2007年4月12日

我的HKIFF 07 之零七電影節七不思議事件

一/ 今年電影節網上購票係歷來最亂既一年. 明明二月訂飛, 到三月中就快開始都未收到飛, 甚至有人從來未收過飛. 有關當局由解釋因為要印藝術節既飛先(已俾人踢爆無此事)到賴電腦系统出錯到有職員踢爆開幕前幾日先收到飛先至寄出. 咁電影節當局, 唔該解釋我係二月訂飛, 手上既飛都係28/2列印(見圖), 點解要到三月尾先寄出飛呢? 係郵寄香港本土需時一個月, 定抑或有人失職呢? 二/ 一個阿Rain, 就可以令戲飛響半個鐘內買晒. 仲勁過步姐. 不如下年又搵阿Rain過橋, 買得最多飛既可以請去韓國睇阿Rain演唱會甚至單獨會面. 劉華狂迷會諗: 如果係劉華就好lu.

三/ 繼舊年有糖水怪, 今年仲勁, 有食到"拍拍聲"既蝦條怪, 我位老友仲化身啤酒怪, 場內飲酒. 真係乜人都有.

四/ 年年都有人遲到, 今年特別勁. 勁到遲到超過成個鐘都有, 都咁遲咯, 入場為乜呢?

五/ 話說某場"吳清源"為頒獎禮之夜. 在頒獎禮途中, 觀眾席突然有人大嗌: "可唔可以快D呀, 我地黎只係為左睇戲架!" 全場即刻死寂. 結果大會總監怒叱果位無賴觀眾.

六/ 除左有食野怪, 仲有手機怪! 文化中心入面係收唔到手電架. 由開幕至今, 手電甚至call機都係收唔到. 今年見有人響場內拎住手電擒高擒底驚叫: 呢度真係收唔到! 又或者向帶位投訴: "點解呢度電話既?". 可惜大會堂係舊有設計, 所以仲收到手機訊號. 結果套戲一路播就一路有人講電話同打SMS. 有晚有人拎部laptop出黎打email添! 銀幕己經光燦燦, 觀眾席一樣光爆, 何其壯觀!

七/ 雖知今年電影節多公司贊助, 所以要播廣告. 但有無諗過條廣告同電影節夾唔夾呢? 經典如果條Grand Hyatt間JJ既廣告片, 就完全同套戲甚至電影節同tone完全兩個世界. 每次睇我都睇到O咀.

4 則留言:

匿名 說...

我的票是用速遞送到的,收到票那天是星期一,但有關方面聲稱是星期四寄出的…well...

JJ那段片拍得頗為老土,每次看見都想打爆佢

開laptop打email @@" 奇聞…

mysimplelife 說...

我都係. 跟住前排話我訂既贈票滿座, 會響weekend後寄上表格同換書券俾我. 結果等左一個星期先收到. 電影節巳經過左四分三...

開laptop果位肥先生真係唔知想點. 奇在又無人阻止, 大大個screen睇到響outlook打緊email. 乜真係忙得咁交關? 再者send email, 手機或者PDA都得啦, 駛乜laptop咁誇呢?

Arthur 說...

其實係呢D情況, 會唔會真係有人會講返個問題而同大家 SAY SORRY既呢????

我覺得呢D機構好小理人地既死活的!!!

mysimplelife 說...

佢地上個月有出道歉啓事, 賴電腦出問題, 反而迴避遲出飛問題.