2007年7月27日

中古物出土: Black Box

番阿媽食飯真係多驚喜!
慣左食完飯就睇下報紙. 尋晚突然心血內潮, 想搵下劉美君既CD. 話說三年前搬出黎住, 只帶走維數幾百隻CD, 仲有幾百隻留響阿媽屋企. 有畤想聽某隻CD, 真係要特登去阿媽度搵.
結果搵搵下, 搵到第二隻我以為已經俾我收埋床下底唔知邊度既CD. 原來一直被收埋響"層層叠"CD櫃入面. 尋晚終俾我"出土"!無錯! 就係呢隻"黑盒"既"三個願望"EP! 1996年滾石發行. 記得呢隻CD我只播過十次之內. 唔係隻碟唔好聽, 只係當時習慣將CD錄落盒帶用walkman聽. 響屋企又好少"焚"機, 所以我D CD特別"新淨". (不過呢隻係紙封套, 經過十一年無可避免外表有D殘)
我好欣賞當年滾石, 一直有推廣獨立音樂. 就算黑盒唔係自家製作, 但都願意拍MV.
"黑盒"既"尋找黑盒"同"三個願望".

6 則留言:

匿名 說...

多口一問, 唔知安兄你有冇郭靜隻滾石cd呢?

匿名 說...

連有冇買都唔記得嘅cd出土,總有一份莫名的興奮!我而家只係希望上次俾裝修工人攪錯差d掉哂嘅損失唔太多...

小張 說...

小弟都要搬家了,眾多cd只能帶一部分。
煩惱中...

mysimplelife 說...

agnes: 我無郭靜果隻碟.

娜姐: 近年記性衰退, 有時上星期買左隻碟, 第二個禮拜又會買多隻. 好得人驚.
之前一直搵周影隻情路茫茫呢隻歌, 點知有晚發現原來自己買過隻精選碟有呢隻歌.

小張: 上次我係揀D新碟帶走, 留低舊碟響阿媽度.

Arthur 說...

正, 呢個可以列為"集體回憶"呢!!^_^

Justin 說...

還十分喜歡Black Box果兩隻牒. 經常在我的ipod從溫.