我要做好呢場戲!

B之前接左部戲, 飾演奸人!

其實佢只不過幫某機構拍一段員工培訓片段供內部培訓用. 佢呢就飾演橫蠻無理既外籍顧客. 成段戲佢只係負責好惡咁鬧個職員. 對白好簡單, 總之似成個八婆咁鬧個不停. 響周星馳既戲入面, 有D咁既情節, 周星馳一定用番中文鬧番位外籍演員甚至打佢黎製造喜劇效果. 不過呢套只係用黎培訓員工既教材. 唔駛笑料卦.

今日同B對稿, 對完之後我覺得佢都係唔夠惡. 兼且學左王喜咁不停改對白, 搞到我都唔識跟落去. 佢問我點, 我話都係唔夠惡. 不如做番自己啦.
佢厲左我一眼.
哈.