2008年7月12日

Over the Rainbow- at 17

可能唔單止我, 好多人都覺得at 17越黎越...唔係以前一開始既at 17. 佢地係大個左, 但係唔代表唔可以試新野, 但試新野都要顧及自己既支持者.
今次新碟一開始派台係果隻"那天約係上太空", 太廣告, 心諗今次佢地又乃野. 跟住"馬雅民歌"雖cute但又太刻意造作. 心再諗今次佢地又出EP, 得幾隻歌已經有兩隻唔多得, 真係凶多吉少?
聽完成隻EP, 原來顧慮太多, 因為其他幾隻歌係上乘之作! "那年十七歲"從回那年剛開始既感覺. 主題曲"Over the Rainbow"講出十零廿歲既迷惑既情懷. Eric Kwok既"無腳雀仔"一貫Eric kwok's sound, 原來佢地可以夾得有非常好既效果.
撇除已上台既兩隻歌, 今次呢隻EP真係可以話係at 17不俗既製作.

(70/100)

2 則留言:

匿名 說...

隻碟16號先出街,你就可以咁快有,好羨慕

妖精王 說...

出碟既時候,身在國外。終於返到黎,立刻買隻聽下。

十分同意佢地大個左,歌藝一直有進步,雖萛唔上係一流,但勝在有味道。Over the Rainbow 既表現絕對係出色。

至於應唔應該迎合FANS既接受能力⋯⋯只係覺得,FANS只係商業世界既東西,音樂本身唔係為FANS而生存。再者,EP一隻,正係小試牛刀既實驗場,唔買得,只係實驗失敗,AT17既清新同對音樂既追求依然。

馬雅民歌係一流作品,題材觸覺強,點到即止。演譯方面,我又唔覺造作,都係佢地一貫放任貪玩,更表現出控制氣音同放鬆聲帶技巧既進步。

如果終有一日佢地既歌路唔再受歡迎,只係同聽眾緣份告一段落,我亦未必會再買,但佢地對音樂理想既堅持,我估仍然係香港大路娛樂事業既一道清泉。

有感而發而已,don't mean any offense. Thanks for sharing. :)