2007年6月30日

說不出的未來

霧 裏 看 都 市 憂 傷 與 灰 暗
人 們 在 抱 怨 天 氣 互 說 風 光
我 對 你 傾 訴 但 充 滿 了 隔 膜
似 是 我 故 作 寂 寞 在 一 角
愛 上 了 電 視 不 需 要 思 索
模 糊 面 對 工 作 日 夜 去 奔 波
偶 爾 看 齣 戲 漆 黑 裏 歡 樂
我 愛 你 那 歌 曲 天 天 播

曾 話 過 賽 馬 不 禁 跳 舞 自 由
曾 話 過 這 裏 不 變 我 會 逗 留
你 問 我 我 為 何 說 不 出 對 未 來 的 感 覺

那 個 要 包 裝 青 春 與 奔 放
誰 高 呼 空 虛 觀 眾 便 心 醉
我 聽 到 歌 聲 醫 不 了 飢 餓
上 帝 愛 你 跟 祂 去 天 國

誰 做 錯 世 界 到 處 有 難 民
誰 做 錯 你 要 降 世 救 罪 人
你 問 我 我 為 何 說 不 出 對 未 來 的 感 覺

今 天 我 知 鄉 村 變 了 都 市
今 天 我 知 文 明 原 來 是 這 樣
告 訴 我 你 會 叫 喊 與 淚 流
告 訴 我 我 為 何 說 不 出 對 未 來 的 感 覺
告 訴 我 你 會 奮 鬥 到 盡 頭
告 訴 我 看 到 了 自 由
告 訴 我 我 為 何 說 不 出 對 未 來 的 感 覺

2007年6月29日

Love is not all around


真係唔知發生乜野事, 最近身邊多左好多離離合合. 有朋友同佢男友分手, 演變成男友由上網求諒到變成翻轉豬肚. 我一直唔敢加把咀, 一來未見過佢男友就算朋友多番約我地見面, 結果都係緣慳一面. 二來始終他人家事, 加把咀盞越講越錯.
到近日我又得知身邊有一對最近又離左婚. 想當年佢地既婚禮幾轟動, 廣受傳媒追訪上晒報紙電視頭條. 一直被推舉為模範. 點知都係童話幻滅, 離婚收場.
突然間身邊咁多離離合合, 連我呢個局外人都有D措手不及. 係愛情已死定你人變得太快呢?

2007年6月28日

iPhone率先睇

講完iGoogle, 就講Apple驚世巨構"iPhone"! 上次iPod成為經典, 今次更加不容有失. 經過半年既催谷, iPhone終於響29/6星期五於美國發售.
紐約時報專欄作家率先得到實物介紹同試用. 套短片拍得相當有趣兼富資訊性. 凸顯iPhone既優點...同缺點.
例如:
1) 仲係2G
2) 上台機(AT&T)
3) 無得插記憶咭
4) 內置電
5) 最低能係...既然係iPod+Phone, 你當然expect可以用手機網上買歌後立刻download落手機立即聽. 可惜, 你係可以用手機上網去iTune買歌. 但係隻歌只會download落你部電腦先, 再由電腦過落你部iPhone. 好鬼落後.

當然iPhone仍然會好紅好受人追捧, 但相信好似短片結尾咁, 只有死硬Mac友會堅持到底.

iGoogle

呢個年代仲i乜i物都幾out. Google夠膽死將自訂portal網站叫做"iGoogle", 就似同潮流對著幹! web 2.0產物已經唔係新鮮, 可以自訂內容既入門網站, 之前yahoo都玩過. 只不過無Google咁多其他人開發既工具可以自由加入. 總之懶理你仲有緊15"CRT定32"LCD widescreen, 由即時新聞天氣到blog同遊戲又或者google map或便利貼. 都夠你將你要既工具填滿成個desktop.

2007年6月26日

荒謬影話: Keillers Park

根據真實個案改編, 講述已婚男人"忽然"轉基, 愛上一個樂天人. 巳婚男人為左新歡放棄家庭家族事業一切一切, 但卻換黎殺人疑犯既罪名.

講真套野表面似係同志片, 但係處處恐同. 將基佬寫成破壞家庭殺人放火只識享樂有性無愛... 雖則現實確係如此唔公平同受歧視. 但係咪需要咁一面倒呢?

再者套片就似一套未經剪接既戲, 想倒敍成件事但技效好差, 連講故事既能力都無. 只識用床戲同裸體去取悅觀眾. 結局毫不驚人根本就係意料中事.

呢套或者岩"睇肉專家"去睇, 要睇真戲劇, 大可以skip呢套.
tla releasing
(30/100)

2007年6月25日

Judge John Deed去左又番黎!

尋晚一心留響屋企睇Judge John Deed series 5最後一集, 點知個timeslot播左第二個節目. 心諗無理由架, BBC官方網頁都話仲有一集就完series 5, 但BBC entertainment網頁就話改左播第二套劇集. 乜無厘頭俾人腰斬呀? 所以決定打封email去質問BBC. BBC效率真係快, 今晚就收佢地既回覆:

Hello and thanks for your email.

Sadly this episode had an OFCOM complaint upheld against it and therefore is not suitable for transmission by the BBC. We are very sorry if you feel your enjoyment of this programme and series was compromised removal of the final episode we had to make for compliance reasons. It is always a dilemma for us. BBC Entertainment plays out across several nations throughout Asia, some of which have strict regulations on issues such as language, sexuality and nudity. It is simply not possible for us to transmit separate programme feeds to all these different countries and so there are occasions where we have to make edits that would not be necessary for Thailand alone. If we did not do this we would be subject to heavy fines and the risk of being taken off air entirely. This also explains why you can sometimes see unedited versions of the same BBC programmes later on other networks.

