2006年12月31日

我的十大零陸拍拍走

寫左咁多年十大, 今年又再變陣, 變成十大唱片+十大影碟.

音: 唔知係年尾衝次定好物尋歸底, 年尾幾張唱片都異常突出. (排名不分先後)

1) What's going on - 陳奕迅 (cinepoly)

2) Unlimited - 楊千嬅 (gold label)

3) 廣東大碟 - Eric Kwok (silly thing)

4) 音樂大亨 - 農夫 (warner)

5) 我生 - 古巨基 (gold label)

6) Fundamental - Pet Shop Boys (emi)

7) The Story of June - 梁漢文 (gold label)

8) Sus 2 - 謝安琪 (avex trax)

9) Stand 4 - EO2

10) Don't Cry for me 貝多芬 - 王雅文 (星島全音) #re-release

影: 戲院上少左, 再無響公司睇戲, 睇碟係唯一出路. 所以揀出十張今年最值得擁有既DVD.(排名不分先後)

1) X-Men: The Last Stand (fox)

2) Little Britian(bbc)

3) Loggerheads (strand releasing) *

4) Female Trouble (new line)#

5) Get a Life Eason Chan Live in Hong Kong (cinepoly)

6) Pet Shop Boys A Life in Pop (emi)

7) The Double Life of Veronique (The Criterion Collection) *

8) 狗咬狗 (joy sales)

9) Walk The Line (fox)

10) 超人十三碟套裝 (warner)

# re-release / * region 1

寫在2006年最後幾分鐘... 2007年, 希望會更好.

2006年12月23日

台灣我來了


聖誕快樂! 台北見.

2006年11月23日

背景音樂

今晚既背景音樂


Happy Thankgiving!

2006年11月16日

瑞士三角朱古力...雪榚!

前日響百佳見到呢款"瑞士三角朱古力雪榚, 諗住試新野, 點知就中計!

好難食啊!!!!

上星期同同事去茶餐廳食晏, 叫左杯奶茶, 女同事驚叫: 隻杯好靚呀!


一隻好傳統既茶餐廳奶茶杯, 令我諗起公司既咖啡杯: 點解唔可以整得精美D呢?

2006年10月29日

原來過得很快樂


人越大就越怕死, 一次腹痛引來癌症疑雲. 結果我就被送入醫院做一次徹底檢查.
其實呢類檢查以前我都做過, 結果都係小小事. 但今次就連醫生都話唔尋常, 所以一定又要做多次.
尤其胃同腸, 呢兩個檢查都係最辛苦. 辛苦唔在於過程反而係在於之前準備.
為左令到胃鏡腸鏡檢查順利, 通常院方要求病人清理自己胃腸先. 點清理? 瀉藥排毒也!
要求我兩小時內飲完一樽味道極難飲既瀉藥. 但結果飲左三個鐘都未飲完, 最後護士用威迫口吻話飲唔完就要洗腸洗胃, 我先至乖乖地飲完成枝瀉藥. 不出一個鐘, 我就似開大水喉一樣一瀉不止. 足足成晚去左八九次, 成個人都虛脫.
第二日一早就開始各樣檢查, 率之到下晝先完成.
跟住各種報告都出左黎, 腸同胃都有發炎跡象但都係小事, 反而我個肝既問題就特別. 醫生千叮萬囑一定要再做多次檢查先能夠確定點解會發生.

出院後, 除左個人覺得自己輕左, 仲發覺其實自己都過得好快樂.

PET SHOP BOYS - CONCRETE: IN CONCERT AT MERMAID THEATRE


正當大家都講緊Robbie Williams有隻新歌叫We're the Pet Shop Boys, 其實半年前Pet Shop Boys早已大嗌Robbie Williams!

呢隻BBC錄音收錄左PSB響五月於倫敦Mermaid Theatre所開既音樂會. 唔同既係由BBC Orchestra演奏. 一直我都覺得PSB+管弦樂係絕配. 照舊音樂會一開始一首Left to my own devices由管弦樂團奏出就知係龍定鳳.

錄音就連Neil既間場說話都有收錄, 可以話照顧周到. 但當Neil介紹Robbie Williams主唱Jealousy時, 突然發覺Jealousy可能係寫俾Robbie, 點解成隻歌可以咁fit到Robbie Williams?

