停一停諗一諗
連日皇后碼頭既新聞, 真係可以話打個大"喊露".
皇后碼頭要被清拆, 確係好可惜. 當時我確係反對清拆. 但後黎政府讓步, 願意先拆件後重置. 呢個方案就容易接受.
但唔知點解仲有班民主暴民, 仍借集體回憶呢個悶到爆既話題, 借勢反抗. 當然有抽水既議員亦有目的既人同為出名而出名既無名小卒加入, 事情變得唔理性. 究竟佢地有無諗過將來呢? 定只為一己私慾呢?
假設, 法庭決定唔俾政府拆皇后碼頭, 當然可喜可賀. 之但係咁代表唔可以進行填海工程. 即係話就算未來機鐵隧道同公路都改道而建, 皇后碼頭就變成公路側邊一個大涼亭. 以往可以吹吹海風望望海就會變成車來車往噴到一面塵, 你仲會去皇后碼頭坐嗎?
唔該大家停一停諗一諗, 唔好盲從附和. 一味只識抗議, 從另一個角度去諗, 兼且諗長遠D, 就會發現其實要做要諗要計劃既唔係咁簡單只識一味所謂"保育". 仲有好多野要去做.
都希望政府尊守承諾將皇后碼頭拆件重置到合適地方. 因為上次既錯誤已經做成好大既傷害, 一錯再錯只會令社會更分化.
我亦替已拆走既啟德機場可惜, 點解當年大家只識送別而無人保衛呢?
6 則留言:
我淨係想講，好多人只係識一味跟風。
全對, 周圍都係車, 空氣都唔好, 留來做咩呢??? 不如搵個好地方重建咪仲好!! 其實好似美利樓咁都幾好, 大家要既係仲可以見到呢個地方, 而唔係好似天星咁, 拆左仲碎埋呢~~~
一班唔識諗既民主暴民, 越走越錯. 由當初高調既和平到今日郁手郁腳. 相信廣大市民都開始睇到真相, 你睇網上佔左九成都係對示威者反感, 就算佢地都係唔支持清拆.
當然呢班小卒可以達成佢地心願名留清史, 咁呢個又係真喎.
keeping queen's pier is NOT about collective memory. and it is the govt' lies to say the development if for traffic jams. if you have really read into things, you won't say such comments. pls read this special feature on queens and reclaimation plan at central as a whole.
PLS READ THIS BEFORE YOU MAKE THE COMMENTS:
http://www.chonghead.net/files/special_issue.pdf
do you know local action has a FULL PLAN that solves ALL problems that govt raise? this plan is done by professional achitects and engineers.
govt has NEVER respond on the plan.
also, a short video here: http://www.youtube.com/watch?v=obEkWf86SGI
皇后碼頭其實是一個好大好大問題的其中一小環.這個破舊小碼頭背後的大問題,是香港的城市規劃.市建局在灣仔/旺角/觀塘等二百多個重建項目剷走好多小市民的生活空間,好多小租戶被迫搬去天水圍等地.就算係有錢的,也要面對屏封樓和越來越嚴重的熱島效應,再加上有感情的老地方一個個消失--點可以唔出聲?
碼頭原址保留,政府起大商場和解放軍碼頭的設計就要改,到時才有繼續討論的餘地,有建築師就提出碼頭前可以起人工湖,所以根本不會變成馬路旁的涼亭!
原址保留 =/= 工程停止
幾個月前已經有建築師解決o左政府提出o既技術問題，立法會上已有議員向政府提出，皇后論壇當日亦有建築師再次向林局長解析，但係局長一直唔回應。
原址保留方案o既簡介：
http://www.chonghead.net/files/special_issue.pdf
(請睇最後一頁)
主流傳媒一直大力報導政府言論，但就好少報導民間o既回應，可惜可惜。
發佈留言