You should be pleased to hear that we will be repeating series one, which starts from Saturday 14th July so please check the listings closer to the time.

We are sorry for the frustration and hope this goes some way to explaining why the removal of this episode had to be made. Despite this we also hope that you will continue to enjoy BBC Entertainment and look forward to your continued
support.

Regards,

Douglas Spitz
BBC Entertainment

唉, 又俾人去OFCOM投訴. 原來如此. 不過既然佢地又會repeat番series 1既話, 條氣都順番. 各位, 唔想去HMV買三百幾蚊呢套劇既2區DVD, 就要留意14/7佢地既電視重播. 最重要係有中文字幕, 唔駛下下去問人D好深既法律名詞.

荒謬影話: The Lost Language of Cranes

一部由BBC製作既戲劇單元. 改編同名名著"The Lost Language of Cranes". 講述一位小朋友自幼俾母親遺棄響屋企, 唯一既同伴係屋前既建築起重機. 因為從未同其他人接觸過, 所以佢獨創自已既"起重機語言", 只識發出起重機聲音. 同時亦隱喻一家人既處境,

做仔搞基左廿幾年, 從來唔敢俾父母知. 直至俾唔嗲唔吊既男友激發下, 終於向父母come out. 點知引發另一個問題. 就係佢老豆其實比個仔更資深, 基左幾十年. 基佬唔易做, 只靠婚姻去掩飾. 個個周末去咸片戲院搵佬. 兩公婆開始無溝通, 始終紙包唔住火, 一場家庭大戰就咁引發.

雖然套戲係改編, 但改著重一家人為中心. 兼描寫得真實而有力. Brian Cox扮基老豆更演到果種內心鬥爭! 雖則套片好短, 但一樣令人留下深刻印象.

BBC America/WHV
(85/100)

2007年6月24日

生活炒雜碎 (第一回)

B問我點解成日我地去既地方通常都係得佢一個係外國人, 究竟香港D外國人去晒邊? 一條睇落好易答但又好深既問題. 易答係一般居港外國人都係出入中環灣仔淺水灣赤柱一帶, 要過海真係甚難. 記得以前識得有位居港外國人(仲要係本地出世添!), 原來佢己經好耐無過海去九龍行, 只係出國時被迫要過海到機場. 可惜我同B甚少出入果D地方, 尤其B搬離中區後跟我到北角甚至而家入到新界住. 更加少去. 出入場所離不開翠華美心太興花園吉野家, 確係幾難遇上有外國人幫襯. IKEA HMV GOD Page One City Super或者會好D. 我又咁諗, 其實人在異鄉, 始終見番同國人會係對思鄉有D幫助呢? 記得當年初到利物浦J帶我去當地唐人街一行, 可惜當時利物浦唐人街相當蕭滌, 十室九空, 得幾間店舖酒家同一間華人經營超級市場營業. 街上都好少華人, 相對倫敦果條唐人街繁盛有好大對比. 自始無再行去果頭. 後來兩年後我自己又行去唐人街, 一樣無變, 一D親切感都無, 思鄉或者有少少如想知星島明週壹仔頭條係乜呢? 但其他就好難對思鄉呢家野有幫助. 我明白B既感受, 但係夾硬去思鄉治療只會令自己更思鄉. 適當地補遺, 如咬住Donut睇late show with david letterman或者等佢放自己假約佢班外籍朋友去街食飯. 或會令佢開心下.

#####################################

去IKEA最怕失禮, 尤其本地市區兩間IKEA, 多人行到唔恨. 點知今日我就真係好失禮.
話說同B行到安樂椅部份, B話張椅一望就知唔舒服, 我叫佢坐上去試試. 佢點都唔肯, 結果我一屁股坐落去時, 張椅突然向前翻, 我就連張椅墊跌落地下, 雙脚向上成個V字咁. 最慘當時好鬼多人響前面, 個個O哂咀. 好辛苦B先拉番我起身, 真係走都走唔切. 唔知幾時youtube又會有段片叫"宜家傻佬試椅".
#####################################

環球復黑王又有新碟出, 今回入左呢四隻:
關正傑仲爭虛竹傳奇同大地恩情就儲齊寶記一套! 可惜康藝成音未有重出84/85兩隻碟, 否則可以儲成關正傑全集. 鄺美雲最好聽既就係呢隻"留住春天", 開始大紅亦有呢隻碟開始. 至於Auntie Yip呢..雖則有齊黑白時代既歌, 但係都忍唔住買隻復黑(刻)黎儲.

2007年6月23日

寶瓶星號

有無諗過參加郵輪假期呢? B一直好響往呢種假期, 可惜我係果種連搭新渡輪去澳門都暈船浪既人. 叫我響海上面生活十日? 一定嘔到不醒人事.

麗星郵輪自從獅子星號03年因為SARS離開香港後. 再無呢類大型郵輪駐港, 只淨得雙魚星呢隻郵輪仔同埋另一隻郵輪客運船仔做兩日一夜海上遊. 不過由今日開始又有一隻大型郵輪開始駐港. 就係"寶瓶星號", 隻船今日抵海, 仲受到消防船水炮歡迎, 極之誇張.
(留意上圖船上橫額: 香港朋友, 始終有你!)
伸延閱讀: 麗星郵輪

2007年6月22日

I'll remember this, you'll pay!