17隻歌, 所揀選除左兩三首係經典之外, 其他都係後期甚至上隻大碟既作品. 或者係為左谷碟.
PSB除左呢隻音樂會錄音之外, 十月尾更加會推一隻名為"a Life in Pop"既DVD. PSB迷萬勿錯過.

2006年10月5日

王雅文!! 正到爆!


一知道王雅文響星島全音果隻"Don't Cry for me貝多芬"首現CD, 真係茶飯不思.
搵左好多間, 連HMV都話無, 信和甚至賣晒無貨, 先至響CD貨倉買到.
真係正到喊. 真正早期80年代音樂. 一首"夜之節拍"已經殺晒. 再加上小美"到震"既"Don't Cry for me 貝多芬", 完全係同而家D歌無得揮.

$89係貴左D, 但係絕版左20年再現, 就算音質差D都算做幾珍貴.

P.S. 小島精選都出左, 不過條母帶好似爛得好緊要, D聲真係差到無人有.

2006年10月3日

2006年9月30日

我的新電腦


錯晒!!

請找出錯處.

一年容易又中秋


好大隻兔呀!!

2006年9月2日

偷拍

"便利"偷拍事件終於降溫. 雖然"便利"今次真係做得好錯, 但係竟然變成賊喊捉賊.
東方日報日日發揮打落水狗本色, 係要將呢位勁敵置諸死地. 星島亦都盲從附和. 正如上星期星島旗下小報既封面標題竟然係: 香港有便利沒將來.
一來語法大錯, 二來賊喊捉賊更加昇華到另一個階段: 忘我.
假如壹傳媒繼續偷拍, 香港就無將來. 咁東方日報記者跟蹤法官又或者星島旗下東週刊繼續偷拍就會令香港有將來? 更甚今次受害人既直屬既英皇集團旗下亦有本叫東方新地繼續每週發佈可怕標題同偷拍圖片, 老板之一成龍更帶頭抗議偷拍行徑. 當佢被記者問及東方新地都經常有偷拍藝人做頭條, 成龍竟避而不答.
如此荒謬扭曲, 我呢個荒謬日記真係自愧不如.

2006年8月26日

有視電線


要申請仲要$109月費既電線...

2006年8月21日

one day in my life

Photobucket - Video and Image Hosting
晨早起床清新開朗~

Photobucket - Video and Image Hosting
吃個早餐先

Photobucket - Video and Image Hosting
吸一口早晨空氣

Photobucket - Video and Image Hosting
下一站係...

Photobucket - Video and Image Hosting
今天天氣呵呵呵, 有隻馬在天空.

Photobucket - Video and Image Hosting
午飯時間了!

Photobucket - Video and Image Hosting
飯後逛超市, 我要乜都試.

Photobucket - Video and Image Hosting
話咁快又放工...

Photobucket - Video and Image Hosting
地鐵站既長走廊永遠最花時間.


Photobucket - Video and Image Hosting
反而車程比行果段走廊更快.

Photobucket - Video and Image Hosting
煮個飯仔先.

Photobucket - Video and Image Hosting
食飽飽當然挨響梳化睇電視, 一天咁就過去.
晚安.

2006年7月26日

生日快樂

生日快樂.

2006年7月22日

變態書展

每年書展都有令我睇唔過眼既地方. 今年? 哼!
因為書展已經變左質, 買書既買唔到書, 唔想買書既令想買書既買唔到書, 不停循環.
今次無排到運動場已經偷笑, 不過仍然係人山人海. 場內, 仍然好難進入攤位揀書, 因為書展中除左有舊年既"狂奔少年"之外仲有兩類人型物體.
1) 2 in 1 連體人: 一男一女無論係場內行還是睇書一律身貼身(背貼胸或胸貼胸)黐埋一齊. 技倆係企響攤位前既書海並非睇書, 而係漫無目的卿卿我我或齋企. 完全阻住晒想行埋去睇書既人. 我試過行埋去咳兩聲希望果對"連體人"會醒水, 點知得來對"連體人"怒啤又話睇書大晒咩. 我心諗: 唔該, 呢度係書展, 唔係飛鵝山喎.
2) 犯賤香港人: 通常係一家大細. 唔多人既都唔行過去, 一定要超多人, 一邊大嗌好迫好多人好熱, 一邊露出極之滿足既表情, 完全係越迫越要迫, 就為左滿足被虐既心態, 極之扭曲變態.

