2007年9月30日

Little Britain LIVE

唔知又係咪譯字幕遲左, 港版出版日期一改再改, 結果問完又問之下先出版.
電視版既超賤超搞笑絕對係令人難忘. 原以為佢地做Live會好困難, 始終要響個半鐘內不停換衫同角色. 但原來佢地用投影銀幕做佈景, 再加上V/O 爛gag俾時間佢地換衫, 原來又唔難.
劇中大部份人物都有出, 其中最受歡迎既幾位人物都放在押尾.
整個show做得絕對比得上電視版咁好睇, 除一貫既瘋狂既笑話. 而且有幾段更加爆肚拎黑池黎開玩笑但又接唔上之前對白, 場面極之搞笑.
今次中文字幕譯到超賤, 聞西銀行都出埋. 笑到癲. 之但係譯字幕果位唔知係咪太集中搞笑, 連地方名都亂譯. Blackpool一直被譯成黑池, 但今次譯到鬼伍馬陸, 唯一失色.
正期待佢地隻聖誕特輯"Aboard"會出版港版.

2007年9月29日

梁漢文集

一直都好鍾意梁漢文既歌, 由華星三寶走紅, 到近年金牌時代. 都無令人失望過. 尤其近年響EMI/金牌既製作, 明顯係成熟左好多, 嘗試好多唔同類型既音樂或歌曲. 其中我最鍾意係04年既"四季", 將03年香港人史無前例既一年貫穿全碟, 曲及詞俱佳. 跟住既"Effort and Love"亦都係上乘佳作. 跟住人就走左拍電視, 往後推出既"The Story of June"就變得不過不失, 或者太分心卦.
而家電視就無再拍, 失驚無神推出新曲加精選. 連歌都無乜點plug就拿臨臨推出, 有D唔似金牌既作風.
五首新歌, 聽完一round, 真係無乜感覺. 一來唔入耳, 二來好行貨. 更甚係欠左流行既原素! 其中只有七友既國語版"那時候", 林夕既國語詞又一次合格.
其餘選曲就有D神奇, 例如"天使愛"終於可以響梁漢文既唱片出現番. 另一隻原本響
金牌醇音樂重唱歌"傾心" 亦不文不類咁出現響呢隻碟. 反而曾經出過CD Single既"七友"合唱版又無收錄.
今次呢隻新曲加精選可算係梁漢文近呢四五年既小總結, 但亦希望往後既歌曲唔好好似呢幾隻新歌咁淡而無味. 因為我都信佢既才華唔會係如此.

我的推荐:
艦隊/Hey June/披頭四/三千年開花/七友/找我/新聞女郎/大將/信望愛

2007年9月27日

Sean Kingston

睇到個封面, 唔好以為係有人玩Celine Dion既封面. 實情係位得17歲既後生仔第一張大碟. 封面咁鬼幽怨, 真係殺死人!
呢位小朋友主要係Rap同Hip Hop, 主打第一隻歌就已經拎"Stand By Me"做sampler既Beautiful Girls. 可能始終係小朋友, 把聲仍然係好幼嫰. 但係對呢隻歌仍然好稱職.


諗起Chris Moyles拎左呢隻歌黎玩...

2007年9月26日

Peter Bjorn & John - Young Folks

呢排聽Chris Moyles show, 佢地狂plug呢隻歌, 甚至響英國重新發行single兼登上BBC single榜. 我都好奇怪一隻舊年響日本已經熱爆既歌曲, 可以相隔一年後再次大熱. 或者証明一隻言之有物既歌係可以長青.

If i told you things i did before
told you how i used to be
would you go along with someone like me
if you knew my story word for word
had all of my history
would you go along with someone like me
i did before and had my share
it didn't lead nowhere
i would go along with someone like you
it doesn't matter what you did
who you were hanging with
we could stick around and see this night through
and we don't care about the young folks
talkin' 'bout the young style
and we don't care about the old folks
talkin' 'bout the old style too
and we don't care about their own faults
talkin' 'bout our own style
all we care 'bout is talking
talking only me and you
usually when things has gone this far
people tend to disappear
no one will surprise me unless you do
i can tell there's something goin' on
hours seems to disappear
everyone is leaving i'm still with you
it doesn't matter what we do
where we are going too
we can stick around and see this night through
and we don't care about the young folks
talkin' 'bout the young style
and we don't care about the old folks
talkin' 'bout the old style too
and we don't care about their own faults
talkin' 'bout our own style
all we care 'bout is talking
talking only me and you
and we don't care about the young folks
talkin' 'bout the young style
and we don't care about the old folks
talkin' 'bout the old style too
and we don't care about their own faults
talkin' 'bout our own style
all we care 'bout is talking
talking only me and you
talking only me and you
talking only me and you
talking only me and you

官方網頁

2007年9月25日

中秋與藥同在

一個唔會改變既定律, 上星期B感冒完, 一定輪到我, 仲要係中秋前夕.