「 冇 理 由 任 由 下 屬 做 錯   佢 唔 使 負 責 」 議 員 促 李 國 章 引 咎 辭 職

【 本 報 訊 】 前 育 統 籌 局 常 任 秘 書 長 、 現 任 廉 政 專 員 羅 范 椒 芬 背 上 干 預 育 學 院 學 術 自 由 的 惡 名 黯 然 落 台 , 與 此 同 時 , 當 時 任 其 上 司 的 統 局 局 長 李 國 章 卻 輕 鬆 「 甩 難 」 , 有 政 府 官 員 及 立 法 會 議 員 認 為 , 李 國 章 應 與 羅 太 共 同 進 退 , 即 使 李 的 任 期 尚 餘 不 足 10 天 , 也 應 引 咎 辭 職 , 以 體 現 問 責 制 的 精 神 。  

另 外 , 李 國 章 正 式 向 院 前 副 校 長 陸 鴻 基 「 算 賬 」 , 李 已 將 控 告 陸 誹 謗 事 宜 交 由 律 師 處 理 , 預 料 稍 後 將 向 陸 正 式 發 律 師 信 。 接 近 政 府 消 息 人 士 指 , 獨 立 調 查 報 告 明 顯 對 李 國 章 的 評 論 「 留 手 」 , 給 予 李 國 章 生 路 , 但 政 府 內 不 少 人 認 為 , 由 於 報 告 認 為 羅 太 干 預 院 學 術 自 由 的 指 控 成 立 , 羅 太 屬 李 國 章 下 屬 , 「 冇 理 由 可 任 由 下 屬 去 做 錯 事 , 佢 唔 使 負 責 ; 即 使 對 佢 指 控 唔 成 立 , 佢 只 剩 低 唔 夠 10 日 任 期 , 李 國 章 都 有 必 要 辭 職 。 」

擬 控 陸 鴻 基 誹 謗

多 名 立 法 會 議 員 促 請 李 國 章 就 此 事 「 落 台 」 。 立 法 會 育 事 務 委 員 會 副 主 席 楊 森 指 , 報 告 已 有 足 夠 證 據 證 明 羅 太 干 預 學 術 自 由 , 李 國 章 是 問 責 官 員 , 羅 太 犯 錯 , 楊 森 認 為 李 國 章 應 與 羅 共 同 進 退 , 一 同 起 政 治 責 任 。 立 法 會 將 於 下 月 九 日 在 育 事 務 委 員 會 及 內 會 討 論 該 報 告 書 。 另 外 , 李 國 章 「 甩 難 」 後 , 已 密 謀 反 擊 。 消 息 人 士 透 露 , 李 國 章 打 算 正 式 控 告 院 前 副 校 長 陸 鴻 基 在 《 萬 言 書 》 中 所 發 表 的 言 論 屬 誹 謗 , 並 已 於 聆 訊 報 告 公 佈 後 , 將 事 件 交 由 律 師 處 理 , 預 料 很 快 向 陸 正 式 發 律 師 信 。 今 年 二 月 , 陸 鴻 基 在 院 內 聯 網 發 表 《 萬 言 書 》 , 當 中 提 及 有 一 名 統 局 高 官 曾 要 求 院 校 長 莫 禮 時 炒 四 名 學 者 , 隨 即 引 起 各 界 推 測 該 名 高 官 是 李 國 章 。 李 對 於 陸 未 有 即 時 澄 清 感 到 極 度 不 滿 , 於 二 月 尾 及 三 月 中 , 先 後 兩 度 發 律 師 信 給 陸 鴻 基 , 要 求 對 方 澄 清 及 道 歉 , 但 陸 鴻 基 拒 絕 有 關 要 求 。 知 情 者 指 , 李 國 章 當 時 已 想 控 告 陸 誹 謗 罪 , 但 礙 於 他 的 局 長 身 份 , 加 上 院 聆 訊 隨 即 展 開 , 他 不 能 向 陸 作 出 訴 訟 , 但 李 國 章 當 時 已 向 身 邊 友 人 說 , 若 他 不 再 擔 任 局 長 , 將 會 控 訴 陸 誹 謗 。 委 員 會 及 聆 訊 對 陸 鴻 基 口 供 的 質 疑 , 也 將 成 為 李 的 佐 證 。 知 情 者 指 , 李 國 章 雖 然 對 莫 禮 時 偷 錄 音 等 言 行 很 感 生 氣 , 但 礙 於 莫 禮 時 言 論 較 慎 重 , 只 在 聆 訊 時 發 表 有 關 與 李 國 章 的 恩 怨 , 故 難 以 向 莫 算 賬 。

李 應 向 公 眾 交 代

莫 禮 時 及 陸 鴻 基 的 代 表 律 師 高 恆 說 , 暫 未 再 收 到 李 國 章 寄 來 的 律 師 信 。 立 法 會 議 員 兼 資 深 大 律 師 余 若 薇 認 為 , 報 告 已 顯 示 李 國 章 曾 說 「 rape 」 等 字 , 但 他 死 口 否 認 , 顯 示 其 誠 信 有 問 題 , 作 為 問 責 官 員 應 向 公 眾 交 代 。 加 上 報 告 內 的 口 供 對 他 不 利 , 且 誹 謗 罪 很 難 告 得 入 , 即 使 他 向 陸 算 賬 , 也 未 必 成 功 。 陸 鴻 基 昨 晚 回 覆 本 報 指 尚 未 收 到 李 國 章 的 律 師 信 , 若 收 到 會 與 律 師 商 討 如 何 解 決 。

