Pandaa!

上個月知道"爛仔報"會出書, 以為: 哈! 浪子回頭搞番書. 再者未易手前"東Touch"都搞得甚為正派, 直頭唔似同一老母所生! 但等呀等, 都唔見本書既? 點知原來係本免費月刊隨"爛仔報"附送. 對於我呢D同呢份報紙絕緣既人黎講即係無得同本書相逢.
當然絕處逢生! 阿媽唔睇呢份報紙都竟然有一本! 即刻飯都唔食住拎上手揭揭.
印刷都好精美, 尤其用重粉紙加書紙印. 一開始幾頁有D似"metropop", 尤其幾版barter廣告既鱔. 跟住就雜亂落去, 由時裝突然下頁講沖涼再下一頁係旅遊跟住幾版好求其既PS專題. 阿葛訪問確係唔錯之但係下一版又跳去體肓. 最得人驚隔幾個廣告後竟然係財經, 仲要係連續好幾版後冷不防又整幾版食經. 以為就係咁多, 原來之後又有音樂同DVD專欄同一兩個專欄. 得意中間又插個MC仁訪問. 結尾相信係最嚇人係有兩個英文features, 再後加個漫畫就完成呢本書.
我唔想話呢本書係乜乜既混合體, 做書理應係咁, 之但係會唔會真係雜過頭呢? 最重要本書個定位係想點? 我完全睇唔到本書個target係邊班人. 老豆會拎起呢本用PSP做封面既書睇財經嗎? 女仔會知呢本書有介紹女裝及化粧嗎? 睇"爛仔報"既會受入面廣告介紹幾千萬游艇第二日買番隻嗎?
擺明向TeaMilkTouchMetropopFace越級挑戰, 落得不自量力. 失敗.
好在唔駛錢.
不過就算唔駛錢, 我都寧願揀"鱔書": Metropop. 至於內容同定位分明.

官方網頁