成九點鐘先放工, 屋企附近得番兩間診所仲有夜診. 結果輪呀輪排呀排等呀等, 十點幾先見到醫生.
今晚除左食月餅, 仲有一大堆藥與我同在, 一齊過中秋.

中秋節快樂.

2007年9月23日

去街市要小心...

否則會遇上伸脷怪人... 提早哈佬喂.
今朝打開份財經版真係俾佢嚇死, 仲話要sell層樓, 真係唔該晒.

伸延閱讀: 新都城上車盤多配套齊

2007年9月22日

Love is the Devil

買左成個月, 到今日唔係好舒服先開黎睇.

故事講名畫家"Francis Bacon"晚年結識佢小偷男友George Dyer, 由佢地初結識到男友自殺身亡為主.唔知點解, 一見有Tilda Swinton出現既英國片, 梗覺得套野係由Derek Jarman拍. 導演之後拍過"The Jacket"(港譯:生死時空), 呢套你佢第一部長片. 但無論場境或鏡頭調度都有Derek Jarman既影子. 或者都係睇Derek Jarman既片大, 所以受咁大影响.呢套戲另一賣點就係阿新007 Daniel Craig 露械一場, 有趣係初段佢幾場裸戲, 身材都係瘦瘦, 但一到果場三點全露既戲, 身材突然暴脹. 唔通真係浸水浸得耐所以發脹?
套戲確係唔錯, 好耐無睇過有少少深度既英國片. $99超值!

2007年9月21日

Wedding Wars

認識Jim Fall係由佢第一部電影"Trick"(港譯:成晚籮籮孿). 一部講同志一夜情但到頭來都無發生過既一夜情, 流暢而有趣. 拍完呢套片佢跟住走左去拍電視劇, 之後都有幫廸士尼拍左"The Lizzie McGuire's Show"既電影版. 但始終唔係佢拿手既題材, 跟住反而拍左部開正佢口味既Telefilms: Wedding Wars.

講男主角準備同共和黨州長個女結婚, 所以佢搵左佢細佬幫手搞婚禮. 之但係佢好擔心係: 佢好抗拒佢細佬係基, 兼且為左外父歡心, 支持外父反對同性婚姻. 正響婚禮搞得如火如荼之際, 細佬揭發大佬竟然支持州長反同性婚姻. 為左維護自已既權利毅然決定罷工! 大佬以為細佬講下笑, 點知罷工竟然推廣到全國. 全國既基佬都一齊罷工, 搞到全國癱瘓.

以為係佢拿手既題材, 可惜劇本薄弱, 根本支持唔到88分鐘咁長. 再加上電視製作限制, 全片得個拖字. 同The Lizzie McGuire Movie喋喋不休煩到爆簡直一動一靜, 如果諗住有"Trick"咁既水準, 咁你可以過主.
不過片中寫兄弟情一段都還可以.

2007年9月20日

Pandaa!

上個月知道"爛仔報"會出書, 以為: 哈! 浪子回頭搞番書. 再者未易手前"東Touch"都搞得甚為正派, 直頭唔似同一老母所生! 但等呀等, 都唔見本書既? 點知原來係本免費月刊隨"爛仔報"附送. 對於我呢D同呢份報紙絕緣既人黎講即係無得同本書相逢.
當然絕處逢生! 阿媽唔睇呢份報紙都竟然有一本! 即刻飯都唔食住拎上手揭揭.
印刷都好精美, 尤其用重粉紙加書紙印. 一開始幾頁有D似"metropop", 尤其幾版barter廣告既鱔. 跟住就雜亂落去, 由時裝突然下頁講沖涼再下一頁係旅遊跟住幾版好求其既PS專題. 阿葛訪問確係唔錯之但係下一版又跳去體肓. 最得人驚隔幾個廣告後竟然係財經, 仲要係連續好幾版後冷不防又整幾版食經. 以為就係咁多, 原來之後又有音樂同DVD專欄同一兩個專欄. 得意中間又插個MC仁訪問. 結尾相信係最嚇人係有兩個英文features, 再後加個漫畫就完成呢本書.
我唔想話呢本書係乜乜既混合體, 做書理應係咁, 之但係會唔會真係雜過頭呢? 最重要本書個定位係想點? 我完全睇唔到本書個target係邊班人. 老豆會拎起呢本用PSP做封面既書睇財經嗎? 女仔會知呢本書有介紹女裝及化粧嗎? 睇"爛仔報"既會受入面廣告介紹幾千萬游艇第二日買番隻嗎?
擺明向TeaMilkTouchMetropopFace越級挑戰, 落得不自量力. 失敗.
好在唔駛錢.
不過就算唔駛錢, 我都寧願揀"鱔書": Metropop. 至於內容同定位分明.