2007年6月21日

真的戀愛了(足本)重見天日

經過幾日考慮終於都係入左呢隻"病佬喇嘛"版Love Actually. 其實之前已經有隻年代版既Asian Version DVD. 買完先後悔, 因為個封底寫明2A... 弊! 亞洲版都係2A喎! 最壞打算~ 無五十幾蚊~
拎到番屋企一播... 咦? 又有Martin Freeman一段喎~ 即係點呀? 呢個版有無送檢架~
話說當年因為套戲有個故仔係關於拍床上戲, 入面有幾場露骨場面. 一定會列為三級. 所以環球公司特登剪左個潔淨版俾亞洲國家放映, "完全"剪左成個故仔連人都一概無影. 後黎香港曾經有發行過足本三級三區DVD, 但係我又無入. 結果因為版權完結, 市面再無呢套戲既影蹤. 好在病佬喇嘛向原本片主Studio Canal買番版權, 又可以重新發行呢套戲. 只不過諗唔到竟然偷雞二級包裝三級享受.
其實我覺得多左呢段, 雖有喜劇荒謬感, 但硬係同其他故仔有D格格不入.
附上Martin Freeman一段... 放心, 裸露場面我自己打格.

2007年6月20日

歲月流影(3): 一樣你平時會skip, 後黎又會追番既野

人就係咁賤, 廣告時間一定會唔睇, 但事後又會響任何途徑搵番D廣告黎睇.
以下係十五個我覺得深入民心既本地廣告:

1) 人人搬屋

2) 鐵達時 (梅艷芳)

3) Mohawk

4) 牛奶公司

5) 綠寶橙汁

6) 滙豐銀行

7) 位元堂養陰丸

8) 萬寶路香煙

9) 利工民

10) 美國運通咭

11) 山西竹葉青

12) 香港電訊

13) 家計會

14) 美源髮采

15) 美的冷氣


附送蒼海遺珠:
健力士 (翁世傑)


新加坡移民


聲寶牌直立式黑膠唱片機


歡樂天地


CTI 殺價超人


麥當勞


Classified Post


維他朱古力奶

2007年6月19日

嘟嘟嘟嘟....

電視風雲: 第一回合

話說自從新金主入主亞視, 有線打出10蚊台迎戰Now既英超足球. 電視圈再起風雲. 幾個月後, 終於有第一回合既結果.
就算有新金主入股亞視, 似乎仍然響到招兵買馬階段, 甚至接近吹水. 不停有消息邊個邊個藝員會加盟, 真係有做野既就真係無.
反觀有線既10蚊台"第一台"開台後更加雷聲大雨點小. 我早講明呢個超低成本既新台要打其他免費台根本就無可能. 因為成件事實屬大昆水. 當第一台開台前, 有線仲係講所有基本客戶可以收睇呢個第一台, 我都覺得奇怪, 乜唔係搵新客上台而搵舊客撑場既? 結果一開台, 情況360度轉變. 官方公佈基本客戶係唔可以收睇第一台. 因為客戶可以響基本台入面可以收睇到有關節目. 以往可以收睇有線A台既就只需俾10蚊就可以睇第一台. 同日, 有線A台關台! 變相所有A台客戶由以往唔駛錢到而家都要俾10蚊先睇到第一台. 而且A台同第一台既節目編排係有90%相同. 形成有線成機可以每戶收10蚊. 試想像一個有千戶既屋苑, 每戶十蚊, 已經有過萬元收入. 搵完舊客笨, 新客呢? 話就話俾10蚊睇一世, 但仍然要裝解碼器, 全數$810. 而且以往近乎免費既A台都可以話執就執, 十蚊睇一世? 你信唔信呢? 我可以話有線巳死! 唔識變通, 無生意頭腦, 只會得失客戶, 仲邊會有人會幫襯呢? 相信今年客戶流失率更多尤其佢地近期玩關卡阻止客戶取消服務既劣招更加令人反感. 今年無廿萬客? 一定!
HKBN近期推出BBTV打正攻打有線旗號, 意念鮮明, 其實都應該好有效. 可惜覆蓋有限, 影響上台, 死症. 點解唔搞好網絡先去推出服務呢? 結果有服務但吸納唔到新客, 如此生意, 佩服欽敬!
Now作為全球最成功既IPTV, 確係幾光榮. 基本上佢地有齊所有外購電影台/體育台已經可以係話無敵. 只不過之前佢地既海鮮價確係令人幾苦惱. 當然, 出面打乜野杖, 佢地都唔會怕. 所以佢地開始有所動作! 講左近半年, 終於響年底發生. 所講係Now新聞台. 之前Now一直都對亞視新聞台唔滿意, 結果趁今年約滿後不再同亞視續約, 自己成立新聞台. 最重要Now可以用原本財經台既人力物力就可以開新聞台, 無需由零開始. 再加上現有亞視新聞台既訂户, 可以話打左場嬴硬既杖! 至於亞視新聞台就會轉到亞視既數碼頻道繼續廣播.
至於無線, 確係怕有知名藝員跳蹧過亞視有線. 但隨住亞視既無米粥同有線第一台開台後, 事情好似平靜落黎.

