2008年8月30日

頭痛醫頭

尋晚放工約左B出街食飯, 路過OSIM既roadshow, 永遠都係有人試緊佢地按摩椅. 今晚見到佢地又有新野試, 好奇咁走過去望望小姐巳經急不及待介紹呢部名叫"uCrown"既頭部按摩器. 呢部"皇冠"望落好似好輕巧, 點知一戴先知出事, 縱有示範小姐幫手將部機套上我個頭都已經有難度, 心諗我響屋企除埋眼鏡點自己戴呢個機器上頭. 再者戴好後先發現部機好重, 而且感覺個頭唔係太舒服. 一著部機, 按摩功能開始. 只感覺係有人好大力練住我成個頭, 有部份部位係幾舒服, 但整體都係太差. 尤其當你個頭重重, 想舒緩下, 但要係戴上呢個咁沉重既機器, 咁咪百上加斤, 個頭咪仲辛苦. 最攞命係部機可以播佢自己內置既歌或大自然既聲音, 又或者選擇有人講野去催眠你. 講真有人響你耳仔邊咦咦吟吟, 真係好難瞓得著.
結果我同B一齊試左部機五分鐘都唔夠已經頂唔順要位小姐幫手除低, 千三蚊叫我買部咁既機? 我寧願搵真人按摩好過.


伸延閱讀: 官方網站

2008年8月29日

奧運反白眼

試片室: Eagle Eye

Shia LaBeouf自從簽左俾史匹堡後, 不斷有大片演出, 變型金剛一二集之間出現左呢套動作片. 照trailer所知既劇情甚至場面就連結局都疑似好多部荷里活大片, 可謂真係炒埋一碟大雜錦. 就算硬要硬銷史匹堡個名, 再加十月一日國慶上畫, 都難遮掩呢類拉雜成軍A級片格局既B級片.

2008年8月28日

古裝英文: YEAH!

繼前年前一句"得閒call我飲茶", 今次呢套古裝神怪片, 集合叮噹軍曹卡通式爛gag, 再加呢位小姐大嗌:YEAH! 堪稱近代超硬膠電視劇經典作.

2008年8月27日

2008年8月26日

奧運評述孖寶

由始至終, 觀眾都一直投訴兩個中文電視台既奥運旁述唔係廢話連編就係嘈喧巴閉. 但原來明珠台既麗音中文廣播竟然有對活寶貝一直爛gag纏身, 笑話正過旁述. 尤其前日一場球賽, 竟出現以下旁述:
石金華:石
陳恩能:陳
陳:唔緊要喎 我屋企咁遠 你咪黎囉
石:晞 鸚鵡都黎探你啦
陳:唏!!佢比TVB Buddy吸引左黎姐
陳:(扮聲)依!!!!呢隻咩黎架呢!!!咁得意既!!!!
陳:今次呢個又真係謎
石:晞!!!心裡心裡有個謎!!!!

有更多爛gag食字笑話:
明珠評述孖寶

1.石:"韓國選手正準備抓舉時"...嘩!你睇吓佢隻小腿同大腿一樣咁粗嫁!!

2.石:呢位選手出場試舉,又係呢個快舉手呀,果然係快舉手,名都未報已經舉唔倒番緊入休息室"
丹:下?番左入去喇?仲報唔報佢名呀?...報啦
3.石:再次出場試舉,快舉手
石:快啲講啦!唔係又趕唔切。
丹:係!莎諾娃!莎諾娃!..

4. 石:嘩!(唔記得名)佢開個個205km既發球
石:我想試下比佢開一球波打落我心口度,唔知會有咩感覺......
翁:我都唔知,因為我唔會走去試

5. 丹:有拿度,無難度呀!

6. 丹:高比仔,高比仔,叫叫下佢都成三十歲,就來要改口叫佢高比佬

7. 丹︰好彩呢位拳手贏左,如果唔係返更衣室將會同保安再來另一場拳賽

8. 石:泰國既舉重選手喎,打泰拳舉手係代表投降喎
丹:所以咪好彩佢係舉重,唔係打泰拳囉

9. 石:頂...頂...頂...頂...頂...頂...住唔好跌呀
丹:好彩你後尾加個住字

10.石:拳擊係少數唔比職業選手參加既項目,如果比既話(唔記得名)應該無人打得低佢
石︰但係奧運拳擊戴住頭套喎,(唔記得名)咪無得使出佢既必殺咬耳仔?
丹︰咁咪咬鼻哥囉

11.丹:加素爾對姚明 霸皇硬上弓呀

12.石:你估菲比斯會唔會變崩牙仔?佢囉一次金牌就咬一咬,囉八面咪咬八咬?

13.石:你唔踢波就做波牛,咁唔通你唔游水做水牛咩...= =(爛gag)

14.石:真係爆陰毒,踏單車到去尾段先整條咁既暗斜,佢真係恨不得退出比賽,求其有野就攤落去

15.石:人既一生得三萬幾日,訓教就訓左一萬幾日....咁樣仲徒時間係食野度!不如唔好食啦..........
丹:但係你唔食野我驚你過唔到果二萬幾日

16.石:我地一盤冷水潑落拿度果度,網球場既炎熱天氣都顯得特別冷.....