行過佛教區, 完全唔能夠呼吸! 會場咁多人, 空氣己經唔夠. 佛教區攤位竟然都點晒壇香, 混俗程度我真係透唔到氣, 有D想暈. 究竟佢地有無諗過其他人仕既感受?

響想買書又入唔到去揀, 唔想揀又俾煙煙死, 匆匆買左兩本書就走.
B最後竟然買枝...不求人. 極之變態. 我諗下屆分分鐘有Osim按摩椅賣.

2006年7月7日

大大時代


前排商業電台大力吹捧既所謂廣播連續劇, 一共三十多集, 賣既都係潮流玩意, 無好呢味野就完全唔知所謂諷刺潮流風氣. 聽過幾集, 實在不敢恭維. 好怕響收音機中聽到各主角咬牙切齒放聲大嗌做廣播劇. 太徹斯底裡!
不過好在主題曲反而好好聽, 尋日特登下載黎聽! 歌曲好grand, 充滿七八十年代電視劇主題曲味道.

歌名:大大時代
歌手:譚詠麟

作曲/編曲/監製:王雙駿
填詞:林夕

排隊身影未散 借了的青春未還
頭頂的光環想要力挽便靠膽
迷惘與幻覺之間
想創造過波瀾 想得到絕讚
眼望繁華搖板 興衰裡循環

*迎面有煙花散開 落到海上現實未存在
 夢想都超買即市 未能盛載 
 泡沫做大大時代 *

#誰都知身價可升可跌是場競賽
 倒一個總有個起來
 時代再大也都斗膽去改
 卻因天資招惹別人劇鬥是人造天災
 黃金的身價可升可跌令人恨愛
 波幅裡怎去躲開 不去競賽
 隨潮流浮動見頂多好彩
 哪裡都會是舞台 #

平凡人從未了解多精彩
其實最重要的不要亦會來

黃金的機會裡 最終主宰的是誰
什麼都追隨 不理會幾歲

Repeat *#

2006年6月11日

謝安琪


曾幾何時, 許冠傑普遍既歌係代表寫實, 好生活化!
但女子組就似未有呢類代表.
舊年終於有位代表: 謝安琪 Kay.
去年牙尖咀利大罵"臭男人", 今年更進一步, 新碟5隻歌全部生活化到不得了. 完全無左齋情歌同K歌之列.
有講明星隱私心情既"跟我走", 有講菲傭既"菲情歌", 大讚港式飲食既"我愛茶餐廳". 當然唔少得兩首派合歌: 亡命小巴 "亡命之徒"及講低下街層既"愁人節". 全部都係極之出色既作品, 以咁非主流但又高質素既歌黎打入市場, 值得推介!

2006年6月6日

搵屋季節

又係兩年一度搵屋既季節. 因為幾唔滿意現居隔離鄰舍古靈精怪, 兼又搵到新工, 所以想地方較大既地方. 曾經搵過北角鰂魚涌等地, 真係貴到無譜甚至出現搶樓情況!
率之搵到去九龍. 首站將軍澳. 地方唔錯. 價錢更加合理.
唔知大家有無住將軍澳既經驗可以分享呢?

2006年5月17日

離家出走

大前日母親節.
尋日阿媽離家出走.....半日.
阿爸打俾我話阿媽失左踪, 因為朝早佢地鬧過交, 阿媽就走左出去.
結果半家人出去四圍搵佢, 搞到我都無心機做野.

下晝五點, 阿媽返歸.
無事.

2006年4月20日

電影節那碗紅豆沙

一直以來, 電影節都會等同節食: 連續兩星期一日趕三四場午晚飯可能只有五分鐘仲要係一路趕車趕船時進行. 因為一入到場, 你就會同食物斷六親. 如果你偷運一串魚蛋三文治凍檸茶入場, 都會俾職員喝止, 就算係無, 隔離位都會報串或厲眼怒啤.
自從電影節殺入一般商業戲院放映, 汽水爆谷熱狗成為長註電影節人民指定午晚餐.
不過尋晚驚見有人打破常規! 坐響隔離一對男女, 未開場前已打開手袋拎出一袋二袋狀似準備開餐. 最觸目係當男方拎出一大碗野, 女方就話: 你一打開成間院都會聞到! 唔係掛! 你果碗唔會係榴連嘛?
男方二話不說打開個蓋.... 一碗香到人都癲既紅豆沙. 女方仲提男方: 小心熱.
跟住果90分鐘, 坐響隔離位男仔就一路咬麵包, 一路"雪"佢果碗紅豆沙直至散場.
坐響隔離既我, 一路要忍受肚子餓到咕咕聲, 但又要忍受佢碗紅豆沙既香味吸引, 兼且承受痛頸之苦. 呼天搶地!