消滅香港

近日網上傳出馬己仙峽道一塊過百年城界石碑被移走, 呢塊石碑係一百年前港英政府為維多利亞城設立既既邊界, 極具紀念價值. 就算維多利亞城早已唔存在兼且回歸十年, 石碑都相安無事, 我每次行山都見到, 點知近日就傳出呢個消息. 究竟發生乜野事呢? 附近唔見有工程, 石碑被移走後原址用石屎補上. 當然我地政府連天星碼頭皇后碼頭都要拆, 一塊小小既石碑有乜理由唔拆呢? 再引申如果香港政府好學唔學, 學台灣現政府去蔣化而在港去英化, 香港既歷史以後可能只會存在響舊刊物同老香港既心中, 下一代可能就連香港點黎都唔知.
香港政府文物保育, 其實由港英政府時已經錯哂. 如果大家搭巴士經過東區海底隧道響九龍收費站向西望可以見到一個垃圾車停車場, 可以見到入面有兩個大帆布, 其實係列火車卡! 記得十幾年前, 九廣鐵路捐出一卡火車俾當時市政局. 纜車公司亦捐出退役綠色山頂纜車俾市政局放響歷史博物館. 結果兩卡火車曾經響興建中既博物館外展出一段短時間. 跟住隨住博物館開幕, 火車卡被移走. 大家以為移左入館內, 點知館內設計時竟然無預計放置火車卡同纜車卡. 結果建成後只容納左部電車, 火車同纜車就放置到茜草灣車場至今. 原準備幾年前開設交通博物館可以重置, 結果交通博物館一事不了了之. 而家火車卡還好有上蓋保護同用帆布遮住, 兩件文物就咁俾棄置響垃圾車場.
當政府話想將皇后碼頭響啟德重置, 心諗啟德計劃已經講左好多年, 同西九一樣十劃都未有一撇. 唔知皇后碼頭被拆散後, 會唔會又被棄置到車場多年, 直至無人記得. 又或者好似舊卜公碼頭一樣, 無厘頭被重置到摩士公園內幾十年無人知, 直至今年, 興集體回憶又再被重置到赤柱一樣既命運.
政府要消滅香港? 請先消滅D老香港先. (註: 回歸後我會講自己係居港華人, 香港人中國人呢個名稱太沉重我受唔起.)


2007年6月17日

兩個皇后, 兩個都走

當大家仲講緊有幾唔捨得皇后碼頭, 有幾多人又會在意另一個皇后: 皇后戲院就快結業重建.

兩個同生於五六十年代既中環皇后都會於今年內消失, 中環仲會有皇后嗎?

62

其實, 應該由星期五晚開始講起.

又或者應該係由星期一開始講起...

原來自己咁多年我一直記錯B既生日日子, 我絕對唔係一個好情人. 無可能年年都記錯卦! 就係咁邪, 六月記錯五月, 結果俾佢嬲爆. 舊年還好, 記得好清楚, 所以無記錯兼無俾人嬲爆. 點知今年自己既記性再差, 十六記錯左十五. 結果訂完枱十五號食飯, B好心提醒: 我生日係十六號. 噢! 又記錯. 好在佢無嬲.

今次我地去假日酒店食自助餐, 點解佢果度呢? 因為B有次隨海軍到港係住響果度, 所以為佢帶來好多回憶. 所以今次係為左"集體回憶". 自己甚少去酒店食自助餐, B果隻"小胃口"更加蝕大本! 不過之前我都同同事去過假日酒店食自助餐, 我都覺得唔錯. 不過今次見食物種類少左, 但依然好味. B依舊少食多滋味. 無法, 生日大晒. 或者下次我地應該去番九龍酒店, 始終佢地仲係我心中No.1!

尋日朝早陪B上港大拎完野後, 我地就碌下灣仔諗住食完晏就去睇個旅遊展. 生日既當然大晒, 結果走去幸福樓飲茶. 心諗食晏時間無乜可能有枱, 點知多枱可以任揀, 成個茶市都水靜河飛. 我又唔覺野食差, 價錢都好平, 只係污糟少少, 個茶盅一放上枱就有個黑印印上枱布. 兩個人百一蚊平過去稻香.

自從上次個投資博覽揾笨到極點, 今次去呢D展覧真係小心左, 更何況今次要收入場費! 不過, 今次呢個旅遊展都唔錯, 至少俾到我地(尤其B)呢D話去旅行但唔知去邊好既人一個唔錯既idea. B成日話想去埃及, 結果果度一位黎自埃及開羅既旅行社負責人同我地傾左一陣, 就更加令B更想去埃及. 之前因為佢既工作狀況唔明朗, 所以我地個trip押後. 但我知道, 當佢搞掂個working visa同份新工, 相信我地真係可以出去休息下.
講番個展覧, 其實都唔差. 部分攤位都有用心佈置過, 甚至有當地人仕著晒當地服飾去推介佢地國家. 經過新假期個攤位, 我地一時發癲, 同盈盈樂樂兩隻熊貓一齊影封面. 嘩! 好喪呀!! 但因為張相太喪, 都係唔好登出黎, 廢事令你作嘔!
希望下年我會仲記得六月十六日係B既生日.

2007年6月16日

千歲

盧巧音 - 千歲
曲/編:梁翹柏 詞:游思行 監:梁翹柏, Gordon oyang, 盧巧音

紅雲起 安守到藍霞過
風冷月浮起 半生裡小風波
熱血天 發誓青春要為誰蹉跎
你 問我怎會這樣傻
朝晚日浮起 天終了又沉過
出世從無想 晚景會有坎坷
從前你 長高就是等到我伴成天鵝
我 命裡走過甚麼 也比不起你的痛楚
願我有百千歲 扶著你共散步我不覺累
幸福千次暖著我的嘴 才令愛沒有逆勢減退
步向世界之最 來日你或撇下我先去但拒絕流淚
和你的得失早同在 絕世的一對
由孩子 今生去完成我
當種下蘋果 懶數算那麼多
如何愛 只知是付出得到便成總和
我 沒有恐怕甚麼 有你一生已經夠多
願我有百千歲 床畔每日照料我不覺累
幸福千次暖著我身軀 才令愛念永沒法失去
步向世界之最 來日你或會逝去彷似日褪落長睡
讓晚色祝福於雲內願你有百千歲 
陪伴我在每夜抱擁進睡讓這福氣暖著我的腿 
餘下快樂要為你奔追步向世界之最 
來日你定會共我相約在世外長聚
和你的得失早同在 絕世的一對

送給B, 生日快樂.

