2007年7月18日

勿在書展前入書店

都話呢幾日無喱精神, 做野完全提唔起勁, 就連諗食晏都諗左九個字. 就響呢個45分鐘內周圍行搵靈感...去邊度食飯好之際, 唔小心! 係好唔小心入左商務. 我一直有格言: 就係書展前入書店係個好危險既動作. 因為如果一時衝動, 一定會買書, 就算明知書展有八折, 呢幾日都唔會等. 可以先睹為快. 結果今次真係發生左!邁克新書"坦白說, 親愛的"出左勒! 佢既書永遠係唔駛諗就可以肯定拎佢俾錢走! 結果可以快過書展半日讀到本書. 呢本書大部份文章都係出自佢響蘋果日報專欄. 自從幾年前搬出黎住後, 我就好少買報紙, 寧願上網睇. 但網上睇報紙, 好少會睇專欄. 因為始終網上閱讀文章既方向一向無變, 太多字始終係有障礙. 所以我都寧願有個hard copy, 睇本書好過.

不過好相信, 今年書展仍然會大出血. 買過唔停!

沒有留言: