強劍定黐線?
番阿媽度食飯永遠完全有驚喜. 我唔係指餐飯, 反而係送飯既電視節目.
搬左出黎住後已經無左追無線劇, 只係有時響公司或阿媽度睇一集半集. 呢期無線除左狂谷"歲月風雲"外, 另一套就係"強劍". 齋睇宣傳片玩超低能玩漫畫化, 以為套劇係正經玩漫畫化. 點知...
尋晚番阿媽度食飯, 睇左半集"強劍", 真係O哂咀滴晒汗! 對白不停"時代化", 乜野"出奇過出奇老鼠"呀, 又玩自動mute粗口. 嚇到我即刻想番屋企. 諗唔到又係一套想玩cult既而古而今既古裝劇.
我唔係唔玩得, 只係太突然又出人意表, 自己一時接受唔到, 俾D時間我啦~
伸延閱讀: 強劍預告片
2 則留言:
係呀, 果日我都睇到佢地話吹........水...........真係玩而古而今....不過我覺得玩得唔係好夠型..反而佢之前果個廣告果個玩法我覺得仲型, 仲得意!!!
我覺套野樣樣抄d,間學校直程"火影忍者"既老翻, 又唔笑又低能. 出奇老鼠係我地個年代喎,細過25歲都唔知係咩黎啦,真係... ...
阿李國麟個卷髮非常可怕, 尋晚一見佢個look 就差d係跑步機跌落黎.而鄭生成40幾歲扮廿歲花靚, 十分可怕!!!!
好彩屋企人唔睇呢套垃圾0者,只係不幸係gym room 睇到.
發佈留言