全部人暴光後, 以為有爆炸性高潮, 點知就咁輕輕帶過就算. 講真九十幾份鐘就真係幾難捱.

唯一有趣係有導演投訴電檢話佢部戲性交場面抽插次數太多. 跟住呢套紀錄片就數住幾部被評NC-17級既片入面既性交場面總共抽插左幾多次. 好抵死.

2007年1月20日

不如不見

舊年, 寄左張聖誕咭俾J, 或者呢張會係最後一次寄咭俾佢.
今年, 係我同佢相識十週年.
分開左好幾年, 雖然我地仲有聯絡. 但係大家都變得越黎越生疏. 每次都係佢主動問候我, 問下我工作如何. 我亦會問侯下佢既工作, 有無音樂會開. 我睇得出佢對我既思念, 只係以佢性格從來都唔會講出口. 而我呢?
有時我都諗下佢, 有時我都希望放低工作, 坐夜機飛過去探佢. 實踐當年大家所講既Blackpool之旅. 或再番去York, 坐響pub享受一個下晝, 我繼續用一個爛gag去引一個好難會笑既人笑...

可惜, 我或者需要make up my mind. 或者如果當年無分開, 每年我仍然會香港英國兩邊走. 係時候settle down? 還是兩地走?

今日, 坐響屋企. 對住佢既電郵, 有D唔識點回. 如果佢識中文, 或者我會將呢隻歌送俾佢.

頭沾濕 無可避免 倫敦總依戀雨點
乘早機 忍耐著呵欠 完全為見你一面
尋得到 塵封小店 回不到相戀那天 
靈氣大 概早被污染 誰為了生活不變 
越渴望見面然後發現 中間隔著那十年 
我想見的笑臉 只有懷念 不懂 怎去再聊天 
像我在往日還未抽煙 不知你怎麼變遷 
似等了一百年 忽已明白 即使再見面 成熟地表演 
不如不見

2007年1月1日

我的十大零陸拍拍走(番外篇)

繼續十大!
跟上年一樣, 今次輪到十首我部mp3機播得最密既歌曲. (排名不分先後)

1 ) 愁人節 - 謝安琪

2 ) 愛得太遲 -古巨基

3 ) 大大時代 - 譚詠麟

4 ) 紅綠燈 - 鄭融

5 ) 最佳損友 - 陳奕迅

6 ) 有過去的女人 - 楊千嬅

7 ) 亡命之途 - 謝安琪

8 ) 畫意 - 王菀之

9 ) 愛似陳冠希 - 農夫

10 ) 456 Wing - 農夫