2008年7月31日

Wall-E現身

真係佩服Pixar, 每次有新作都係創意無限. 以前Nemo車神老鼠難整件真身做宣傳, 今回終於如願以償, 真係整部Wall-E出黎見大家, 真係好鬼cute.

教你如何譯混亂油煎的混雜的菜

謎底揭盅!
yahoo竟然係幕後黑手.

2008年7月30日

被分類的面包

好野! 笑笑奧運會!

2008年7月29日

Eagle Shooting Heroes 射鵰英雄傳之東成西就

一收到阿嘛喪寄黎既碟. 巳經急不及待開黎睇.我覺得港片只有兩套真正玩戲謔玩到氣咳既電影只有兩套, 除左92黑玫瑰對黑玫瑰之外就係呢套. (其實仲有另一部係"晴天霹靂之下集大結局"都好好玩, 只係玩認真左, 票房失收, 連公司都執埋.)
一套有齊古裝打鬥又有性別迷思大玩搞基得黎套戲又玩得好放, 再加上位位巨星, 確係異數. 可惜當年票房失收. 今日終於可以數碼修復重現天日.睇完好鬼感動, 真係修復到新既一樣. 以往有特效既唔岩色場面都改善左九成,
只有結尾有一兩個鏡頭執唔清.
opening/closing credit全新做過, 不過唔知呢個係乜野版, 有D片段唔見左, 反而又多左唔少既新野.
呢個DVD版本中國師同卿姐鬥拍穿個鼓成段無晒, 以下圖片來自美亞版VCD.

2008年7月28日

速寫吉之島

康怡既吉之島重開, 一直無機會全間行下, 今日食晏時候就決定去逛下.
地面既超市同food court都全新裝修, 之前平價攤檔無晒. 換來幾間名貴日菜館助陣, 速食既仲有一兩檔, 驚喜係竟有Fat Angelo's外賣檔, 價錢竟貼近平時堂食! 另外唔少得賣流沙包既超群! 今日買左半打有多既流沙包番公司請同事食, 好味到哩.... 好味在係真正流沙! 番到公司在翻叮少少加熱, 一咬開, 奶黃即刻流出黎. 麵包皮亦係水準作, 五蚊一個算合理. 另外又買左幾個巨型"勿訓", 今晚拎到番屋企一試, 味道略淡但仍算ok.
唯一要彈係太多甜檔, 日本菓子雪榚沙冰泡芙再加埋流沙包. 甜得爛牙, 食幾多個難食燒餅或薄餅都補唔番.

2008年7月26日

食在日航酒店

唉, 壽星公要自己打去訂檯食生日飯... 結果... 訂錯檯!!
承蒙guy兄介紹日航酒店有好野食兼有優惠, 就根據官方網址打電話去訂位, 一切都順利直至今晚. 去到對方竟然話無訂座紀錄, 唔係嘛, 今朝酒店先打俾我confirm個訂檯. 經理突然一問: 王先生, 你係訂呢度定樓上法國餐廳呢? 吓? 佢打上去一問, 原來自己大頭蝦打錯電話訂錯檯. 好彩自助餐仲有檯可以walk-in.
guy兄果然無介紹錯, 食物真係好出色! 好多都好啱食, 味道都好好, 好味到我全程唔記得影相一味掛住食.
戲肉到, 因為酒店有優惠逢六月七月生日入座均可以用年齡到折扣. 咁啱我同B都係六,七月生日, 所以我地都有折扣. 價錢我就保密, 因為個折扣實在太得人驚, 亦成為有史以來我食過最平既酒店自助餐.
不過講真就算正價, 呢度都係非常值得捧場.