17.石:哎呀,拿度呢球矮仔放得太高喇
丹:係呀,係一球好高既矮仔

18.丹:大威用左九分鐘己經三比零,只係三個杯麵既時間

19.石︰大威既肌肉真係好似隻馬咁
丹︰點解咁睇呢?
石︰我睇馬術知架,大威d肌肉結實又立立令,真係好似隻馬

20.石:李娜我地支持你
丹︰你有邊個唔支持架其實...?
石︰中國球手我個個都支持

21.丹:194km,費達拿都唔洗讓佢....
石︰我開始懷疑自己想試既念頭(詳見第四句)

22.石:大威比個機會你做多次雙錯誤呀
(大威真係雙錯誤)
丹︰你真係烏牙咀......
石︰咁...講番句補數喇
石︰大威大威我地支持你.....
丹︰你呢個賣國賊...

23.石︰大威今日真係無左團火....
丹︰你估睇緊星矢咩,人人都有個小宇宙....

24.丹︰我有個朋友細個話想做翁金驊....
翁︰下...我同你都唔係差好多姐

26.石:中國隊舉100幾kg好似熱身咁
丹︰係架,拎冠軍都係熱身

27.石:呢個選手次次都咁用力咬住個下唇,會唔會咬到變雙唇呀?真係"鄧"佢個下唇辛苦!

28.石:咁又難怪..又要射籃板..又要平衝自己..搵到野咪禁囉..
丹︰另外果個就話:咁又係呀..好難得有個頭o係自己隻手下面..哈

29.石:呢間屋難拆喇,仲難拆過鳥巢

30.石:下~~點解佢地講對住個個都係講英文?
翁︰因為英文係共通語言,你都可以向大會要求特定語言
石︰咁我下次要求潮州話又得唔得
翁︰咁即係玩野

31.石︰嘩~呢球靚啦~仲靚過鄭潔個樣..

32.石:過去十年,無睇過電影
丹:無?咁你有冇睇開幕式呀
石:有!開幕式有.....
丹:果套咪係囉,現場拍電影
石:哦...過去十年睇過唯一一套電影,2008奧運開幕式

33.石:擺左兩隻蕉係度,但係無郁喎
丹:可能郁剩兩隻呢...

34.丹︰集中精神打break point睇來唔夠好喎....
石︰如果有其他方法,我一早轉左打網球啦

35.比歷克,比力打!

36.丹︰不如每一次用鷹眼都要比錢,d錢就囉去做慈善啦....
石︰不如捐比我啦...
丹︰都係捐去網聯啦,比佢做青訓
石︰可以既捐去眼科啦
丹︰嘿嘿...我鍾意你呢個提儀,忍唔住笑左

37.石︰(唱歌)危險經己在前面.....

38.丹:比歷克裁判講野,好似細路仔問阿爸,「你比我出街啦」咁樣

39.丹:拿度有一下假動作
石:祖高域都有一下假到作架,不過係跣腳姐....
丹:係呀,呃自己架係嘛....

40.黃:所以話龍門最好既朋友就係門柱
丹:估唔到呢位巴西既守門員咁快係我地既國土認識左一位新朋友

41.丹:一個ace之後又一個double fault
丹:真係一啖沙糖一啖....
石:屎....
丹:我都唔想講喇,你幫我補埋佢
石:唔怕啦,而家深夜,又過埋食飯時間

42.丹:頭先馬術咁精彩
石:馬術精彩你又知?你唔係探緊人架咩?
丹:我邊度探緊人呀?
石:周公呀嘛....

43.丹:你唔係剩係支持仲國隊炸咩??
石:拿度件衫中國隊色嘛...火紅色
丹:估唔到你心境仲年輕,仲有火紅的心...
石:唏,我得24歲姐嘛
丹:24歲?你仲後生過談校長喎

44.石:幾次喇喎,好多螢火蟲定小強飛過
丹:小強識飛架咩??

45.石:拿度食緊既係大蕉來架喎
丹:係大蕉呀,唔係香蕉,唔係黃帝蕉呀
石:大蕉仲有個好處
石:利大便....

46.丹:拿度再贏多兩球就贏架喇
石:機會係有架
丹︰係呀,一係贏一係唔贏喇

47.石︰拿度真係匪疑所思呀
丹︰仲來,就來要比版權費喇喎

48.石︰祖高域搞乜鬼會「鬼拉手」呢
丹︰我地唔可以宣陽呢個堪輿學說既.....

49.(拿度救唔到一球波)
丹:石仔,冇得救喇
石:係呀,真係冇得救喇
丹:你就真係冇得救喇,拿度重有得救...
石:係呀,我真係冇得救家喇

50.石︰五個拳證座四邊,翁金驊哥哥你呃我呀?
翁:有一邊座兩個既.....
石:等我仲以為一個吊係上面睇添
翁:你係咪想得太多呀

51.石:兩個都係歐洲既國家一個向東望,一個向西望,咁就變左東張西望
翁:哈哈....係咪真係變左《東張西望》架?

52.石:你部電腦咁多料既....我果部搵唔到喎
翁:睇你肯唔肯搵姐
石:咁你過d來過d來喇

53.丹:你知唔知網球場菱形果d咩來呢??
石:我又想問喇,丹尼爾哥哥......
丹:拿...唔好叫哥哥喇,哥前哥後三分險呀.....叫dede好喇
丹:其實菱形果d係通風口來既.....石仔你都交足戲喎,呢番話我同你都講過5次喎.....