2007年6月15日

iPhone勁敵: HTC Touch


Apple 既iPhone吹左咁耐就快上市, 但係香港仍然遙遙無期. 反而有廠商就響呢個時間推出類似既產品: HTC Touch.

講到尾, 都只不過係一部行WM 6既PDA手機, 不過勝在獨有"TouchFLO"技術. 以往行WM5既PDA手機字體細, 每次要操作都要用支筆篤篤下, 都幾煩. (好在我果部仲有keypad有得揀!) 但呢部Touch就無呢個問題, 一切都可以用一隻手指控制晒. 只要用手指響螢幕一掃就可以操控機內功能, 極之好玩. 想知有幾易? 去片!


雖然有呢個"TouchFLO"技術再加率先行WM 6, 但係config好一般: 只有三頻無3G, 只有二百萬像數相機, 有wifi但無GPS. 不過價錢就真係超值, CSL淨機價:$3680. 平過同系Dopod既機!

2007年6月14日

CNN Street


廣告時間: 為左宣傅CNN節目:Future Summit-Virtual Worlds, CNN特登做左個online game俾觀眾玩, 而且嬴左仲有得抽獎, 大獎係Wii遊戲機一部. 快D埋黎睇理黎玩勒喂~
可惜公司講明員工有得玩但無得抽獎. 扯~~~

歲月流影(2) : 我們都是這樣的長大的

送給70年代成長既朋友. 我們都是這樣的長大的! (影片英語對白/單聲道不設中文字幕)


2007年6月13日

我從盧巧音聽見王菲 - Process

一直追隨盧巧音既音樂, 佢係本地樂壇所缺少既女歌手. 有歌路型像都係有別其他流行歌星. 只不過上次果張概念碟失敗左, 唱片公司又無再續約, 經理人又將佢投放拍戲. 結果一時間樂壇變到乏味, 但亦同一時間有呢一類實力派既女歌手湧現填滿. 但始終無盧巧音咁實在.

一過兩年, 較早前一首"走慢點"完全脫離佢以往既形象, 接近首張EP"不需要...完美得可怕"那種raw既感覺. 但始終國語歌, 電台好少播. 第二首派上台"愛到不能", 第一次聽以為係王菲既歌, CY kong既曲係保證, 但自從經雷生一役之後, 雖則為佢帶上頂尖擴大左樂迷層, 但盧巧音係咪需要呢種K歌呢? 首歌唔差, 仲易上口添.

將新碟拎上手, 金碧輝煌. 俗係俗左少少. 但設計果位係.... ~ 收貨!

全碟歌曲由"空白"既娃娃看天下, "圍牆"既年少不知仇之味. 成年隔莫既"默音", 更年期怨鬥既"愛到不能, 老有老伴既"千歲"及"沉默不是金". 其中"沉"歌係王菲既畫外音嗎? 定係失散既兄弟姊妹嗎? 真係... 原來"走慢點"放到最後才叫一個人生既終點, 想捉緊餘下光陰, 唯有"走慢點".

今次"Process"確係比上張'天演論"易明同易接受. 只係少左佢之前果種堅持及K歌. 有辣有唔辣. 又或者我地都太餓王菲, 將盧巧音錯配自動對號入座. 從盧巧音聽到王菲, 我真係思覺了.

盧大偉的gag

1 ) 邊種動物唔以父母為榮, 係以兄作父?答案係雞,幾時見過雞講 "爸爸媽媽 " ? 佢只會"哥 哥 (咯咯), 哥哥(咯咯) " 咁叫!
2 ) 獅子老虎好鍾意同人溝通,求知慾好強,你拎相機去到動物園對住獅子老虎影相時,佢會問你究竟點影:"how(吼)how(吼)。
3 ) 隆胸隆一對價錢一萬, 但隆一邊話並唔係一半價錢 5 千,3 千就可以, 因為合約寫明 "一波三折"
4 ) 有人想開拍一部"無間道警犬",於是搵老細投資,但當老細知道古仔之後即刻唔制,因為古仔係講 "搵狗扮賊"

5 ) 食煙仔辣親手指罅─ ─ 煙仔俗稱鏹,支鏹燒到辣親手指罅,即係燒到盡頭─ ─ 牽鏹(強)到盡.

伸延閱讀: 忘記對白焗爆食字Gag 盧大偉最怕辣阿姐

2007年6月11日

大鄉里出城: 又一城

上星期仲話嬲佢累我留響屋企, 點知星期六同我攤牌, 最後我既意志始終戰勝佢既狂燥. 無事.
結果尋日終於有得去街街. 其實都係陪佢去Page One買書.
lunch @ supersandwiches

上星期響Oliver有個極之恐佈既遭遇. 諗住食個快晏, 走去幫襯買左個熱狗餐. 拎到番公司, 沙律難食都算, 點知一打開個餐盒, 條熱狗被斬件之外, 仲將D醬汁淋滿兩條熱狗上, 直頭多到好似人地煮餸淋個"獻"汁咁. 又紅又黄, 一揸上手未食都已經成手醬, 極之嘔心. 所以決定唔敢再去幫襯Oliver. 可惜尋日, 又一城真係無啖好食更加無位好坐. 唯一有位就係Oliver! 而且仲有兩大張吉枱, 好奇怪. 一坐低先知乜事.(後話) B叫左兩個餐: 雞漢堡配薯角跟酥皮湯. 賣相可以, 味道都可以. 只不過六十幾蚊價錢就略貴. 至於後話呢........... 請各位老婆唔好響食肆內幫你老公搽跌打酒. 果陣味呢.... 極之濃烈, 好難散! 事緣原來隔離枱有對夫婦, 老婆幫老公既手搽跌打酒, 極之怪誕兼難聞. 唔怪之得無人敢坐埋去.
Shopping @ Page One
B搵唔到佢要既書, 反而我搵到一本幾有趣既書. 係由Page One自家出版既名叫"Uncredited"既畫冊, 所錄左過百部電影open/closing credit既圖片, 並frame by frame去解構設計. 隨書仲付送DVD一隻, 收錄果D電影 open/closing credit既片段. 二百六打個八折. 極之抵睇!