伸延閱讀: 我又來生日飯 @ 日航咖啡室 Cafe Serena

2008年7月25日

生活炒雜碎(第十一回)

今日睇新聞真係火都黎埋, 明知全世界都注視緊北京, 點解仲會有公安亂打記者事件出現? 今晚睇Now新聞報導更加睇到所謂被踢傷既公安根本自己拉開其他記者後自己向後退跟住無厘頭烏低身向住南早記者撞過去. 呢次佢地雖然屈機成功, 但佢地既醜態將留存萬世遍佈全球, 更令今次奧運抹上污點, 所謂既文明奧運原來只係得個講字.
##############################################
今晚行超市, 原來出前一丁麵又再賬價! 加到四個九一包! 雖則特價三個九一包, 但比一年前已經足足貴左差唔多兩蚊一包! 通賬開始有D超現實.
##############################################
今日收到段爆笑新聞, 話說有媽媽帶個女去"屈銀紙", 阿女突然要漯買其中一段玩具. 阿媽驚覺果件所謂玩具其實係成人按摩棒, 阿媽向店舖投訴點解將成人玩具公然擺上架.
女性朋友C話之前響同系超市已發現有賣"震蛋", 但今次呢支棒實在又過份左少少.
我唔覺呢種成人玩意擺響"屈銀紙"賣有乜問題, 不過個包裝實在太清楚, 的確會令人幾
老尷.
##############################################
唉....又生日, 又老一年, 唔知點解今次有D唔開心...

2008年7月24日

和昌大押被毁滅了!

之前我曾經睇過佢地個展覽, 我好敬佩佢地既手工. 點知今晚竟然傳來呢個消息.............

伸延閱讀: 極度痛心!極度憤怒!

2008年7月23日

新芒

失眠左兩晚, 前晚終於有覺好瞓, 但點知大清早B話部座檯電腦無畫面, 結果又要起身睇睇乜事. 原來電腦係著住但個LCD顯示器就無野睇, 以為又係部電腦既問題. 但係當我將另外一部手提電腦駁去個LCD顯示器時一樣無畫面, 但因為太過未瞓醒無乜知覺所以話等我問下人先決定下一步, 番到公司問IT部既朋友K, 佢話可能係條cable問題, 問網上朋友佢地又話可能係display card問題. Cable有問題都話容易, 屋企都有條後備cable, 但係display card有問題, 邊度搵張display card呢?
尋日早走急急腳番到屋企再用條新cable試下將手提電腦駁去個LCD 顯示器, 仍係無畫面. 用左五年既Philips LCD 顯示器宣報玩完!
好野! 終於有新"芒"用! 走去屋企附近間"蜂窄", 款式好陳舊, 新款既又賣貴外面百幾蚊. 所以夜晚同B出去太古城既"蜂窄"買, 睇中左部LG有現貨兼仲平左百六銀. 拿拿臨抬機番屋企.
之前用左咁多年17" 4:3 "芒", 突然轉19" 既16:10 "芒", 兩個人都有D唔慣. 尤其B話個螢幕大左但D字就細左, 佢老花要我將個"芒"擺前D.
雖然有新"芒"用, 但呢筆錢原本今個周末去買數碼電視機頂盒, 睇黎又要等下先得.

2008年7月22日

仲有無人識欣賞舊野...

網上傳左好耐: 話負責邵氏舊片復修既天映娛樂突然終止所有復修工作.
原來係真! 埋由係因為市場唔能夠支持全部七百部片既復修成本, 現在只完成左五百幾部.
另一邊廂負責發行Fortune STAR舊電影既發行公司亦都宣報會將一部份原訂拎去修復既舊片以平裝版未經修復狀態推出市面.
真係好可惜, 當有有心人能為本地電影做緊好事但原來並唔係人人識欣賞. 當然本地電影業已經係黃昏, 確係事實. 當人人只識download, 只會令呢個黑夜更快來臨.


伸延閱讀:
Celestial's done with remasters?
The complete 2002-2008 release schedule

2008年7月21日

神啊!求求讓我睡

唔知點解呢兩晚突然嚴重失眠, 試過前晚, 一點上床兩點下床睇左都舊西片一集電視劇兩套紀錄片再上網走盡幾個討論區, 果一刻睇見五點日光初露, 直到七點再倒在床上...
尋晚又再發生, 十二點半上床一點半下床睇幾部紀錄片, 以為又再等待黎明, 唔駛兩個鐘先可以再碌上床...
神啊!求求讓我睡....

