碌冧

前晚趁住雨停左我地兩個就想出去食飯. 但係將軍澳大多數餐廳都試過, 只差"將中"將軍澳中心商場未試過. 況且之前響區報介紹過佢地有間法式越南餐廳. 咁就决定同B去試新菜.

點知去到先知呢間碌冧係鴻星酒家集團旗下, 當堂打個折.

自從年初試過公司樓下間新開鴻星酒家, 真係留下深刻壞印象. 我地十幾人被安排入一間細小VIP房, 點知VIP房間入面原只可容納一張大枱, 結果三十幾人分三枱迫響一間細VIP房, 背貼背椅貼椅. 極之唔舒服, 至於點心? 樣係好靚但可惜極之唔好食. 所以我地無再去過, 今回再次入虎口, 希望唔好又咁差.

結果, 今次黎次反高潮. 叫左幾個小菜都唔錯.上圖: 越南四拼, 牛油雞翼, 牛肉蝦片, 春卷, 蝦粉卷. 四樣都唔差.

上圖: 越南地雞. 我間waiter究竟係乜野雞. 佢話其實係鹵水雞. 點知上枱後先發現其實係海南雞. (相片偏紅)

上圖: 蒜蓉炒野菜, 成晚最好味既一碟.

價錢合理, 服務ok, 上菜又超快. 食得幾舒服. 響一個"死場 "有間咁好既餐廳確係有D可惜. 不過相信我地都會有得番轉頭既.