"謎"上腦! (亞視版)

Jerry梁同單祿陽. 仲有淨係識轉圈既謎女郎, 馬會好野!!!

2007年6月10日

我係邊個邊個, 我都聽Mika

商台既Mika廣告真係狂谷左一段時間, 但Grace Kelly始終入唔到我耳. 衰D黎講真頭有少少碍耳.

近月聽BBC, 佢地就狂谷另一首single" Love Today". 呢首反而甚得我心. 呢位假音人有晒energy, 聽得人好興奮. (但令我諗起林子祥某隻舊歌!) 搞到我心郁郁都買隻黎聽, 確實有少少驚喜. 入面既歌多數都屬於輕快輕鬆, 令人脚印印. 呢類感覺只有上次SCISSOR SISTERS - TA DAH俾到我. 今次全碟最鍾意除左"Love Today"外就係"Happy Ending". 確有少少感動位.
從來都唔鍾意Graham Norton Show , 仲慘過睇志雲飯局. 但Mika出現加上佢既精彩現場演出, 確係真心正!

2007年6月9日

東亞共和

第一眼睇見個label咁寫真係嚇一跳, 大日本軍國主義? 打杖咩!

不過作為一間新唱片公司響短短幾年間做出咁好成績, 確係令人刮目相看!

呢張"東亞萬歲"既精選碟好有以前華納出精選十三首既影子. 就係除左舊歌外仲再加未出大碟既新歌.

鄭秀文既"愛情萬歲"雖被評為老土, 但不失為一首可以流行起上黎既K歌. 始終鄭小姐久休復出, 確要一隻hit歌帶起.另一首"Mi"亦算輕快作品同鄭小姐以往歌路合襯. 只不過呢首歌既MV搵台灣老翻MV導演執導, 硬係熟口熟面, 又唔知老翻邊首歌既MV.

最驚喜既係竟然有收錄許志安既新單曲" 前程錦繡", 第一次聽呢首歌唔知點解個mixing有問題, 樂器大過人聲, 許志安好似坐到老遠唱咁, 好難入耳. 跟住可能remix過後, 聽既另一版本變得順耳好多. at17埋東亞堆第一擊(上次精選已經係東亞接手), 一貫at17風格再加許志安確係對陷入谷底既佢有如強心針.

其他精選舊歌有何韻詩+Juno既第三身, 再加鄭融何超儀許茹云等. 陣容一般選曲亦一般, 如果唔係果三首新歌及DVD. 好難有意慾入市. 諗緊老黎既Amusic會唔會又一隻類似既精選呢? 或者叫"老黎萬歲".

2007年6月8日

志雲飯局 懶同你熟

裝左TVB Pay Vision之後, 都係主打新聞台, TVBS同經典台. 音樂台同生活台都會有時望望, 但因為呢兩個台太山寨廠製作, 一般節目真係幾難吸引到我. 不過佢地個"志雲飯局"貴為皇牌節目, 我都想睇睇. 上星期播出林夕一集, 講真林夕所講既之前週刊訪問都講過, 無乜新意. 反而係主持陳公公明言唔識林夕, 但一再響過程中扮懶熟, 尤其當佢地講起張國榮come out既勇氣, 陳公公突然問林夕如果換轉係你, 你會唔會有咁既勇氣去come out呢? 當時林夕定一定先答, 明顯被殺過措手不及. 我自己心諗: 大佬, 你呢位公公擺明俾個位詵林夕自動波入位come out. 難怪網上有口痕友代林夕答: 如果你係我咪係囉.
節目完結播出下集預告係李司祺. 陳公公一句: 究竟你既婚姻出現左乜野問題? 天啊!!! 陳公公似乎忘記左自己真正身份係堂堂總經理, 二人之下千人之上. 心諗一個老板斷斷唔會響大庭廣眾之下問下屬: 究竟你既婚姻出現左乜野問題? 一來呢D係人家私事, 公司無權干涉尤其當事人正幫公司賺大錢. 二來呢句問題極之侮辱, 就似假設左你/妳就係犯左一D問題先有婚姻問題. 陳公公根本就唔應該主持一個咁既節目, 如果佢只係一個小小藝員/記者, 用呢類八婆心態去做就無問題, 完全配合港人八卦心態. 但作為一位總經理去半強迫咁披露下屬私生活, 係咪恰當? 當大家鬧緊狗仔隊侵犯藝人私隱, 其實仲有隻狗公強姦緊旗下藝人既生活. 呢個係咪都要遣責呢.

2007年6月7日

老餅廣告測試

你是半個電視廣告迷﹗
你有79分,看來某程度上你是半個電視廣告迷吧!