2008年7月20日

The Dark Knight

尋晚睇完, 上集無睇過, 但呢一集絕對可以話比添布頓既第一集更加好睇(第二集其實真係好過第一集). 好多好多寫內心既, 而且似乎呢套更接近現實, 唔似得前果幾集添布頓既黑色幽默或祖兒伯伯既camp. 蝙蝠俠再唔係住大宅出入山洞, 確實係住響一個真係有高樓大廈既"城"中!
Joker既令人毛骨悚然, Harvey Dent亦係另一個寫得超好既角色, 只可惜Two face佔太少, 有D唔夠喉.
可惜公司員工招待場響普通戲院舉行(個SHAW Active sound好似有D問題), 如果係IMAX版本可能更加正.

2008年7月19日

約我去鐵達尼食晏晝

同事M要走, 咁一班同事約埋食餐送行午飯.同事話會去公司附近果間"王家沙", 我立即疑問:裝修好咩?上星期行過仲見到裝修緊喎.
尋日去到除左成個門口企滿人再加上十幾個花牌. 原來新屎坑第一日營業! 以往裝修雖舊但至少似間中式酒樓,而家新裝修得俗氣到不得了, 有D暴發戶既感覺, 連"娘"字都未夠形容.
點左D點心再叫個六人餐, 味道似乎好左好多, 份量亦無變. 在場亦有不少西裝高層觀察食客反應. 以為一切都好美好....直到...食到半路, 酒樓一直播住輕音樂, 音量都幾大, 連坐響隔離同事講乜都聽唔到. 跟住黎首"My Heart will go on". 激昂到哩...完全係吵耳! 仲同同事講笑:我地黎食farewell飯啫都唔駛慘到要沉船卦?
真係頂唔順要叫人熄細聲D音樂, 結果音樂無左, 連冷氣都無埋, 我地一圍坐響房入面標汗.
裝修雖"娘", 但食品有改善, 希望可以繼續維持兼唔該唔好再人地一路開心食飯你就播倒胃口十個慘既"My heart will go on".

2008年7月17日

只說給妳聽他的故事

唔知係咪多心, 硬係覺得呢兩隻歌好相似... 唔, 有D似.

2008年7月16日

生活炒雜碎(第十回)

仲記得我地屋苑變成賓館一事嗎? 之前已講過有業主金錢掛帥事事以錢為先, 前日響屋苑討論區同其他人講同件事完全無關既答訕, 呢位業主突然向我痛罵一番, 一句: 樓價跌左邊個負責呀? 我真係目瞪口呆! 我唯有叫唔好咁自私, 只顧錢將安全不顧. 佢竟狡辯話果度人人都好睇樓價, 又話自已為屋苑出左三年力...blah blah blah... 點解而家D香港人會變成咁架? 正一垃圾!
###############################################
香港人係點? 尋日睇新聞見到排隊買紀念鈔既人龍, 六七十歲有, 一家大細抱住三個月大BB亦有. 出面風雨交加, 大家都只係為左買到紀念鈔炒賣發財(當然相信亦有一成人真心買黎紀念!). 一個末世既畫面! 尋日我都話: 閃電閃到咁都劈唔死人, 真係好神奇.
###############################################
香港人係點? 尋日響公司接到個無來電顯示既街線來電打到我既內線, 依舊一句"Hello", 或者我有太濃烈英國口音, 對方唔講野, 我再次"Hello", 大約五秒後對方收線. 一陣個電話又響起, 又係無來電顯示既街線來電, 我刻意唔接直接落voice mail, 但對方無留voice mail. 隔左一陣, 電話又響起, 又係無來電顯示既街線來電, 今次我接聽, 又一句"Hello", 對方又唔講野. 我唯有: 喂? 對方出聲: 我想搵一位女士, 係外國人, 個名唔識讀, 叫"helen la", 不如我串俾你聽.
我答: 呢度無呢個人喎. 你打幾多號電話呀? 佢就講出我既直線電話. 我話: 電話號碼啱, 但就無呢個人... 人字都未講完, 佢就收左我線. 哈! 無禮貌到咁, 果然係香港人.