官方網頁

2007年9月19日

半島酒店月餅

終於今日收到訂左既月餅, 一共訂左三盒, 兩盒俾阿媽, 一盒留番俾我地. 一食完飯, B已經急不及待要開黎食, 就算佢今日有感冒.

Size剛好, 兩啖一件. 好味到入化境. 始終係一直以黎最好味既月餅! All Time 飛佛!

2007年9月18日

擱置?

小朋友, 你既中文好快都會被"閣致".

http://www.hk365day.com/mtr

佳視電視劇重出生天

我對佳視印象唔深, 因為屋企人一直睇開麗的, 除左睇歡樂今宵之外好少轉去無線, 更唔好講轉台去佳視. 之但係佢地播既卡通片我就睇過"大鐵人"同"七星俠".
1978年, 佳視執笠. 我細個就真係無乜感覺, 大人都係好冷淡. 除左果時新知明週甚至成報日日大編幅咁講. 真係對我地無乜影響. 唯一記得佳視唔似無線同麗的時時"斷片". 即係播播下無畫面, 跟住出個slate出黎話機件故障搶收中. 其中無線更加有一段卡通片係一堆人修理緊機器, 跟住有V/O話機件故障搶收中敬請原諒云云. 我就好驚果段卡通, 因為卡通入面D人面容好特別睜靈, 真係嚇死細路.
話歸正題. 無線收費電視經典台由十月一日開始播映幾部佳視既電視劇, 例如有伍衛國同米雪既"紅樓夢"同埋有羅樂林及李通明既"神鵰俠侶". 相信四十歲以下既分分鐘睇都未睇過.
作為片主之一既無線又咁既安排雖然照顧唔到大眾, 但至少好過塵封三十年後都唔再重播.
相信部錄影機又會好忙...

2007年9月17日

業續

自瀆就話聽過啫, "業續"就真係new to me!

伸延閱"瀆": 安踏體育主席丁世忠出現中期業績記者會

2007年9月15日

Whole New Thing

前排本港有案件話老師強吻學生, 結果鬧上法庭. 始終老師同學生響制度上都有唔同既地位, 無論響道德上或情理上都應該做番本份.

正如呢一套加拿大製作, 講13歲的少年, 父母一直認為家教好過番學. 但終個仔開始長大, 應該俾機會佢出去見識, 結果送個仔上學校. 響學校, 呢位少年鍾意左佢既英文老師, 一個日日浦魚塘既中年基佬. 起初老師覺得呢個小朋友有佢細個時既影子, 直到有次俾學生撞破好事, 先發現自己成為學生既暗戀對象.

全片拍得平鋪直敍, 無大膽越軌. 支節唔多, 但對兩位主角既描寫就較為簡單.

