2008年6月18日

天啊!! 唉卜拮豬!!! 你想點呀!

話說部"唉卜拮豬"一買番黎就有呢個毛病:每次入歌多過一首就出現error message話部唉卜拮豬無同部電腦連線. 所以我一直都係逐首歌同步, 不過試過入套戲入去亦都出現錯誤信息. 結果尋晚頂唔順, 諗住重置部機可以解決問題. 雖則機內所有歌同戲都會無晒, 但總好過次次出error message.
重置過程一直好順利, 但到最後一刻竟然又係另一個error message: 1604- 重置失敗. 成部機死左! 我曾經嘗試重覆幾次都係失敗, 心諗都係預左拎上CASE換機.
但心有不甘咪上網諗住問人, 谷歌一番後竟發現呢個錯誤非常常見, 可能係USB引起. 再上Apple官網, 佢地竟有幾個解決方法, 基本上都幾硬膠, 例如重裝i-Tune, 或用第二部電腦重裝, 又或重新啟動電腦去重置唉卜拮豬, 結果我揀最後者. 得左! 重置成功! 但當同步歌曲時老毛病又黎! 唉! 三百幾隻歌又要逐隻入過, 想死.
唔服輸, 將套戲save落USB手指帶番公司, 用公司部電腦過套戲落唉卜拮豬. 竟然得左! 真係無言!

1 則留言:

小瑟 說...

嘩...原來ipod touch有d咁既毛病架, 估唔到依家人人都用左咁耐既 player仲有呢d咁常見既毛病仲未 fix, 真係估佢唔到呢~~~~~XDDD