2008年7月15日

Four Season....

咪誤會, 我唔係講緊果間六星酒店. 而係最近公司附近開左間熱狗店, 主打熱狗外仲有墨西哥食品.
講起墨西哥食品, 之前都只係食過幾次, 所以實在唔知呢間是否正宗. 今次叫左半份沙律再加個墨西哥辣肉醬意粉. 連汽水四十四蚊, 價錢都ok.
半份沙律都算幾大份, 當日沙律係青蘋果, 完全岩晒口胃. 意粉雖然係番叮但質量唔差, 肉醬亦夠辣(食得我滿頭大汗!), 味道亦都好好.
呢間舖頭因為太細, 所以只得三張椅, 主打外賣. 我諗我會食回頭, 下次必試熱狗!

2008年7月14日

'World's oldest blogger' dies at 108

(CNN) -- An Australian woman often described as the world's oldest blogger has died at the age of 108 after posting a final message about her ailing health but how she sang "a happy song, as I do every day."

Olive Riley died Saturday at a nursing home in New South Wales.
Riley posted more than 70 entries on her blog -- or "blob" as she jokingly called it -- since February 2007.
On the site, The Life of Riley, and in a series of videos post on YouTube, Riley mused on her day-to-day life. She also recounted living through two world wars and raising three children on her own while working as a cook and a bar maid.
"She had a wonderful memory, and an amazing zest for life," said her friend Eric Shackle, who met Riley at a nursing home while visiting his wife, who has since passed. "Just two weeks ago, she recalled the words of a song that was popular before World War II, and sang the chorus with me."
In a post titled "Washing Day," Riley wrote: "You 21st Century people live a different life than the one I lived as a youngster in the early 1900s. Take washing day, for instance. These days you just toss your dirty clothes into a washing machine, press a few switches, and it's done."
She then described how she helped do laundry as a youngster, starting with finding "a few pieces of wood to fire the copper for Mum."
"When the water in the copper began to boil, Mum would add a cupful of soap chips, and throw in a cube of Reckitt's Blue wrapped in a muslin bag to whiten the clothes," she wrote. "Then she put in all the dirty clothes, first rubbing out the stains with a bar of Sunlight soap. ... that was jolly hard work."

Riley was born in 1899 and would have turned 109 on October 20. She took up blogging at the suggestion of Mike Rubbo, who filmed a documentary on her life four years ago.
"First of all, I had to explain to her what a blog was and that took some doing," Rubbo said. "Then I got across the idea it was sort of a diary that she would share with the world.
"The reason for its popularity is that she was such a standout talent -- just so touching and funny and such a great story teller."
Various others have at times been labeled the world's oldest blogger, including Spain's Maria Amelia who was born in 1911 and given a blog by "my grandson, who is very stingy."
Riley was 12 years older than Amelia.
In her final post, dated June 26, Riley wrote how she felt weak "and can't shake off that bad cough."
She wrote of singing a "happy song, as I do every day," with a visitor to the nursing home, "and before long we were joined by several nurses, who sang along too. It was quite a concert!"
Said Shackle: "The thousands of loving messages she received from fellow bloggers in such places as Iceland, India, Iran, North and South America and Australia helped keep her alive in her final year.
"Her only regret was that she couldn't reply to them."

2008年7月13日

響末世為左慳果一個幾毫

今日報載話即食麵加價到四個幾一包, 突然發現好末世feel. 之前油米都加到天價引起搶購, 今回連窮人恩物既即食麵都加到脫離現實, 我感覺有一日, 已絕跡多年既二手飯又會出現. 不過幾間連鎖快餐既食物份量都已縮左一半水, 可能好難會有食淨既情況甚至乎可能食唔飽既出現.就係響呢個末世要想盡辦法去慳一個幾毫. 早講過呢兩個月都錄得赤字, 所以真係要慳D駛. 以往響超市買盒裝奶, 收銀都會問: 有無奶咭? 但真係唔知乜野係奶咭, 有乜作用? 邊度可以申請? 一直都無追問收銀. 可能被問得太多次我地又買到熟晒, 直到有次收銀又問同一問題我就試問: 乜野黎架? 女收銀響收銀機底拎左張咭俾我話: 呢張就送俾你! 原來所謂奶咭, 其實係張優惠咭, 平時響超市買兩盒盒裝奶要十一蚊, 但憑呢張咭買"九龍奶"就可以十蚊有找. 過去果幾個月仲慳左唔少, 原來除左奶咭, 呢間公司仲有發行麵包咭同果汁咭, 一樣可以慳到一個幾毫.
少數但長計, 如果有即食麵油米咭, 咁真係可以救世!

