我的HKIFF 07 (Day 9)

捉錯晒用神!!!
好地地一個好概念, 做乜變成死亡真面目呢? 男人死左打落地獄, 點知地獄人人無感情無反應, 悶到抽筋. 諗住再去死多次, 落得死極死唔去. 原本故事發展到尾, 條橋都係唔錯. 可惜導演唔知係咪怕套戲頭十分鐘一句對白都無會悶死所以不停搞血腥爆肚流腸切手指甚至果場被地鐵拖行既爆頭情節去整醒觀眾. 講真, 我就睇到想走. 因為要趕場.
趕場去睇今年我既最後一部戲. 其實, 如果呢部係一部新進短片, 我覺得一流. 可惜硬生加入超級市場及不少爛gag, 變得成套戲精神分裂, 三不像. 極之可惜.

The Bothersome Man 超完美地獄
Cashback 愛情回水

就咁就完成左今年電影節. 除左有事miss左一部戲, 其他普遍黎講只算係中等.
三優: 超時空泡泡女, 離奇過小說, 我自求我道
三劣: 愛在基吧的日子, 一切從浮屍開始, 超完美地獄