2008年8月30日

頭痛醫頭

尋晚放工約左B出街食飯, 路過OSIM既roadshow, 永遠都係有人試緊佢地按摩椅. 今晚見到佢地又有新野試, 好奇咁走過去望望小姐巳經急不及待介紹呢部名叫"uCrown"既頭部按摩器. 呢部"皇冠"望落好似好輕巧, 點知一戴先知出事, 縱有示範小姐幫手將部機套上我個頭都已經有難度, 心諗我響屋企除埋眼鏡點自己戴呢個機器上頭. 再者戴好後先發現部機好重, 而且感覺個頭唔係太舒服. 一著部機, 按摩功能開始. 只感覺係有人好大力練住我成個頭, 有部份部位係幾舒服, 但整體都係太差. 尤其當你個頭重重, 想舒緩下, 但要係戴上呢個咁沉重既機器, 咁咪百上加斤, 個頭咪仲辛苦. 最攞命係部機可以播佢自己內置既歌或大自然既聲音, 又或者選擇有人講野去催眠你. 講真有人響你耳仔邊咦咦吟吟, 真係好難瞓得著.
結果我同B一齊試左部機五分鐘都唔夠已經頂唔順要位小姐幫手除低, 千三蚊叫我買部咁既機? 我寧願搵真人按摩好過.


伸延閱讀: 官方網站

1 則留言:

Gabriel 說...

我身為一個用家…:P,想講係唔駛坐喺度做架,訓喺度都得。

同埋OSIM通常校得好緊,鬆返少少就差唔多(同埋自己用唔駛成日校鬆緊),另外無聲做按摩都得。