你喜歡看電視之餘,也有留心電視節目之間所播放的廣告。得到這樣的分數,也許只是有些不太突出的廣告你沒有留意。沒關係的,這不是你的錯,是廣告商拍攝得不夠吸引罷了!:)

老餅廣告測試

2007年6月5日

給離世前自己的信

都怪自己之前咒人死, 報應到啊!!!
又番黎勒! 可能只係小小一件事, 結果困擾左成晚. 甚至想過三十四樓飛落街.
我同佢距離越黎越遠, 越黎越難溝通. 佢想留家搵工, 我話無問題. 我咪陪你, 就算無左半個星期日.點知搞左唔夠10分佢又話想落去會所游水, 游完水又番屋企大覺訓. 結果佢有個充實既星期日, 咁我呢? 悶到自己諗埋一面. 一個星期做左五十幾個鐘野都希望可以周日出街行下又好, 睇場戲都好. 結果連續幾個星期日都係咁浪費左, 唔嬲就假. 話佢又俾佢鬧, 谷谷埋埋自己又黐線.
報應到!
好辛苦呀!!
相信都未必有人幫到我, 甚至連自己都唔得.

每日一Travis: Writing To Reach You

不要讓我於周日死去...

2007年6月4日

陸肆拾捌

18年前仲係黄毛小子, 仲係畢業無耐響朋友既便利店打散工. 陸肆既衝激對我係前所未有. 以前因為有屋企人響左派書店做, 做左半個共產黨. 我覺得好奇怪, 點解願意幫大陸打工呢? 結果為生活半供讀我都去左間書店兼職. 但陸肆再加陸漆暴動真相, 令我更恐懼共產黨, 更擔心玖漆. 但亦希望響捌年之內, 大陸可以更開放及改變. 更想可以去改變內地既情況.
拾捌年之後, 內地確係有少少改變, 少到丁屎咁多. 對共產黨既恐懼有降低, 一樣丁屎咁多. 不過對希望內地更開放及改變既心多年無變.
平反當然少不了, 追究都不必(因為班老屠夫都死得七七八八), 只希望往後政府及人民, 以呢個歷史傷口為鑑.

2007年6月3日

每日一Travis: Walking In The Sun

借用首爛歌歌名: 日日是好日.

2007年6月2日

大鄉里出城: Shake 'em Bums

話說為左去睇4A個五十週年展覽, 晨咁早就仆出去金鐘太古廣場. 諗住咁大既宣傳就一定好多野睇. 點知................

一岩一忽, 數埋都唔夠廿個廣告仲要已橫跨左四個十年了. 有D被搵老襯既感覺. 而且全部展出都係print ad. 就算有TVC都用硬照代替, 究竟呢個算做乜叉野展覽. 有咁多贊助既展覽竟然係得咁蚊滋咁細粒. 究竟D錢去左邊呢?

記得以前4A個廣告大展, 有HKVP出過錄影帶. 可惜HKVP早死, 根住就無再出過. 要睇呢D經典電視廣告, 除左youtube, 就別無他選.

睇住個把鬼展覽, B原本想去Dan Ryan食晏. 我就提議去一處新地方: Shake 'em Bums. B一聽到個名已經笑到收唔到聲, 但我怕如果唔好食佢會鬧我鬧到收唔到聲.
大熱天時行上星街真係好辛苦. 呢間小店數埋都係得十個位, 好細好close但唔嘈. 之前I Love U Boyz阿奴已介紹過話好味但唔好叫太多野, 因為份量都好大. 咁我就order左Red on the Neck, 係有chili響漢堡飽入面. B就叫左Guiltar Shop Special同薯條. 另外叫左兩杯奶昔.
兩份漢堡飽既份量確係好大. 味道亦相當好味. 薯條就較普通, 反而兩杯奶昔絕對真心超好飲. 好唔容易先食完個飽, 飽到頂上心口. 相對店內坐得唔係舒服, 就算係有幾好味, 漢堡飽價錢係略為貴. 反而杯奶昔就幾值勒! 好過去許留山.

每日一Travis: Coming Around

B既新工作進展出現左問題, 雖則話就話請佢, 點知遲遲都唔俾合約佢去簽. 佢既工作visa又到今個月到期, 佢急之餘又搞到我急上急. 希望無事啦.

2007年6月1日

每日一Travis : Love will come through

諗住將Maroon 5同Travis既碟過落去部mp3機, 慣左用Media player轉mp3, 點知一時身痕轉用wma仲要無失真果隻. 成廿幾MB一隻歌. 點知一過落部Samsung mp3機, D歌完全播唔到. 原本部機播得wma, 亦播得wma drm, 但唔播得wma無失真. 吹脹! 又要重頭轉做mp3過機.
有時太新既野想追都未必有辦法去追.
今日起每日一隻Travis MV! 今日"Love will come through". 仲有兩個版本任君選擇.
If I told you a secret
You won't tell a soul
Will you hold it and keep it alive
Cause it's burning a hole
And I can't get to sleep
And I can't live alone in this lie
So look upTake it away
Don't look da-da-da- down the mountain
If the world isn't turning
Your heart won't return
Anyone, anything, anyhow
So take me don't leave me
Take me don't leave me
Baby, love will come through it's just waiting for you
Well I stand at the crossroads
Of highroads and lowroads
And I got a feeling it's right
If it's real what I'm feeling
There's no make believing
The sound of the wings of the flight of a dove
Take it away
Don't look da-da-da down the mountain
If the world isn't turning Your heart won't return anyone anything anyhow...So take me don't leave me
Take me don't leave me
Baby, love will come through it's just waiting for you
So look up
Take it away
Don't look da-da-da- down
If the world isn't turning Your heart won't return anyone anything anyhow...So take me don't leave me
Take me don't leave me
Baby, love will come through it's just waiting for you
Love will come through
Love will come through
Love will come through