54.丹:不如試下裝個鏡頭係個拍上面啦....
石:試下都得喎,我地TVB有咁既能力架
石:下次香港有比賽可以試下架
丹:我以為你會接一句,下次香港搞奧運試下添
石︰唏,我係傻但我唔係痴嘛

55.石︰唔知我地有冇機會講決賽呢...?
丹:我地播乜咪講乜囉,我地專業架嘛
石:但係我想睇嘛
丹:你想睇咪唔好返工囉
石:唔返工我咪無飯食?

56.石︰又來我果句喇,李娜李娜我地支持你...
丹︰我都係果句..我地持平d好
丹︰陣間唔該講多句支持沙芬娜...

57.石︰超無聊IQ題
丹︰我係咪要答呀
石︰梗係啦
丹︰我d IQ好低能炸喎
石︰廣州既簡稱(靜左)嘩!沙芬娜.....繼續講波[2]

58.石︰超無聊iq題...
石︰麻麻同個孫仔呀煩既簡稱,麻煩....
丹︰你真係令我DA, dead air呀

59.石︰沙芬娜佢自己開鷹眼錄埋俾球證睇人地個球點解唔算
丹︰咁勁!唔知佢可唔可以用佢對鷹眼幫我錄高清翡翠呀?

60.石︰同大家講聲唔好意思先,因為呢場網球賽太精彩,所以晚間新聞將會順延到我地呢場球賽打完既
丹︰其實都無關係,因為聽到我地講野,想睇新聞會去翡翠台,但係如果睇英文新聞既,就唔會聽到我地講野啦,所以係無關係既....

61.丹︰好彩網球無50比0,如果唔係就成日賣廣告(自己估下點解XD)

62.丹︰悔路尼曾經比藥檢捉左架,要停賽18個月
丹︰18個月之後....
石+丹︰一條好漢....

63.石︰游水馬拉松要游湖架喎
石︰會唔會游游下有大閘蟹咬腳呢??
丹︰唔會,因為呢度唔係陽澄湖....

64.石︰而家全球一體化,無打仗架喇
丹︰下...俄羅斯咪打緊囉
石︰唏...呢d細路仔你打我一把我篤你一野姐....
丹︰下!出到飛彈喎.....

65.丹︰哇打到沙芬娜仆左係度~
石︰好彩呢度係網球場唔係街~

66.石:李娜呢球心諗住果兩個字「xx」
丹:你呢兩個字我唔想估 可圈可點 引人瑕想wor
石:死啦今次我...

67.丹︰華寧加 (federer雙打partner)坐o係federer女友旁睇federer男單比賽
石︰嘩! federer女友攪到仲大隻過佢隔離個職業男運動員
丹︰要練到同拿度身型似, 俾費達拿練習用麻

68.(男單四強,干沙里斯對比歷克)
丹:呢場真係馬拉松式嘅網球場,你估呢盤會打多幾多局?
石:我自己就想打到十比八
丹:你呢個主觀願望好似真係主觀咗啲喎
石:係呀,我個人真係好主觀嫁

69.(又係同一場網球)
丹:佢地打咗咁耐,唔知攰唔攰呢?
石:我地夠講咗咁耐啦,你攰唔攰吖?
丹:唔攰,我見你個樣就即刻唔攰,成個醒晒

70.丹:想知打曲棍球有幾辛苦,就試下幫阿媽吸塵喇,仲要跑住o黎吸,就知有幾辛苦

71.丹︰其實沙芬有2個細妹既,都係打網球莎芬娜係大個0個.....
石︰細個0個係咪莎芬娜娜?
(丹諗左陣)你都可以咁講既..可能係莎芬娜(拿)度.

72.(男籃中國對西班牙)
(西班牙有個人跌左落地撞親個頭)
石︰拿拿林寫番張慰問卡俾佢

73.石︰" 係香港EQ唔好 好容易入QE"

74.丹︰佢攞過澳網, 美網同溫網雙打架
石︰咁羅莽呢?
丹︰咩係羅莽?
石︰我地電視台同事囉

75.翁:俄羅斯選手比因哈....
石:比因蝦好食定基圍蝦好食呢??
翁:比因蝦我就味食過,基圍蝦就食過
石:如果呢位選手贏左,呢個湖撈上來既蝦我地就叫比因蝦
翁:呢度有冇蝦架...?
石:有,淡水有蝦既....

76.石:咩咩哈去左邊呀
翁:多哈因就唔知喇
翁:唔係,係比因哈....
石:可能去左變種,變左基圍哈
翁:變左就真係大件事喇

77.翁:踏單車由香港仔踏到機場....
石:踏到去既時侯你唔係上客機喇
翁:上果架真係救護機喇
翁:仲要即刻比你上添呀....

78.石:下次來撈果隻咩蝦話?
翁:睇多次先,我驚變左種呀
翁:比因蝦,係喇
石:下次我地來撈一隻食下

79.桂神:中國隊贏呢場機會好大喇
而意大利隊得兩個機會
就係機會秒茫同無機會
可以將呢場比賽擺入雪櫃喇

80.桂神:又快又怪,推波出界
keyman:哈哈....

81.石:講下笑,非洲d 運動員跑得禁快係因為成日比獅子追
黃:話佢地成日追獅子會吾會好d 呢……

82.石:呢首國歌好易記,因為得1個8度(跟住唱)
丹: 禁都識………

83.黃:點解馬術頒獎要拎埋隻馬出黎接獎????
石:咁點解帆船比賽唔洗拎隻帆船出黎接獎????