我的HKIFF (Day 6)

大清早發現自己扭親條頸, 痛到入心. 結果唯有忍心放棄Snow Cake. 唔見左件餅, 夜晚忍痛去睇今年電影節最後一部電影: Housewarming. 擅舞搞野大狀要裝修間屋, 請來三山五嶽幫手鬧出笑話成籮. 聽落係有D似Tom Hanks舊作Money Pit.
雖然套戲幾鬆散, 但至少天馬行空兼政治正確, 笑笑無妨.
當然最驚喜係某英國影星特別客串30秒, 全場嘩然.

散場後, 都係乖乖地去睇醫生, 因為太痛.

2006年4月17日

我的HKIFF (Day 5)

無嘩眾取寵兼個人崇拜, BBC既The Power of Nightmares絕對不二之選. 揭穿謊言係新聞工作者任務之一, 但如果新聞工作者受謊言所困呢? Good night and Good luck就由佐治古尼熟煉導技為大家展現一次鬥爭. 我仲嫌90分鐘唔夠呢!

P.S.
1) 敬告各位! 去得電影節遲到在所難免, 但係既然節目已開場而你又遲到兼仲週場走揀位坐. 阻住晒後面觀眾既視線, 你係咪想死?
2) 今晚文化中心放Good night and Good luck時套片可能有問題而多次跳片兼中斷左一陣. 睇怕都係買DVD睇多次.

2006年4月15日

我的HKIFF (Day 4)

B, 一位響猶他州住過又係摩門教兼民主黨, 會唔會好矛盾呢?
"誰怕米高摩亞"正係發生響猶他州一件荒謬事, 正所謂天下烏鴉一樣黑, 響銀幕上見兩派互相對罵時, 本地咪一樣有仆街賣國賊與冚家鏟共產黨惡毒咁對罵場面.
難怪B一直都拒絕睇Fox News Channel...

註: 猶他州係摩門教根據地, 而且大部份為共和黨.

我的HKIFF (Day 3)

"每個人都有座斷背山", 原來法國就興"每個人都有斷雞頭山"!Michael Haneke玩完鋼琴老師再玩估誰是真兇. 有日發現原來有人無時無刻偷窺你,簡直照顧你既思維上需要. 但係從此帶出自己既"斷背山": 一樣你唔想俾人知既過去. 但係紙包唔住火, 始終都有日迫埋身.

Hidden

2006年4月12日

我的 HKIFF (Day 2)

大會堂轉左新椅, 可惜椅背太矮, 就好似坐住小學椅, 好唔舒服.
今晚係B既選擇, "The silent holy stones" 有D似多年前小活佛世界杯. 小喇嘛中左電視毒, 一日到黑由寺院到屋企到寺院都希望有電視隨身. 尤其對西遊記更加視為寶, 甚至連小活佛都感染成電視精.
場口不多但處境及對白一流. 其中追睇港產片一段更加笑中有淚.

2006年4月10日

我的HKIFF (Day 1)

俗語有云: 屋企無個女人係唔掂架! 所以老母去左, 兄弟老豆都將細仔當女養. 家頭細務一手包辦不在話下, 老豆仲俾錢佢買花戴.
後來仲迷上救命恩人警察大哥哥, 送飯調情樣樣齊. 可惜人在江湖生不由己. 一家大細都係撈偏門. 好難同皇氣門當户對. 老豆捧打鴛鴦, 再加上直男係永遠好難被拗攣.
後段變得公式得可怕, 阿仔招惹官飛結果子債父還並唔係重點. 後來蜜詩見警察大哥哥如見陌路人才是成長既一課! 12歲? 都係大個D先算!

蜜詩成熟時 The Blossoming of Maximo Oliveros

2006年4月5日

係傻豹定係烏Sir Sir?

