Whole New Thing

前排本港有案件話老師強吻學生, 結果鬧上法庭. 始終老師同學生響制度上都有唔同既地位, 無論響道德上或情理上都應該做番本份.

正如呢一套加拿大製作, 講13歲的少年, 父母一直認為家教好過番學. 但終個仔開始長大, 應該俾機會佢出去見識, 結果送個仔上學校. 響學校, 呢位少年鍾意左佢既英文老師, 一個日日浦魚塘既中年基佬. 起初老師覺得呢個小朋友有佢細個時既影子, 直到有次俾學生撞破好事, 先發現自己成為學生既暗戀對象.

全片拍得平鋪直敍, 無大膽越軌. 支節唔多, 但對兩位主角既描寫就較為簡單.

(官方網站)