84.丹:哇..對方失哂位同足球射空門有咩分別?
石:唔係架,有時踢波對住個空門都會打飛機

85.(男單網球冠軍戰,拿度對(唔記得名))
石:Danny Summer都有一首歌,"(唱)永不放棄........."
丹:我以為你會唱晒成首o忝
石:唏,無線請我o地返o黎講波嫁ma

86.(男子200m欄)
石:佢對鞋繡住batman喎
丹:係呀,佢外號叫batman ma
石:唔好遇到joker就得喇,或者隻雙面人同iceman,batman最怕見到佢o地3個

87.翁:其實游得咁密,踢親後邊果個點算呢?
石:我以為你話後面比蟹咬到添...

88.石:R佢腳板咪仲慘.....
你睇,一下手,一下腳
R唔到腳板都R到腳指呀....
89.石:下,比水佢飲呀!
石:真係喎,咁樣比水佢飲喎
石:係水度唔飲水,來飲陸上d水
翁:飲水度d水好大獲架喎
石:咩呀!呢度d水靚水來架
翁:你試下飲下....

90.石:呢d BMX應該警車都追唔到喎
翁:你係咪想多左呀?

91.石:33號美國既選手,堅呀!
石:我無講錯呀,佢個名就係叫堅拿...

92.石:你真係醒喎
早幾晚我地講緊動物運動會....
而家搵人代替動動
真係螳螂捕蟬呀...

93.翁:(摔跤)咁樣比人鎖住想走都走唔到既唔覺真係幾慘....
石:你試過呀??
翁:未試過,不過我代入佢個感情度
石:咁你呢段感情真係刻骨銘心喇
翁:(扯開話題)比人鎖住應該講唔到野.....

94.石:跆拳道好似《舞動全城》咁比份呀
石:(普通話)兩分....

95.翁:原來呢個人係上屆奧運既冠軍來架喎
石:犀利!
翁:唔怪得咁面善啦
石:我係讚你犀利,咁快起到佢底....

96.石:嘩!戴維斯距離越來越返喎....
放兩隻蟹落去先
夾一夾佢隻腳等佢游快d....

97.丹:有沙排體驗區呀
丹:係呀!有得玩有得食.....不過食就要比錢既...
石:食沙都要比錢!?
丹:食沙要!由海南島飛來架嘛
丹:食塵就唔洗錢

98.石:(跆拳道)會唔會好似沙灘排球咁比你試打呀
丹:無架,因為都幾危險下....
石:我都為有d人可以比你試下打呀
丹:你可以私底下搵人試下....

99.石:左上角既數字就代表d分數(跆拳)
石:拿!果個8NW就唔關個比賽事架,係八號風球....

100.桂神:高沙尼夫+18號既古尼索夫
桂神:兩個夫,咁就令到美國無"夫"喇
丹:無扶喇

101.(鏡頭係華斯天絕望既表情)
石:嘩呀....你睇下....我唔制唷.....真係好痛苦呀!

102.丹:呢d拳我地作個名比佢啦,就叫做抽水拳

103.石:失特蘭佢剩係睇住佢隻腳唔睇手咪比佢打都唔知...?
丹:我係話觀眾姐,唔係個拳手

104.丹:我咪埋眼都打得啦,比人打姐嘛...

105.丹:我反而想睇印度喎,印度既拳手係咪少見d先
石:咁騎尼!?
丹:印度入左四強喎,我同你入左四強就話騎尼姐....

106.石:點解印度既拳手名無星字既
石:通常d印度人就係d古馬星呀,古馬星呀(估下點解)
丹:拿你個星字用得小心d呀....

107.丹:石仔,你知識真係廣博原來好多印度人都有個星字架
丹:原來呢個古馬都有個星字,不過報名果時就刪左
石:做左刪左佢呀,真係古馬星呀.....

108.石:銅牌就囉個吉,咁樣金牌咪囉個金吉(柑吉)

109.丹:為左見證印度既拳擊歷史,我地支持下佢
石:好!講番我果句,古馬,古馬,我地支持你....
丹:好!我地持平d,講番句支持歌利亞
石:歌利亞我地支持你....
丹:應該減一個字嘛
石:歌利,歌利,我地支持你
丹:掂哂!

110.丹:正如美國有冇機會上第一呀?
石:機會係有既,不過係無機會
丹:呢句桂神既....哈哈

111.丹:之前你話游水驚大閘蟹咬呢....就係呢度游喇...
石:我知,因為呢度新起,d蟹仔太細,或者得d蟹苗...

112.桂神:德國無驚無險,直抵終點呀 (另一版本:無驚無險,直吹終點)

113.石:匈牙利既首都布達佩斯
石:一個係布達,一個係佩斯
丹:中間隔條河嘛,萊因河
石:唔係多瑙河咩
丹:好似係多瑙河....

114.丹:今次中國真係用畫心思架
石:張藝謀用盡左咁下次點呀?
丹:用盡左可以再超越架嘛
石:哦,之後再用盡.....
丹:係呀,好似打機咁,出完龜波氣功之後擋下,再儲下氣

115.石:各位觀眾, 由於節目調動關係, 超能小子....阿迪寶人體之旅係會取消既
丹:哎呀,我好鐘意睇阿迪寶人體之旅架
石:係!?
丹:係呀!佢由淺入深咁來帶你認識人體架
丹:佢真係做左你肚裡面條蟲架

116.石:E又要問喇喎,果晚我地咪見到隻小強既...
石:你果時見唔見到呀?
丹:見唔到,可能比螳螂擔走左....
石:或者隻小強鍾意個主場館靚呢.....
石:小強都要參加決賽架嘛....

