2007年4月28日

去邊度好呢?

B趁住返新工前想去個大旅行, 之前我既情人節禮物係佢贊助我下次旅行. 我亦都想趁住旅行同佢慶祝生日. 就響好事連環來既時候有個大疑問: 就係去邊度好呢?
B老早就話唔想再番大陸同去台灣, 因為去過太多次. 我都話暫時唔想去泰國, 一來好悶, 二來我覺得因為政局變得危險.
可以去既地方變得好少... 我曾提議不如陪佢番夏威夷, 一來佢可以見下佢D friends, 二來可以喪游水. 但佢話我唔游水會好悶. (咁又係喎! 而且佢D friends唔係醫生就係電影編劇同明星, 好難同佢地傾得埋.) 跟住我又提議去拉斯維加斯探佢雙親, 橫掂佢阿媽成日話叫我地過去, 正所謂外母見女婿, 口水....... 但B又唔多想...
佢就提議去印度, 佢一生都好想去印度. 印度都ok, 但我一定淪為公司既人肉速遞, 送野過去印度office兼見下成日鬥咀印度同事. 講真: 咪啦. B亦因為旅行團單張有D猶豫, 因為所謂五天團, 實際只玩三日, 好鬼搵笨.
其實, 我係想去歐洲. 之前只踏足過英國同荷蘭, 我係好想去法國同意大利, 睇戲就睇得多, 我好想親身去感受佢地既文化. 其次都想再去日本, 上次去日本巳經十幾年前既事. 我最鍾意係京都同埋想去上次唔夠時間去既廣島.
廣告話: 未出發先興奮! 我就話: 未知去邊先至煩.
如果有得你揀, 你會去邊呢?

8 則留言:

匿名 說...

歐洲和日本我都想去

我未去過日本,有新鮮感

歐洲是一個可以一去再去的地方,東西是看不完的,倫敦的musical是看不完的。你提到的法國和意大利,我只去過法國的巴黎。

很多歐洲航線 (尤其是倫敦) 五、六月份的票價都較平,可以留意一下,另外,五、六月天氣不算太熱,又未到暑假 (聽說暑假甚麼都貴,人又特別多),頗適合歐遊。

匿名 說...

japan , japan...

no need to think more

mysimplelife 說...

阿仔, why Japan? 乜唔想我黎探你咩? 呵~

mysimplelife 說...

五月去歐洲都還可以有得平, 但一到六月, 我已經見到幾間航空公司都要俾附加費.
連續收到英航國泰既newsletter話去倫敦都係四千幾, 相信低處未算低卦, 尚欠維珍, 佢一出手就應該見底.

匿名 說...

我同我果個諗住去埃及喎

mysimplelife 說...

嘻嘻, 佢有提過去希臘. 講真希臘埃及都無問題, 橫掂又唔係我俾錢.
原本今年佢要出差到南非, 佢又想我一齊去. 我大叫No! 去南非做自由人? 有D危險囉.

匿名 說...

日本沖繩, 我好想去, 奈何本地旅遊五日團扣左一日, 走馬看花, 又係混吉居多.

聽講挪威or瑞典環境唔錯, 呵呵~

set左個無無聊Q & A, 有興趣過黎玩下~

mysimplelife 說...

係呀, 而家專注睇日本歐洲, 希望去得成~
北歐我都想, 但B怕凍... 凍過水~

終於可以響屋企上到你個blog, yeah~