2007年7月20日

檸檬紅茶

日日我都會飲一枝道地綠茶, 就算我唔係劉華fans, 但深信飲綠茶係好過飲汽水或咖啡, 就算道地果D唔係真係綠茶...

尋日食完晏行過日本超市, 想買枝道地. 點知日本超市果然好日本, 只賣日本野, 台灣道地? 無喎.
結果千揀萬揀之下買左呢枝麒麟茶, 番到公司先至知其實係檸檬紅茶. 樽裝檸檬紅茶好少會好飲, 多數都極之難飲, 尤其果隻叫康師傅. 至於呢隻日本茶, 味道比較清淡, 淡到連檸檬味都無.
做左一日出牆紅杏, 聽日都係番去劉華身邊好勒!

4 則留言:

aulina 說...

膠樽喎……回歸劉華都考慮下紙包喇下次,再唔係買包「真綠茶茶葉」啦... :P

mysimplelife 說...

噢~ 太遲了! 我相信呢幾年就掉左千幾個空樽...

Frankiewoo2001 說...

我真係唔明,「康師傅」呢D難飲到爆既檸茶點解重可以生存到,同埋差多隻隻祖國出產既檸茶都係咁既味。不過我都係劉華信徒,日日都係樽裝檸檬綠茶,因為紙包同樽裝D味係唔同架!

mysimplelife 說...

因為有大陸十幾億人口市場. 而且成本平. 公司附近有家燒味店, 外賣双併只係十八蚊再送康師傅一枝.