117.石:最可惜我地睇唔到和平之戰呀!
石:陳忠和對鄧亞萍呀
丹:下!對鄧亞萍!?
石:唔係...對...朗..朗平呀

118.丹:呢個教授既朋友佢有個名....叫做thin beast
丹:中文釋既最傳神既名就係:「排骨精」!

119.石:粗俗d講句,呢個係個"朵"來既......
丹:好既球員除有有球技之外仲要深得民心....
石:好多球員都好難得得呢個"朵"....
丹:呢個唔好講咁多次,我驚反黑組來搵你....

120.石:戰情雖然緊湊,但係我地用輕鬆既心情睇呢場賽事...
丹:戰情緊湊你而家講真係可圈可點下....11比3
石:唏,咁佢局數1比1嘛
丹:咁呢d就觀和與角度啦....

121.丹:呢d真係功架...隨便都可以將腳拗上頭度
丹:我地莫講話拗上頭,拗上腰都難啦
石:我向前拗都拗唔到呀
丹:咁大件事,你要睇下醫生喎

122.丹: 中國46面金牌....美國30面...日本8面...菲比斯係8面既
陳: 夾係日本同意大利之間架
丹: 如果佢係一個國家既話....

123.桂神: 第三有鬼用,阿茂記得邊個第三咩!

124. 18/8 徑賽
(男子3000米障礙賽)
桂神: 整件肯雅法國三文治!
桂神: 肯亞爭d就可以整個三重彩!
(男子400米跨欄)
桂神: 美國三重彩!

125. 丹: 偏偏遇著剛剛!
石: 係,佢地係好有默契.
丹: 有偏偏就有剛剛.
石: 咁我同你呢?
丹: 有石石同陳陳.

126.石: 零架車, 即係有無車?

127. 手球「六公尺區」以「鴨屎黃」作色
石: 唔係檸檬黃, 唔係皮蛋黃...
丹: 皮蛋黃o係直播室外面休息緊

128. 石: 桂神講波講到要o係度杭張床訓

129. 石: 聽聽廣告客戶有d乜野好介紹喇!

130. 石: 大熱天時咁省波餅埋黎, 好似食左個熱香餅!

131. (16/8 拳擊)
翁: 要有打仔, 先有打仔格!
石: 你岩, 有丹尼爾既影子!
石: 兜野...暈精咁打落去。聽我地話啦,七個一皮就完左呢個回合

132. (金牌運動員來港表演)
丹: 咁想睇,去睇匯演,買飛囉
石: 我地都無時間買飛

133. (15/8 游水講菲比斯)
石: 方力申真係好野,「匪夷所思」真係改得好,返黎問下佢

134. (保特破200米紀錄)
石: 保特又破世界紀錄
桂神: 咁第二第三係邊個?
石: 等陣睇慢鏡.
桂神: 睇慢鏡就全世界都知啦,使鬼問你咩!
石: 我正話真係無睇到,掛住睇第一.
桂神: 我作為旁述但要講句唔好意思,我都無睇到,邊個觀眾有睇到可唔可以e-mail話返畀我哋知啦唔該

135. (23/8男子91公斤以上跆拳道, 南韓對古巴)
石:真是Kimchi Kimchi,辣過雪茄!

136. (23/8男子十米高台跳水準決賽)
石: (分數)再創新低...

137. (24/8男子48公斤級拳擊決賽)
石: 08旺在北京!

138. (24/8男籃決賽, 美國對西班牙)
石: 領先七分,即係贏七分
石: 碧克漢姆!
丹: 碧咸.
石: 北京奧運嘛.
丹: (普通話)好球!
丹:打中男人最痛個位置?
石:E?係?男人最痛?你試過?
丹:係人都試過架啦,睇吓打中10分定9分,係唔係正中紅心.
石:咁你個紅心都幾大喎
丹:你既私人問題我唔會回應。
丹: Wade個阿媽係醫生,個阿爸係護士,係來自一個有學識既家庭
石: 護士邂逅醫生,典型既組合
丹: 但個護士係男喎
石: 越級挑戰

139. (蒙古選手奪得第一金後)
丹: 你知唔知蒙古最出名係乜?
石: 拳擊囉
丹: 唔係. . .係牛奶
石: 咁咪即係蒙牛?!
丹: 喂,要適可而止.

140.丹:爬山單車係唔比潑水架喎
石:會唔會解釋有錯誤呀,唔准潑冷水炸嘛
丹:潑冷水就又唔洗規定既,不過你要潑又阻止唔到喎...
丹:好似係條街上面有人話你靚仔我都阻止唔到架

141.丹:桂神走左喇喎
石:桂神又去探朋友
丹:頭先你又探周先生喎
石:盤棋又真係幾有趣既.....
丹:頭先你傾到"叮叮"聲同"洛洛"聲喎
石:仲有"鋸鋸"聲呀

142.丹:國寶係咩呢?
石:國寶熊貓,安安同佳佳
丹:安安定佳佳呢?
石:安安同佳佳都係國寶
石:你唔好再出呢d超級低能IQ題下

143(講單車講到去空氣動力學)
丹:E!我地既範籌由哲學去左物理喇喎
石:單車唔玩空氣動力學,玩少兩個字,玩力學

144.石:嘩!呢棵樹都算騎尼喇
丹:係正條路中心喎
丹:咁鬼鼠!我地叫呢棵樹叫鬼鼠樹
石:不如叫鬼樹啦,橫掂都係鬼鼠....
(隔左一陣)
石:遲d要去探一探佢喎...
石:刻番個名叫鬼鼠樹嘛....