2008年7月12日

Over the Rainbow- at 17

可能唔單止我, 好多人都覺得at 17越黎越...唔係以前一開始既at 17. 佢地係大個左, 但係唔代表唔可以試新野, 但試新野都要顧及自己既支持者.
今次新碟一開始派台係果隻"那天約係上太空", 太廣告, 心諗今次佢地又乃野. 跟住"馬雅民歌"雖cute但又太刻意造作. 心再諗今次佢地又出EP, 得幾隻歌已經有兩隻唔多得, 真係凶多吉少?
聽完成隻EP, 原來顧慮太多, 因為其他幾隻歌係上乘之作! "那年十七歲"從回那年剛開始既感覺. 主題曲"Over the Rainbow"講出十零廿歲既迷惑既情懷. Eric Kwok既"無腳雀仔"一貫Eric kwok's sound, 原來佢地可以夾得有非常好既效果.
撇除已上台既兩隻歌, 今次呢隻EP真係可以話係at 17不俗既製作.

(70/100)

2008年7月11日

呃人電話又出動

今晚搭車番屋企時收到個電話話係香港大學做民意調查, 咁我咪繼續聽:
女: 請問你追到通脹嗎?
我: 吓? 你想問乜呀?
女: 我係問你追到通脹嗎?
我: 我實在唔明你問乜? 你條問題好有問題囉, 乜野叫做"追到通脹"?
女: 我意思係通脹你追得上嗎?
我: 當然追唔到啦.
女: 多謝你, 好而家要少少個人資料做參考, 請問先生既職業係?
我: 傳媒
女: 哦(dead air左兩秒), 請問先生你公司係幾多呢? 一萬五千以上定以下?
我: 吓? 公司? 我無公司喎.
女: 哦(又dead air左兩秒), 我係問"工資".
我: 以上.
女: 請問你係20-30歲?
我: 係20-30歲以上
我: 請問你係邊間機構既調查?
女: 我地係香港大學既?
我: 你係香港大學?
女: 我地係香港大學委託做調查.
我: 咁你地係邊個團體呢?
女: 哦(又dead air左兩秒), 係香港大學委託我地中山一間公司做調查.
我: 吓? 中山公司? 印象中香港大學無搵過中山既公司做調查喎.
女: 咁好啦. (極速收左我線)

結論: 今次搵老襯硬銷電話搵港大過橋, 真係報得警! 港大都有自已一team做民意調查, 駛乜搵公司做, 仲要係中山既公司?? 再者, 民意調查響十年前已經係用電腦做, 不經人手, 亦都唔會問埋D咁個人既資料, 要呃人都用下腦啦, 唔該. 再者唔該set問題時做好D, 或者搵個識表達自己同識中文既黎做, 連問人幾多歲都可以問成咁, 無言.
最後我會公佈佢既電話號碼, 等大家以後見到呢個號碼絕對可以唔聽!


31899962

2008年7月10日

又有戲睇!!

2008年7月9日

試片室: Chris & Don: A Love Story

雖然大家年距相隔三十年, 但長達三十年既情誼, 一段真係了不起既關係.
成日話同性關係易來易去, 但總係會有一對人辦做榜樣, 話俾世人知, 基佬也是人, 愛沒有改變.
希望朋友M會睇呢部戲. 三年前呢個七月, 同佢一齊達30年既伴侶R先生離世.


