港式反智高清

由數碼廣播第一日開始, 成件事就已經錯晒. 當初推出數碼廣播係主要改善電視接收既情況, 高清只係個伴菜. 點知港人既反智心態再加無腦既無線高調催谷, 高清變成必備品, 無鬼影無雪花既好處已經無(正常)人去提及.
試播左一段時間, 人人都心急去追捧所謂既高清台. 所謂高清節目只係有小部份確係高清製作, 其他只係用標清谷上高清廣播, 跟真正高清好有距離. 但可憐既反智港人仍然津津樂道所謂高清節目, 就連平時唔會追劇既都逼住每晚追劇以為可以趕上潮流. 可惜無線劇越黎越當人白痴, 得人驚到用Windows Media Player去化驗DNA咁既情節都可以出現, 可憐反智高清港人就咁照單全收. 更加不停有人問反智問題: 點解呢套劇唔高清? 點解新聞又唔係高清? 點解亞視每日只高清兩個鐘?...
五千幾蚊一部過渡性貨既解碼器出現更加令呢種反智麻木追從高清既心態推出高峰. 跟住又會點呢? 港人三分鐘心態後, 高清解碼器就如當年既麗音解碼器一樣極速消失. 無人再會日日將高清掛響口唇邊. 用左五千蚊摩貨既都會暗自嗌傻.
當然我都樂意迎接數碼廣播, 至少無左鬼影雪花, 接收好D. 不過少睇本地兩個免費台, 主要睇IPTV, 所以影響有限.
難怪政府遲遲唔推出數碼電台廣播, 一來負責測試既港台亂七八糟人人貪污, 二來電台廣播高清無畫面, 港人唔會接受因為無器材可以追.