145.丹:呢d咪就係足球小將既直線盤球囉
不過用左來手球姐嘛....
明知山有虎,偏向虎山行嘛...

146.丹:通常笑住來打就正常既
但笑住來比人打就唔正常喇

147.丹:又有個堅哥喎
石:呢個家維堅,嘩!差d讀錯變奸人堅

148.丹:唉俄羅斯兩個爭食
石:照計都有d野食呀....唔洗去到球場上面爭.....
石:意大利可能無"我"字,因為去到呢d情況通常會叫"我既"...所以咪爭食囉
丹:明明見到對方,都要爭住來打
石:可能真係好餓.....

149.石:發球都派波餅
石:真係堅過石堅,勁過雷勁呀
丹:雷勁邊個來架?
石:我地前輩來架喎
丹:唔好意思下.....

150.丹:其實排球有好多獎架....有最佳防守....最佳扣球....
石:有冇最有愛心獎或最有體育精神獎
丹:呢d係無既,因為體育比賽係唔講求豬肉獎既.....
石:我見佢派咁多餅,比個愛心獎佢嘛....

151.丹:如果個整個最有愛心獎你會唔會擺係屋企中間呀
石:我擺唔緊要呀,我驚屋企人整個字係度炸
丹:整個咩字呢?
丹:整個"車"字係度.....

152.石:先打一球先
丹:馬天奴,打得好清脆利落...係...落網既...

153.丹:太約堅
石:堅哥
丹:(發球失誤)堅哥今次流左添
石:咁佢流定堅呀?

154.石:(家維堅發球)E!奸人堅,阿....家維堅
石:堅哥今次堅喎
丹:係呀,堅過太約堅

155.丹:嘩去左沙田呀,跳過兩個欄呀
石:哎可惜呀,踢跌欄呀
丹:咁咪要扣四分囉....

156,石:巴西一入九出
石:一號入來九號出
丹:好彩你講清楚炸,我以為一個入來九個出去
丹:另外果三個係邊個呢??

157.丹:大家見證歷史呀,如果你睇緊明珠既粵語廣播
石:精彩既拳賽,千祈唔好走開呀(桂神腔)
丹:你做乜peter黃上身呀

158.丹:而家安塔 hea住來打喇
石:一係好似珠木咁
丹:珠木咩來?朗馬峰呀??
石:佢係以前一個日本既選手....

159.石:(古巴既選手)佢點番去面對卡斯特羅呢
丹:卡斯特羅老喇,佢都唔記得喇

160.丹:蒙古咩出名呀?
石:蒙古拳擊出名
丹:呢d岩岩出名姐
石:蒙古安塔出名
丹:唔係呀,蒙古既牛奶出名
石:蒙古既牛奶,咪姐係蒙牛!?
(靜左幾秒)
丹:錯哂喇你,有時呢d野要點到即止嘛

161.石:中國而家打緊拳擊呀,如果大家覺得呢場比賽重要既,又想睇中國囉金牌既
石:就禁過去睇啦,剩番七秒炸....
丹:大家無禁到過去,而家仲聽緊我地講野

162.丹:男人最痛呀
石:你又試過?

丹:點會味試過,打波個個都試過啦丹:睇下中紅心的中九分姐
石:你個紅心都幾大架喎
丹:我唔會答你架,私人問題

163.丹:台灣女子跆拳道囉個牌架,因為佢男友都係豬木嚴....
石:哦....咁佢地咪可以係屋切磋?
石:會會唔成日有人投訴
丹:太嘈下話....

164.丹:冰島有個座波監喎
石:艾拉臣呀
丹:艾拉臣,佢拉人呀

164.男足中國對巴西
桂神:中國隊有兩個機會,1個係渺茫 1個係冇

165.男子網球, 其中一場拿度的比賽
加素都有同籃球隊d人黎睇波
石: 加素梗係黎叫佢一齊食飯啦, 早d打完早d食丫嘛
丹: 咁早食完有咩做呢?
石: 唔知呢?
跟住兩個人開始探討下西班牙人幾點食晚飯
到最後石金華問: 咁究竟佢地食咩呢?
丹: 梗係食「被分類的麵包」啦 ....

2008年8月25日

英國運動員David Davies絕對係垃圾

奧運曲終人散, 但留下好多謎團. 究竟邊位運動員得到獎牌後將獎牌丟落地? 古巴女排領獎後佢地高舉張紙牌寫左乜呢而令到本地電視台即刻cut走畫面呢? 原來仲有一單令人不思不得其解...
去到奧運, 我相信運動員既情操都一定去到某一個階段, 但萬萬想唔到竟然仲有野蠻運動員嬴左之後侮辱甚至襲擊中國既工作人員.
好難想像下屆甚至會響英國舉行既奧運, 幕前爭獎牌, 幕後打到嗌.
其實可唔可以向有關團體或奧委會投訴呢位無禮運動員, 就算阻止唔到佢出賽下屆奧運, 都應該取消佢今次既出賽紀錄同獎牌.