2008年7月8日

我來自火星

近期完全係沉迷於呢隻歌之境界內, 癲到甚至乎將呢隻歌放入iPod喪repeat.
全因近年已少見呢種言之有物既歌, 再加旋律加編曲都係高水準之作, 完全密切期待王菀之既新碟.

2008年7月7日

雨一直下...

但路一直都在...


(double click 個video觀賞高清版本)

穿過人潮雙眼燈火欄柵 沒有想過回頭
一段又一段走不完的旅程 甚麼時候能走完

噢 我的 夢代表甚麼 又是甚麼讓我們不安

That’s just life 尋找夢裡的未來
That’s just life 少點現實的無奈

不論風吹的時候 不再傍徨的時候
永遠向前 路一直都在

穿過一塊裡面一片黑暗 沒有想過回頭 
一段又一段走不完的旅程 甚麼時候能習慣

噢 我的 夢代表甚麼 又是甚麼讓我們期盼

That’s just life 尋找夢裡的未來
That’s just life 少點現實的無奈

不論風吹的時候 不在傍徨的時候
永遠向前 路一直都在

看不清的路又算甚麼 看不清的夢又算甚麼
就算走到盡頭又能算甚麼 能算甚麼

That’s just life 尋找夢裡的未來
That’s just life 少點現實的無奈

不論風吹的時候 不再傍徨的時候
永遠向前 路一直都在

That’s just life 徘徊到不再徘徊
That’s just life 從來都不怕重來

沒有選擇的時候 無論選擇的時候
永遠向前 路一直都在

2008年7月5日

Translate server error

笑鳥!

(圖片來源:三屋粥谷)

擺條毛上blog!

同事請食零食通常好少會推或唔太禮貌地驗屍, 但今次呢一串串燒俾我對"利眼"一掃...
請大家估下尖頭又攣尾既係乜野毛?

2008年7月4日

男男/平等

以下文章或會令某種人情緒不安, 敬請留意!

最近睇Travis隻"My Eyes'既music video, 仍然幽幽默默. 當大肚"老婆"遮遮掩掩時都估到其實係個男人, 當時心諗男人大肚唔係新鮮事, 但至少黎得有少少真正男女平等, 男人都可以替女人分擔一D件事. 直到今晚, 新聞話美國一位變性男人大肚後終於誕下BB, 父子平安.
平等同歧視永遠存在, 男女家庭要平等, 男男/女女家庭亦希望免受歧視. 可惜世事就係咁, 越希望就越難得到.

2008年7月3日

真正小學通識教育

上圖唔係搞爛gag, 亦唔係高登惡搞改圖. 而係港台某集小學校際通識大賽中, 呢幾位小朋友可能受盡老董煎熬而得出呢個創意無限既答案. (可惜後尾連有得揀鴕鳥都揀錯...)
有時, 學校所教都會係學校或老師所挑選過既, 一模一樣死氣沉沉. 甚至有時所教既可能係老師一知半解之誤人子弟, 大大個例子如: Z 被教成"二said".
作為通識教育, 學生除左學校裡面要學, 或者多對社會時事關心都一樣學到好多學校學唔到既好野.



伸延閱讀: 小學校際通識大賽 2008 片段
(鳴謝: Littlesam提供圖片)

2008年7月2日

今晚我遇上兩枝人型萬寶路

今晚坐港鐵番屋企, 坐左幾個站, 有一對衣著"超"入時既男女上車坐響我側邊. 佢地一坐低, 我就聞到佢地身上傳黎超濃烈既煙味, 感覺就似有兩大枝燃燒緊既香煙坐響係側邊. 呢一對男女談笑風生, 完全無發現佢身上濃烈既煙味.
對唔住, 好彩一個站後我要轉車去, 因為坐多一陣我都驚我有肺癌.
你有你吸煙但係食煙到呢個化境: 無煙如有煙, 實在一樣會影響到其他人.

Kiss of the Spider Woman 蜘蛛女之吻

蜘蛛女之吻終於首度出版孖碟DVD/BR!! 連之前分開出既Making of都放番入去...
仲記得十幾廿年前特登入屯門去睇呢部戲, 隔左咁耐終於可以響DVD再睇番.

伸延閱讀: 維基