2007年9月14日

呢頭家

近來響網上見到有好多後生仔女想自己搬出黎住或者新婚甚至試試同居生活.
但問題係大家對呢件事太理想化, 甚至可以講係太天真! 以為月入幾千租個二三千蚊單位就可以自由自在. 完全忽視往後生活既需要. 作為同居左三年幾唔算太耐, 但我都樂意做個過來人, 傾下置家之道.
就由搵樓開始, 當初因為我地收入唔多, 搵樓只可以搵D細單位, 質素同環境都係麻麻. 好在當時SARS過後, 樓市剛有轉機, 租金尚未起飛. 所以搵到個連傢電既細單位, 一來可以慳一筆置家電費, 二來搬走時都唔需要太大工程. 其時租金已經佔二人總收入既差唔多四分一, 淨低既唔多. 所以平時起居生活水電煤都盡量慳. 例如買餸, B唔識廣東話, 試過去街市俾人搵笨, 所以自始只識去惠康買餸, 貪佢唔駛識廣東話. 餸菜會係貴D, 唯有響日用品上慳. 惠康牌永遠係佢既"飛佛". 直至阿媽教我: 去藥房買會平過超級市場好多. 就改變左我地買野既習慣. 梘液番梘洗頭水牙膏漱口水洗潔清全部藥房最平. 分分鐘一次過可以慳十零廿蚊.
水電煤亦係另一大開支! 港島既電費零舍貴, 夏天試過單月都七八百蚊. 當然係計每晚開冷氣開足12個鐘. 但因為B既習慣改唔到, 想慳都唔得. 所以通常每月總支出都要成萬二三蚊, 已經佔收入既一半, 仲未計俾阿媽既家用.
後黎, 大家既收入有改善, 可以住好D同住大D. 所以搬到呢度, 地方大左, 但租金只係大家既總收入十分一. 雖則淨低既錢多左, 但我地都係想過番之前既生活, 繼續慳家.
因為我真係怕左百佳既唔乾淨餸菜, 每個周末都會陪B落去行街市, 買D新鮮餸菜. 或者有我同行, 佢從未試過俾人搵笨. (只有一次佢自己買左條八十蚊既魚, 我一睇, 頂多值廿蚊.) 所以餸菜可以慳得更多. 梘液番梘洗頭水牙膏漱口水洗潔清依舊藥房最平, 但呢區既物價似乎仲貴過北角市區, 一支濃縮洗潔清北角賣八個半, 呢度要十蚊枝, 超級市場要十二蚊!
水電煤真係覺得電費九龍係平D. 例如上兩個月, 因為B放暑假一日廿四小時開住冷氣開足成個月都係六百蚊. 不過我遞上果張過千蚊既電費單俾佢睇(中電係雙月計), 佢都話要再慳. 水煤每張單都係百一二蚊. 所以呢度每月開支都要萬五蚊以內. 平時各自生活費, 佢支出多數係買書, 我就係買碟. 花費都係每月二千蚊以內. 以兩個人既生活其實都唔錯.
希望以我呢個例子, 俾到大家一個印象, 究竟搬出黎住係咪真係咁理想?

2007年9月12日

我看到西九完成嗎?

做香港人真係煩, 唔係成日計住自己入不敷出, 就係怕睇唔到香港有普選. 今日, 大家又會煩多一樣: 西九.
由西九十幾年前都話會用做文娛用地, 搞呀搞拖呀拖, 到前兩年失驚無神擱置. 點知近日舊事重提, 仲拿拿臨做諮詢. 但, 咪住!! 又諮詢? 原來用地比率又改變到住宅多過藝術用地. 搞咁多年到頭來又係原地踏步賺錢為先. 根據計劃, 七年後有第一期文化項目完成, 第二期同年展開, 第二期會係2026年完成, 最後一期會係2031年完成. 天啊! 到時我都已經六七十歲! 仲要保祐中間果廿幾年唔會有延誤, 否則到死果日, 都未必見到西九全部完成.
最恐佈係到時九龍站上蓋既屋苑都已經成為三十幾年樓齡既舊屋苑. 勢必同西九發展格格不入. 唔通又拆又重建?
但我又諗, 就連啟德發展都一樣十劃都未有一撇, 西九果廿幾年計劃都係聽住先.

2007年9月11日

陸- 玖壹壹

咁就六年, 我由清水灣做到鰂魚涌. 再由筲箕灣搬到北角再住到將軍澳, 由無乜頭髮到滿頭黑髮再變成無乜頭髮. 由金融風暴到世紀疫症我都死唔去. 由負資產變成有少少積蓄.
經歷多亦失去多, 得到多, 學得更多.
感謝我仲生存於世.
六年前. 我以為係世界末日.
對六年前今日失去性命既受難者致意. 願他們安息, 六年前既事唔會再發生.

2007年9月10日

續約大優惠

前幾日經過呢間成藥店, 門口仲貼住"約滿結業大清貨". 諗唔到尋晚佢地己變成"續約成功大優惠".

世界真係轉變得快.