伸延閱讀:
David Davies網誌(含大量鬧爆佢既留言)
Swimmer David Davies wins silver medal for Britain
(新聞報導兼含鬧爆佢既留言)


硬膠張如城

多年前既"愛意"令人知道有D野係唔可以夾硬, 點知事隔七年, 呢位小朋友又再次為大家帶來噪音. 如果呢隻都叫做歌, 我諗我都會係大音樂家.

2008年8月24日

塊魂亞洲小姐

做promo果位呢期一定玩緊塊魂.

2008年8月22日

風眼

(轉載:三屋將軍澳谷)

穩字咒



2008年8月19日

Earthgrooves vol.2 - the sound of earth tv

Earth TV呢個發明將我地webcammer既夢想實現左. 雖然webcammer既熱潮冷卻, 但呢一個網絡就將地球每一個地方響同一時間出現於大家既電視中, 代替左電腦位置.
電視台幾年前引入呢個delay live錄播節目, 原來真係有fans支持. 佢地每日都一定要睇呢個節目先滿足, 亦帶動左earth tv推出OST CD.
記得幾年前響HMV買第一輯OST已索價$185, 但收錄左無線及鳳凰衛視既版本音樂, 雖然貴, 都算值得. 今回第二輯, 響德國阿嫲喪獨家發售. 俾既係歐羅, 維起黎只係一百八十幾蚊, 不過運費竟然同碟價差唔多, 結果埋單三百四, 堪稱有史以來買得最貴既單碟CD.
今輯OST, 少左之前一輯既New Age感覺, 多左一份地方色彩. 絕對係每首歌都可以有特訂既畫面配合, 就似特登為果個國家而寫一樣.
今輯亦收錄左Now新聞台版本既音樂"Valediction", 同無線果隻"North Gate"一樣易入耳.

2008年8月18日

劉翔, 我支持你!

講真人心(身)肉做, 每個人總有脆弱既時候, 劉翔響起跑前退出完全係明智之舉, 因為留得青山在哪怕無柴燒. 奧運金牌到底都只係個牌, 反而世界紀錄就可遇不可求. 今次跑唔到難保下回復元後復出就又破世界紀錄. 一樣光榮到震, 要係為左國家面子而强求, 到頭來咪人獎兩失, 值得嗎?
事發後見內地網站充滿怒罵聲音, 一貫盲目愛國既憤青例子. 國家既光榮或獎牌, 你真係有份分嗎? 難保四年中國可以攞得更多獎牌. 將成個國家既成敗都推於一人身上, 叫劉翔太沉重!
請憤青們放過佢, 聽到教練所講嗎? 劉翔一直在玩命. 要是劉翔跑完但有乜三長兩短, 各憤青過意得去嗎?
醜陋的中國人, 呢一世都改唔到.
劉翔, 我支持你!

2008年8月13日

我地就係噢..........運!

睇左五日奧運轉播, 我得出以下心得.
1) 未開幕三色台已經蝦碌百出, 又唔係第一次轉播奧運, 更唔係第一次做直播節目. 好難相信會出現有畫無聲出錯換衫兼鬧人既失禮畫面, 更唔應該開幕式途中on-mic testing仲問個咪唔係出緊街架呵. 再加送肥佬工作人員多番無厘頭入鏡, 外景如是, 廠景也如是.

2) 廣告係好重要, 之但係如某晚高清台播球賽, 每次廣告break都係容袓兒, 兩分半鐘過後先發現又錯過開波又錯幾個精彩入球, 你係觀眾一定爆炸. 請唔好當人地time off 30秒既第25秒先去廣告, 因為實錯過開波.

3) 好彩部電視有PIP畫中畫功能, 一邊硬膠廣告高清台, 一邊細格無廣告既亞視.

4) 幾時三個電視台會有條聲軌係無旁述呢? 硬膠如: 你知我都係負責講下笑啫. 又或者: 呢場好多人呀! 再例如: X sir, 呢場波實在好緊張呀(20秒前已經講過啦). 更嚴重係下下訪問運動員必問: 你知唔知全香港觀眾都支持係呀?

5) 迫住愛國! 兩個台主要既頻道都係播有中國隊出現既賽事. 就算播緊其他賽事無論比賽去到幾緊張, 隔離館一有中國隊決勝關頭, 原本播出既賽事必定慘被腰斬有頭無尾.

6) 好彩亞視既數碼台確係多左選擇, 尤其本港台經常出現既九宮格畫面, 唔駛check個EPG都知其他台播緊乜野賽事. 付出既係變成高清製作標清畫面.

7) 比賽左三日先知"唉基佬"有網上直播, 一樣有四個台不停播比較其餘兩台唔會播既賽事, 單車舉重兵乓球都係多謝有網上直播先至睇到.

8) 兩台下晝竟然走去播奧運卡通都唔播其他節目, 等唔(識/想)睇奧運有個選擇, 難怪師奶們嗌悶.

9) 開幕式真係嘆為觀止, 但跟住往後既花邊就更加嘆為觀止, 藍畫面假煙花再加咪咀, 要挑骨頭仲有理由去做.

10) 千祈唔好響公司一邊做野一邊全程投入睇奧運電視直播, 因為分分鐘夜晚十點都做唔晒D野.