差唔多睇齊"粉紅豹"咁多集, 只差兩集外傳未睇.
今回Steve Martin扮Inspector Clouseau其實係幾難頂. 尤外型到硬生生既假扮法國鄉音就係一大敗筆. 或者你會講: 只係Peter Sellers太深入民生. 或者係, 或者唔係, Roberto Benigni都曾經扮粉紅豹個仔一樣太過做作.
只可惜今次全人類都行貨到暈完全無喜劇感. 甚至由拍攝手法到故事都不值一提. 尤其前半段過於堆砌, 只覺教英文一段同阿婆講廣東話真係好笑.
當然舊版又慢又唔係笑片, 唔可同呢套笑片比. 但作為PP Fans, 呢次有些少失望.

P.S. 有某明星uncredited客串某名角色, 呢次cross-over絕對耳目一新, 全片最正. 可惜呢位明星食左次咋糊.

2006年3月8日

空穴來風未必無因

足足成個月無update個blog. 要賴梗係有野可以賴.
呢個幾月, 由壞鬚刨到壞電腦到壞手電. 每樣野都好似有個cycle, 到期就一齊嗌出聲.

當我脫離網上生活呢一個月, 我體驗到一句說話: 空穴來風未必無因. 有時傳聞未必100%老作. 當親身經歷後, 就真係令人大開眼戒.

2006年2月9日

明日有明天

明日有明天

流過多少眼淚 也不必沮喪
至少也比黑雨浩瀚
玫瑰得到眼淚 才特別茁壯
在絕嶺中怎可以不盛放

全靠試過絕望 才珍惜開朗
每天都享樂便忘記快樂
無法去進睡 欣賞每班機升降
最多 等天亮說晚安

浮雲驟雨遠飛 我以為會記起
但做人像做戲 Tomorrow is another day
如疲倦到半死 入睡呼氣
難過會過期 吸一口新鮮空氣
Tomorrow is another day

人世間的配樂 配不起天國
卻跟我分享過寂寞
在最高峰跌落 仍剩下脈搏
如時間總嘲笑這種幻覺

能夠哭出眼淚 已得到釋放
有觀眾都不算寂寞
受過苦的笑容 才特別耐看
連玫瑰都因此勇於盛放

2006年1月29日

恭喜發財

祝大家來年順景.

2006年1月14日

Peter


今天我看到我一位朋友的伴侶新聞, 確係好令人心酸. 上個月曾經上門探望佢地, 佢精神唔係太差. 我在此祝福佢.


自 薦 拍 禁 煙 宣 傳 片
肺 癌 港 煙 民 瀕 死 自 白

【 本 報 訊 】 二 十 年 前 國 際 巨 星 尤 伯 連 納 在 電 視 觀 眾 面 前 , 以 死 亡 的 實 證 控 訴 吸 煙 的 可 怕 , 那 時 Peter Kovolsky 身 在 美 國 , 正 值 盛 年 , 有 自 己 的 事 業 , 廣 告 那 句 「 請 勿 吸 煙 」 他 當 然 不 會 聽 進 耳 內 , 繼 續 每 天 吸 煙 , 結 果 去 年 八 月 他 被 診 斷 出 患 上 小 細 胞 肺 癌 , 令 外 表 高 大 強 壯 的 他 痛 得 死 去 活 來 , 頭 髮 、 味 覺 都 離 他 而 去 , 就 連 說 話 能 力 也 很 快 會 消 失 ; 他 知 道 不 會 再 有 明 天 , 自 薦 拍 攝 反 吸 煙 宣 傳 短 片 , 呼 籲 煙 民 回 頭 是 岸 。


今 年 五 十 五 歲 的 Peter , 五 年 前 來 港 定 居 , 家 的 露 台 是 玻 璃 造 的 小 屋 , 旁 邊 還 有 一 個 小 魚 池 , 溫 暖 的 陽 光 透 進 來 , 但 這 個 舒 適 的 家 居 , Peter 已 不 能 再 享 受 , 「 之 前 是 一 點 徵 兆 都 沒 有 , 病 發 前 六 、 七 個 月 , 我 做 過 血 液 測 試 , 但 測 不 出 來 , 到 我 知 道 的 時 候 , 醫 生 說 我 只 剩 下 三 星 期 至 三 個 月 壽 命 。 」


