2008年6月9日

Alarm For Cobra 11

平時睇電視劇尤其本地既, 每逢出現飛車撞車所用既車輛大多數二手舊車. 主要成因係成本平撞到散晒都係幾萬蚊, 唔同近年美國電影有車廠贊助幾新既車都可以任撞. 當然電視同電影成本真係相差一大截. 不過近排先發現遠到德國竟然有部電視劇有如此安排: 每集佔大半時間於飛車特技場面, 所用到既車真係乜都有! 由貨車貨櫃車吊雞車消防車甚至普通如寶馬平治保時捷都齊齊撞到飛起無一完整甚至有時撞完仲要炸到喳都無, 亦有時有如幾架名車撞上半空撞到好似跳舞一樣. 對於激好官能刺激既一定大嗌好正.
(上youtube search "Alarm For Cobra 11"就會搵到呢套劇近幾季既集數.)
上圖為消防車慘被飛落山既場面.
你叫本地電視劇都有咁既場面? 就算搵齊咁多名車一齊撞, 但係單係搵地方同埋做成既道路損壞都有排賠.

1 則留言:

Unknown 說...

奇想:假如消防車事後再吊上半空(至少1000-2000米),並且裝上火箭,以超高速「撞向」放左大量TNT炸藥既地面,唔知會唔會支離破碎,徹底解體呢(不過地面肯定會炸穿左個好大既窿)?

仲有一個就係兩架大型掛接車(有架仲要係美國車)以唔低既車速迎頭相撞既場面,果陣我要講句"what the fantastic crash?"