荒謬日記: 預支生日禮物

2008年6月29日

預支生日禮物

嗱嗱嗱, B一共收左我三份禮物, 有DVD,有件衫同果隻哨牙海綿.
跟住佢又有樣學樣, 預支生日禮物俾我! 第一件...
哈哈!唔怪之得有日問起我呢樣野, 問我想唔想再用, 我當時答: 唔想. 事關三年前聖誕佢已經送過呢樣野俾我. 出黎效果仲非常好, 非常有效. 但問題係當你一停用, 就會打回原形. 因為都幾貴架, 上次用完四盒就停左, 終於靚仔左半年後又打回原形. 我諗今次呢一盒, 未必會幫到我乜野. 況且我都唔太在乎係咪太光頭, 當然唔好太似河童(近日新聞上那位雞農)就得.

6 則留言:

Agnes Tse 說...: 我都就黎大一歲囉.

如意吉祥!; 30/6/08 00:17
grace 說...: 乜真係有用?我老公都開始有同樣問題,可以叫佢試下.
幾年前佢去過史雲信做過3萬蚊TREATMENT,做左三個月冇成績之餘仲不斷說佢加碼.最後佢梗係唔制啦.
諗落真係拎筆錢去日本玩好過...
女人減肥錢易呃,其實男人生髮錢何嘗唔係容易呃.; 30/6/08 11:53
Agnes Tse 說...: 前排我家姐都勁甩頭髮, 裝左一個過氯氣, 氟氣既濾水器, 洗頭都少甩左頭髮.; 30/6/08 12:44
mysimplelife 說...: Grace: 係真係有效, 但係要長期日日用, 大約兩個月左右開始見效, 一個月用一盒. 每盒二百幾蚊, 斷估平過史雲信卦.

Agnes: 唔會係Diamond架... 亦預祝你生日快樂.; 30/6/08 22:45
Agnes Tse 說...: 鑽石能量水? no, 安係花灑旁邊而已.; 1/7/08 00:56
grace 說...: 問過老公,原來佢已經一早試過"倍健",不過就出現過敏既情況,搽過既位都會紅腫疼痛.
佢公司有幾個男同事試過都出現同樣情況. 因此佢話你真係好好彩,冇呢個問題.; 2/7/08 14:46