2007年9月9日

私隱

前排有線女主播被人電話性騷擾, 懷疑有員工響公司內聯網偷取電話號碼犯案.
我一直相信內聯網俾互聯網一樣咁唔安全, 但不幸各大公司仍鍾意將大量員工資料放上內聯網. 記得之前一份工, 外籍上司要求將我地手提電話號碼放上網供緊急時其他相關人仕或部門使用. 但我同幾位同事覺得有侵犯私隱之嫌. 內聯網即係其他部門或姊妹公司甚至全世界既姊妹公司既同事都可以進入. 登手提電話號碼都係為左工作上需要, 例如我負責新聞台, 半夜三更有突發新聞有節目改動我都可以預知同幫手. 但要係其他無關係既人都可以得到我既電話號碼我覺得好無需要. 之前上司已經無厘頭要求放我地既大頭照放上內聯網網頁, 心諗我地雖然係電視台, 但我又唔係藝員明星, 只係個職員仔, 都唔係賣樣, 做乜要落相呢? (而家新公司係可以選擇登相或唔登相.)
所以我地向上司反對個建議, 有同事甚至揚言會向私隱專員公署求助. 結果件事被擱置, 依照番之我地既建議: 列印電話號碼名單只分發俾相關人仕.
仲以為件事告一段落...
有一日, 我既公司電話響起, 係外面打入. 一接對方知我姓乜, 但竟然係理財公司打黎既推銷電話. 但我從來唔會用公司電話號碼作其他用途, 所以我問對方佢點解有我呢個號碼同知我姓乜. 對方支吾以對, 辯稱響朋友手上得知. 我問咁位朋友姓甚名誰佢又講唔出, 仲話:可能你位朋友想俾驚喜你. 我問: 咁你係響你朋友手上得到定我朋友手上得到呢? 佢又答唔出. 我話: 咁既然你乜都答唔到我, 點解我要buy你既野呢? 況且你又解釋唔到點解你有我號碼, 我懷疑係你非法偷番黎, 所以我會報警.
對方收線都收唔切! 同其他同事講, 甚至唔同部門, 都不約而同都曾經收到呢間"康X" 或 "X宏"理財既推銷電話. 都一樣打到公司電話去. 好明顯公司有有心人響內聯網偷取同事電話號碼同姓名交俾呢間理財公司既人.
所以大家將野放上內聯網前, 請三思.

睇完男兒本色個製作特輯, 我想嘔!

兩個月前入場睇完"男兒本色"呢部港產片, 製作認真, 演出亦都有突出表現尤其房祖名. 但始終動作太誇同故事漏洞百出, 扣左少少分.
兩個月後推出DVD, 都想睇下碟內既special features究竟套戲係點拍, 尤其關心佢地響我地舊office所搭既警署景係點改裝. 點知...

需知making of係介紹套電影點製作, 算做係宣傳一種. 宣傳當然要吸引人睇部戲.之但係連續兩個making of, 都不停加入特別效果, 唔係畫面不停震, 就不停響畫面加effect, 搞到成個畫面花晒, 根本就睇唔到套戲點拍, 亦集中唔到聽佢地講乜. 睇完我仲暈暈地想作嘔.
製作果位應該食左屎. 套戲幾好睇都無用, 一個咁簡單既making of都可以搞到一鑊屎, 乜分都扣晒.
附圖為製作特輯片段, DVD直接抓圖, 畫面上D數字只係effect, 並唔係真timecode.

2007年9月7日

瞬間看旺角!

佢老母...

今朝睇到呢段新聞真係火都黎埋. 點解有D咁既老母會做埋D咁既野用報復心理對待自己子女.
我都曾經講過現今太多潮童成為父母, 尤其十零廿歲連自己都顧唔掂仲要養幾個細路. 前幾晚就親身目睹一件火都黎埋既事.
事發地點係屋企樓下間茶餐廳, 隔離檯係一家五口. 包括一個大約得廿歲既潮女, 仲有兩個得三四歲既小朋友, 另外仲有頂多十四五歲既男仔, 再加一個中年女人. 根據佢地對話, 潮女係果兩個小朋友既阿媽, 中年女人係潮女既阿媽, 男仔係潮女既細佬.
總觀成晚三個大人只顧食食食, 係不停咁食. 兩個小朋友就不停咁卡位爬上爬落, 把弄刀叉. 係! 佢地拎D叉黎玩. 嚇到我死. 但三個大人繼續食食食, 直到小朋友玩到無野好玩, 將D叉掟過黎. 佢老母先至鬧爆其中一個細路女, 細路女當場喊爆. 雖則D叉只係響我地側邊落地, 但場面震撼, 正期待佢地會對我地講對唔住. 但佢老母好少理, 叫waiter過黎問可唔可以俾多幾隻叉, 因為檯面D叉全飛晒落地. waiter真係俾左幾隻叉俾佢地, 跟住兩個細路繼續有新叉玩. 三個大人依然無理繼續大餐, 其間阿媽曾經餵過鐵板牛排定豬扒俾個細路女食, 但可能太熱, 嘔番出黎. 跟住又俾阿媽粗口鬧爆, 細路循例又喊爆, 直至佢又搵到有餐具玩為止. 結果成晚, 大人就不停食, 細路就不停喊.
究竟呢個係乜野家庭呀? 愛登士家庭就話好笑啫, 呢個黐膠線家庭? 真係好得人驚. 有時童黨問題, 細路唔駛出街都會學壞.

