現在電視

自從舊年搬屋時决定離棄"基佬", 重投"現在"既懷抱. 除左有時個機頂盒真係幾神化外, 頻道組合都幾滿意. 二百幾蚊有五十條頻道睇. 不過頻道套餐係買一送一. 所以部份頻道都就快到期無得睇.
因為我曾經受到惡意騷擾所以曾強烈要求"PCCW"唔想收到任何推銷既電話. 所以每次打上去CS要求技術支援或查單. 佢地都乘機去我推銷產品, 今晚打上去求救, 結果搞掂完後一樣sell野...
不過, 既然要續約, 就睇下有乜優惠.
話俾多幾十蚊就可以有番咁多個台喎. 之但係點解最底消費係$288? 同埋點解要俾幾十蚊呢? 而且有D台我真係想cut! 例如"美亞電視劇台"同"CHannel V Int'l"過去一年, 呢兩個台都未曾試過stay tune超過一分鐘.(因為呢兩個係送既台) 佢地話可以cut. 結果佢地幫我砌到個組合都係二百幾蚊, 但仲差幾十蚊先到個最底消費. 但係想睇既台又已經加晒. 新台例如FX, Foxcrime又同其他台既內容有重疊. 位哥仔問不如加體育組合啦, 之但係埋單要成四百大圓! 嘩! 佢話不如TVB payvision啦! 有特價喎. 都好! 錄"志雲飯局"俾阿媽睇. 結果... 埋單三百幾.. 貴到喊.
現時"現在"已取代"基佬"成為收費電視既一哥, 收費亦都開始偏離左以往有平有貴有得揀既宗旨. 亦令人反思其實呢個會唔會又做成壟斷既情況出現呢?
臨尾位CS哥哥整左句: 多謝呀, 陳生.
"喂! 我姓王架! " 臨收線前我口吟吟...