先鋒DVR-560H-S DVD硬碟錄影機入手

原本部三叔只係用一年, 無乜必要去換機. 但係一過保養期就壞HDMI壞開關壞轉台甚至玩罷工,預較左錄影, 一個唔該到時到候唔肯錄, 壞得有性格...壞壞壞壞壞....真係頂唔順決定換新機. 見人人都讚先鋒耐用, 而且又有新model, 所以決定入手呢款160GB既錄影機.
我地通常錄Now TV入面既節目, 反而少錄無線亞視, 所以無需要機頂盒錄影.
響蜂窄買照價仲有九折, 再加埋宣傳期既舊機回收三百蚊回贈, 部野只係二千三左右. 不過之前用BBK同三叔兩部機錄落好多節目光碟, 如果未封碟, 呢部先鋒一概讀唔到. 結果我又要將部三叔裝番上去做封碟. 但又發現原來用BBK錄影既碟拎俾三叔封碟會失聲. 有好幾隻B既珍藏都失左聲. B下令保留番部三叔, 因為用三叔乜鬼野碟都play到.
無左三百蚊(原訂拎部三叔去回收), 仲要搞到成櫃機成檯搖控.