2008年8月10日

Get Smart 特務S嘜

原本之前一直唔睇好既一部, 睇完又覺得ok.
改編自六十年代同名電視劇, 我都睇過電視劇版, gag位較平淡, 未算係好好笑. 但呢個電影2008年版, 處境笑位密集左. 男角Steve Carell真係有幾分似Don Adam, 反而99就後生左, 結果戲中99竟然有解釋番點解後生左. 全片笑位分配得幾平均再加埋現代既電腦特技輔助, 動作場面都有板有眼. 比電視版多左動作少左純對白爛gag, 最正既keep番電視版既opening and closing, 對die hard fans都有一定既安慰.
最後亦同意網友所講, D中文字幕真係譯到不知所謂, 果D中文爛gag真係笑唔出. 原本有條line好好笑, 但個字幕譯唔到, 結果全場得我地兩個大笑. (其實係好多場都係淨得我地大笑, 全場人無反應. 反而有D中文字幫爛gag位就有少少反應.)

2008年8月7日

Paris Hilton, 好波!

果然寧得罪班野蠻家長, 都唔好得罪位有錢女... 就算佢之前係幾無腦. 今回呢位小女子果然做啱左一件事, 仲要係好漂亮既一杖! Good for her! 正所謂面係人地俾, 架係自己丟! 下次麥肯先生再想攻擊對手, 請唔好再傷及無辜!

林民龍

而家先寫係咪有D遲呢?
第一次聽我係無細心留意歌詞, 只覺呢隻歌都有一定流行程度. 但買左隻碟扭黎扭去搵到隻碟同歌詞, 先發現歌詞含沙射影, 絕對係超好玩既一次.
再加上各個單位所製作既版本都可以話獨當一面, 各有特色, 今次Juno跟其他人又做對左一件唔錯既crossover.

2008年8月6日

巨棒堂

今次無左奈奈娜娜有D失落, 而且將所有扮女人角色俾晒俾佢地班PA玩, 毫子同BB果兩位既女人打扮真係笑到甩咀. 今次保留番電台版既銀河道士梁S浩, Hip Hop Battle 同波波校園, 我就最鍾意銀河道士梁S浩, 果種冷面笑匠真係好頂癮, 如果有埋BB既口震震演出就更加好.
今次呢集確係好笑過上集日本. 上兩次玩得太多"從XX出發", 有D悶, 今回玩"一百萬人的故事"反而有D驚喜.

2008年8月5日

先鋒DVR-560H-S DVD硬碟錄影機入手

原本部三叔只係用一年, 無乜必要去換機. 但係一過保養期就壞HDMI壞開關壞轉台甚至玩罷工,預較左錄影, 一個唔該到時到候唔肯錄, 壞得有性格...壞壞壞壞壞....真係頂唔順決定換新機. 見人人都讚先鋒耐用, 而且又有新model, 所以決定入手呢款160GB既錄影機.
我地通常錄Now TV入面既節目, 反而少錄無線亞視, 所以無需要機頂盒錄影.

響蜂窄買照價仲有九折, 再加埋宣傳期既舊機回收三百蚊回贈, 部野只係二千三左右. 不過之前用BBK同三叔兩部機錄落好多節目光碟, 如果未封碟, 呢部先鋒一概讀唔到. 結果我又要將部三叔裝番上去做封碟. 但又發現原來用BBK錄影既碟拎俾三叔封碟會失聲. 有好幾隻B既珍藏都失左聲. B下令保留番部三叔, 因為用三叔乜鬼野碟都play到.
無左三百蚊(原訂拎部三叔去回收), 仲要搞到成櫃機成檯搖控.

2008年8月4日

到處睡的女警

唉... 淪落到咁... 醒勒喂~

2008年8月3日

Viewsonic HD810機頂盒入手

睇完網上既意見, 兩隻知名牌子唔係機身太熱就係經常性當機, 真係唔考慮. 反而另一牌子Viewsonic都算係名牌, 好多人意見都好正面, 所以決定入手.
兼且今次一鑊過買埋DVD/HDD錄影機, 結果埋單四千有找.
一插完所有線, 部機自動搜台, 大約兩分鐘左右搜完.
看後感:
亞視果幾個台真係浪費大氣電波, 同所指既標清仲有好大距離. 而且
亞視高清台每晚只會廣播兩個鐘,而且如果高清19台廣播既時候,其他標清台除左本港台,國際台,CCTV4之外都會停播.反而無線既高清台確係唔錯, 標清翡翠台都還可以, 但標清明珠台就.....
一轉番去睇Now新聞台, 無線所謂標清真係...
部機頂盒開左兩個鐘, 機身唔係太熱, 反而部三叔錄影機仲熱過佢. 個menu確係幾求其, setup更加無乜野可以揀. 但最爆笑係個搖控...同Now TV果個九成疑似. 搞到我地兩個都搞到亂左.
另外發覺部機好細聲. STB用HDMI直入電視. 條HDMI係原屬於三叔錄影機, 唔知乜野version. 但用STB睇乜野台都好細聲. 平日電視只需開11已經好大聲. 但用STB要開到13.
另一個問題係字幕過快. 尤其亞視, 出中文字幕總係快過對白. 過左兩晚, 幫部機頂盒update firmware, 增加左錄影功能, 但開機時間亦需時多左.

2008年8月2日

BBC HD

岩岩先響BBC既Channel Reviewer網站得知BBC有意將HD服務擴展到海外. 作為世界其中一間製作最多高清英語節目既電視台, 確係對觀眾幾吸引. 就連佢地響英國本土既高清宣傳片都拍得令舍特別過人.
P.S. 近排佢地失驚無神響John Deed節目中加promo break, 好鬼無聊.