速寫吉之島

康怡既吉之島重開, 一直無機會全間行下, 今日食晏時候就決定去逛下.
地面既超市同food court都全新裝修, 之前平價攤檔無晒. 換來幾間名貴日菜館助陣, 速食既仲有一兩檔, 驚喜係竟有Fat Angelo's外賣檔, 價錢竟貼近平時堂食! 另外唔少得賣流沙包既超群! 今日買左半打有多既流沙包番公司請同事食, 好味到哩.... 好味在係真正流沙! 番到公司在翻叮少少加熱, 一咬開, 奶黃即刻流出黎. 麵包皮亦係水準作, 五蚊一個算合理. 另外又買左幾個巨型"勿訓", 今晚拎到番屋企一試, 味道略淡但仍算ok.
唯一要彈係太多甜檔, 日本菓子雪榚沙冰泡芙再加埋流沙包. 甜得爛牙, 食幾多個難食燒餅或薄餅都補唔番.