廣告一則

我地位青春少男朋友傑少, 創業宏開, 佢開既工作室同排舞studio開張大吉. 佢係要開張當晚人頭湧湧, 所以特別幫佢整個廣告響呢度.
恭喜晒!



Less More Studio

全港最平之排練室租用中心

** 24小時服務
** 6 間 240 至 500 尺多功能排練室
** 全設鏡牆、彈性木地板、高隔音設計、迷型音響
** 話劇、各式舞蹈、武術、瑜伽、展覽、私人派對

荔枝角汝洲西街 781 號永康工廠大廈 5 字六樓 C 室24小時
租務熱線:6675 7766 Fax:2310 0109
Email:
bookinginfo@lessmorestudio.com
http://www.lessmorestudio.com/

開放日,自由參觀日期:2007年9月11日時間:1130 ~ 2330(Walk in any time)
地址:荔枝角汝洲西街781號永康大廈5字六樓C室
**每位到場人士可獲 $20 現金代用卷乙張**

2007年9月6日

白色大洞

有時搭lift時, 當部lift好多人時, 我都會通常視線會向層數錶版去. 但公司外國人多, 佢地又高頭大馬, 有時都會遮住我呢位六呎人士既視線. 背脊唔好望, 屁股更加望唔落(除非靚果隻啦!). 但今日搭lift時我竟然俾個男人屁股吸引住. 呢位同事著住淺色西褲, 原本我都係唔想多望, 但眼角一射, 佢條褲有D野...
再望真, 原來西褲皮帶扣位釘住一條洗衣店既號碼藍色紙帶. 藍色帶放上淺色褲份外奪目. 呢種大意有時真係唔可原諒. 雖則洗乾淨, 但著之前都會檢查下有無穿窿有無爛卦? 唔睇清楚就著就好似買件新衫唔洗兼唔撕貼響衫上既呎碼膠貼就著出街, 呢D真係自己攞黎衰.
我有諗過提醒個同事, 但一出lift決定唔出聲. 怕同事誤會我咁留意佢個肥屁股. 正如之前多次響街或食肆驚見有男人"火車未到站". 就好似前兩日正等緊外賣飯盒, 前面有位好樣中年男人同幾位女同事等位. 中年男人突然跌野, 佢一俯身, 嘩! 太陽出來了. 一大個白色大洞向我張開. 真係誇到哩... 正盤算既應唔應該上前提醒佢, 當時身懷職員證, 如果我一提出, 生怕佢會話: 乜乜公司咁多基佬周街望人下面. 與此同時, 佢地已入座, 呢位男人一就座, 個白色大洞又向大家招手!
所以各位男生, 出門前或去完廁所, 請check下你自己條褲. 避免悲劇重演.

2007年9月5日

kawaii 夏威夷

愚樂I Luv U拍到第三輯, 上一輯明顯已經唔好玩. 完全無新意, 只有第一輯玩得大胆.
拍到第三集, 移師到澳門廣州, 明顯就係想跟番第一輯果種大膽既隨街玩人. 結果終於做到. 賣愛情雪糕或者鉅記賣空氣糖都做到效果. 甚至泳池甩泳褲一段更加好好笑.
但論好笑, 都唔夠酒店房間玩電話一段精彩. 就連酒店都有咁荒謬好笑既事, 難怪俾佢地拎黎玩.

