2007年7月26日

37

一個大清早就睇見新聞話有13歲女孩未成年/未婚產子. 但因經手人係住響內地既內地人, 所以唔可以落案. 心諗13歲啊! 就己經初為人母, 連照顧自己都未識, 生活經驗又唔足夠, 未來點面對自己個仔呢?
下晝收到消息話九龍皇帝駕崩, 80有6. 相當震驚. 話晒當年都同佢有一面之緣, 而且佢既墨寶已經係香港文化之一. 佢既離世絕對係對本地文化一次衝激: 又會玩集體回憶.
番阿媽度食飯, 除左有得睇好鬼無聊既強劍之外, 有時仲會有驚人消息既公佈: 住響內地嫲嫲上週末過身. 震驚確震驚, 一來事隔成五日後先講俾我知, 二來仲出埋殯搞掂晒. 雖則我同嫲嫲相當疏離, 由20幾年前我第一次見佢至上一次見佢, 佢對我既態度都係麻麻, 有D睇唔起我既態度. 再加上分隔兩地, 佢既離世對我既衝激遠低於婆婆兩年前過世. 今晚, 我只低頭不語.
生日快樂.

4 則留言:

Guy 說...

Happy Birthday~~

mysimplelife 說...

thank you

Agnes 說...

十三歲的母親, 嘿!多得佢唔少囉, 書未讀完就生, 連出黎工作都冇能力...愛喎...

媽媽13歲, 到23歲時, 小孩10歲, 到33歲時, 小孩長大成20歲. 這個阿媽還有大把世界!

aulina 說...

你唔係大我好多咋喎,五年都唔夠。XD

同意agnes講,而家一係靠綜緩讓個細路,再唔係如果13歲嘅呀媽抵d諗,會當自己細路養。

錯咗唔緊要,之後點面對先係問題。

當然完美世界入面,最好連錯都咪錯!