香港人...黐晒線! 文化大革命2007
唉, 有塘心風暴睇咪去追囉. 做乜事搞呢D野呢?
網民投訴聖經不雅千四宗
影視及娛樂事務管理裁定中大學生報的情色版為二級不雅物品後，過去兩天，他們收到千四宗對聖經的投訴。
一批網民不滿有關裁決，在網上發起向影視處集體投訴聖經，認為內容會扭曲讀者的性觀念。處方兩天內已共收1406宗電郵，現正處理投訴。
如果你係中大校報支持者去搞呢樣野, 我覺得好幼稚. 如果係果班學生搞出黎? 就更罪加一等. 死得, 無得救.
要投訴? 其實仲有其他野可以用黎投訴. 無需將他人既信仰擺上枱批鬥. 你估而家係文化大革命咩? 文化大革命會死人架! 香港人做野係咪唔理後果唔理責任做左先算呢? 之前我仲叫人有獨立思考, 點知原來個個都無腦. 真係"思你屎忽".
8 則留言:
我質疑係告既點解而家先告
聖經又唔係尋日出
或者班人近日先知有本書叫"聖經"卦.
給搞屎棍明光社一個回禮，沒有什麼大不了，咪畀淫審處一個理由，橫豎實過骨
但同樣，學生報亦唔係前日出，又點解而家先告？
告bible那些應該是一些反基督教的人趁機抽水
很遺憾，原本應該只在校園解決的事已經變質
婦孺之見，我當睇戲咋...
好可惜套戲由原本既校園片變成第二樣片……
不過我會開始用陰媒論去諗一些評審組織和道德團體的關係…
依家單野就好似小朋友唔鐘意比人話, 硬係要講返另一樣差唔多而又冇人話過既野出來.........如果真係中大班友攪出黎既.................咁就真係 GOD勒.........我自己就再重申自己既觀點, 我係好唔支持中大咸報單野既, 照佢地咁講, 中大報不如攪埋馬經啦!!!!~_~
發佈留言