嘗 試 雞 尾 酒 療 法
去 年 八 月 Peter 被 診 斷 出 患 上 肺 癌 , 癌 細 胞 已 擴 散 全 身 , 繼 而 發 現 多 個 腫 瘤 : 兩 個 在 腦 袋 、 兩 個 在 心 臟 、 兩 個 在 呼 吸 道 , 還 有 更 多 , 他 已 數 不 清 , 他 開 始 接 受 化 療 , 因 為 視 力 不 斷 改 變 , 配 了 四 副 眼 鏡 , 兩 個 月 前 , 化 療 開 始 失 效 , 「 腫 瘤 繼 續 生 長 , 而 且 不 斷 變 大 , 於 是 醫 生 嘗 試 了 雞 尾 酒 療 法 。 」
Peter 二 十 歲 的 時 候 , 跟 很 多 年 輕 人 一 樣 , 覺 得 吸 煙 又 酷 又 潮 , 開 始 每 日 吸 一 至 兩 包 煙 , 和 其 他 吸 煙 的 人 一 樣 , 以 為 上 天 會 給 自 己 一 點 寬 免 , 覺 得 頑 疾 不 會 降 臨 自 己 身 上 , 「 有 人 跟 你 說 , 你 要 死 了 , 死 是 甚 麼 ? 死 是 甚 麼 ? 現 在 我 無 法 工 作 , 有 一 天 活 一 天 , 不 敢 應 別 人 的 約 , 怕 應 了 約 到 時 候 突 然 發 病 。 」


為 喪 禮 作 好 準 備
「 我 已 沒 有 機 會 再 有 多 十 年 、 十 五 年 , 實 在 太 短 促 , 現 在 我 每 天 都 很 珍 惜 , 很 珍 惜 自 己 每 朝 仍 然 可 以 起 床 。 」
他 自 言 已 計 劃 好 自 己 的 喪 禮 , 希 望 親 友 可 以 租 一 艘 遊 艇 , 大 家 輕 鬆 地 討 論 他 , 把 他 的 骨 灰 撒 到 海 中 。 Peter 更 選 擇 現 身 說 法 的 方 式 , 勸 告 煙 民 告 別 心 魔 , 自 薦 為 生 署 控 煙 辦 公 室 拍 攝 反 吸 煙 宣 傳 短 片 , 前 日 剛 剛 完 成 拍 攝 工 作 , 「 癌 症 可 以 摧 毀 你 的 家 庭 , 傷 害 所 有 愛 你 的 人 , 剩 下 的 只 有 單 純 的 痛 苦 , 是 詛 咒 , 我 特 別 希 望 年 輕 人 不 要 像 我 一 樣 。 」
對 於 港 府 考 慮 讓 步 , 將 桑 拿 浴 室 、 夜 總 會 豁 免 不 納 入 禁 煙 範 圍 , Peter 認 為 是 瘋 狂 的 建 議 , 「 當 初 美 國 實 施 禁 煙 也 很 困 難 , 從 前 在 電 影 院 、 巴 士 和 地 鐵 均 可 以 吸 煙 , 但 現 在 都 不 容 許 了 , 煙 民 也 大 幅 減 少 , 煙 草 商 有 能 力 動 員 業 界 反 條 例 , 純 粹 是 因 為 自 己 的 利 益 ! 」


肺 癌 可 分 為 兩 種


「 我 到 餐 廳 吃 飯 , 最 好 的 座 位 都 用 作 吸 煙 區 , 非 吸 煙 者 竟 要 坐 到 洗 手 間 旁 , 簡 直 是 大 倒 退 。 」
威 爾 斯 親 王 醫 院 臨 床 腫 瘤 學 系 教 授 莫 樹 錦 指 出 , 肺 癌 可 分 非 小 細 胞 肺 癌 及 小 細 胞 肺 癌 , 前 者 由 氣 管 表 層 細 胞 引 起 , 後 者 由 神 經 腺 分 泌 細 胞 所 致 , 一 成 五 肺 癌 患 者 屬 後 者 , 吸 煙 人 士 患 上 的 機 會 較 高 , 「 佢 特 性 係 生 得 相 當 快 , 做 手 術 係 無 用 , 因 為 切 佢 好 快 又 生 , 通 常 只 有 做 化 療 。 」
他 表 示 , 七 成 病 人 接 受 化 療 的 效 果 良 好 , 但 控 制 時 間 不 長 , 若 癌 細 胞 局 限 於 其 中 一 邊 肺 部 , 病 人 平 均 壽 命 為 十 二 至 十 六 個 月 , 若 癌 細 胞 已 擴 散 , 壽 命 則 剩 八 至 十 二 個 月 。