2007年9月4日

Ken Sir

Ha Ha Ha!
http://www.modern.edu.hk/tutor/Image/Ken.jpg


(updated 14:00)改番

http://www.modern.edu.hk/tutor/Image/Ken(1).jpg


(updated 1735) 屌!

Small matters 小事情?

寫左幾篇基文, 有人響msn話好悶呀. 雖然"基"不可(得)失而且"基"會難逢, 但我都覺得...應該寫下第二個題目之後....先再基落去. 呵呵!

買左好幾日, 尋晚先有時間開黎睇. 何菇既新CD好聽, 都寄望呢隻DVD好睇. 之但係...
第一隻MV"幽默感"真係幽我一默. 好似歌有歌唱, 動畫有動畫自己發展. 雖則兩者有相同主題, 之但係兩者放埋一齊後就好似水溝油, 溝唔埋. 唔知做乜?
跟住打後既"何是一家"及打後既訪加片段甚至乎"1+3G", 如果你係阿菇既blog長期讀者, 好多野都見過晒. 只不過係有硬照變成影片. 不過心諗既然有心拍呢隻紀錄片, 又有部咁好既HD機, 點解唔加隻定向咪或者響法語對白時加埋中文字幕呢? 因為入面D對話一句都聽唔到, 連何菇講既野都係聽得七成, 最清楚相信係何細佬同何老豆鬧交一段.
再者其實有好大篇幅好鬼悶, 尤其搵女同學同搵鄰居一段, 我要fast forward去跳過. 因為講真: 關鬼我地事咩! 不過再次見到Montreal唐人街既近貌, 我都有D感概.
"午餐肉"一段算係有少少驚喜, 至少故事好精緻又唔似"睡公主/王子"咁曲高和寡, 學石琪話齋: 悶藝!
成隻碟唔知點樣, 求求其其事事彈彈咁就到尾聲, "小事情"算做係一個唔錯既結尾. 雖則無林公子當年既"戀愛起義"咁經典, 但呢個都做到有少少令人投入既感動位.

"What Really Matters"係可以多番細嘗, 但呢隻"小事情"睇一次就夠!

P.S. 香港既唱片公司出呢D bonus DVD或音樂特輯, 拍就識用HD用16:9拍. 但一出DVD, 全部變晒Letterbox! 就似呢隻封底寫明16:9, 以為係Anamorphic widescreen, 點知一出都係Letterbox. 嘥氣!

2007年9月2日

基Lego: Rick & Steve

仲記得Showtime頻道多年前打造全世界第一套基卡通Queer Duck, 結果播左一季後就徹底失敗玩完. 之後貫徹Viacom傳统, 所有卡通一定整個電影版, 呢套都唔例外. 雖然有過所謂既電影版, 之但係都係無聲無色響姊妹台Logo播出.

Viacom始終對基卡通唔死心, 今年又整一部: "Rick & Steve"放響基台"Logo"播映. 今回唔係玩flash動畫, 而係玩Lego 公仔.
完全係QAF(Queer As Folk)既老翻, 就連配音既都有QAF既卡士. 其他如Alan Cumming, Margaret Cho 都係基界既紅人.
我諗究竟有幾多基佬或基友善既直人對卡通或Lego公仔有幾大興趣? 上次死因全因主角係隻好肉酸既鴨, 今回既Lego公仔, 完全無晒過往Lego公仔既可愛之處, 唔係聲大粗豪既女同志, 就係滿口牢騷既HIV+傷殘基伯. 今次仲要D Lego公仔玩親熱? No Way!
真係錯晒.

2007年9月1日

不羈的天空 My Own Private Idaho

封面label一句"新一代同志經典", 嚇到我窒一窒! 連"不羈的天空"都被譽為新一代, 咁上一代呢? 咪話我知係"Another Country". 仲以為新一代經典係"斷背山"添!
等左十幾年, 終於首度出版港版DVD. 想當年各位正為呢套片絕版之苦, 心中一轉, 因為自己珍藏當年港版中文字幕錄影帶, 所以偷偷轉格成VCD, 送俾梅玲既各位朋友. 今日各位都只係俾六十幾蚊就可以擁有DVD!
第一次睇係響HKIFF, 驚為天人! 一套art house電影可以拍到絕無悶場又言之有物.
最重要今次呢六十幾蚊... 得黎竟然係用CC版"The Criterion Collection"個master去做! 當然印片絕對唔可以同三百幾蚊既CC版黎比較, 但至少, 呢個港版, 絕封係無令人失望.