成魔成仁 Chapel of Dawn
曾經每同人講起: Juno 麥俊龍. 人地都會話: 咪啦. 咁惡頂.
無錯, 初出道時負面新聞多到層出不窮. 就算過到父蔭下既"犀利醒"公司, 一樣俾人話. 但大家都睇到佢非常努力去做好音樂.
舊年一首"成魔之路"確係耳目一新. 但一直就無話再出碟既消息. 就連"成魔之路" 都變成CD Single 隨"奶週"附送. 結果事隔半年後, 呢張據說製作左兩年既新大碟終於推出.
據Juno講, "Chapel of Dawn"除左係大碟名稱, 更將會係一個時裝品牌. 除左每首"犀利醒"既主打歌都加上"Silly thing for life"既暗語外, 而家更將唱片名變成時裝品牌. 真係好佩服TK氏既商業頭腦.
呢張"Chapel of Dawn"可能會係近年意念最強亦最灰暗既概念大碟. 由王雙駿再加黄偉文包辦全碟曲詞, 再加上日本作曲/樂手並且日本混音以及匈牙利既音樂錄音. 真係不惜工本. 再加上多位本地單位例如阿菇, 林狗, 草蜢既cross over, 睇得出今次佢地想製作一隻可以列入經典既製作.
全碟並無情K歌, 歌曲上亦只帶出天使與魔鬼, 無話對或錯, 只有黑與白. 例如同草蜢及Mr. Scanner合作既"亥時出世", 有神父與魔鬼既祈禱. "Unhappy Hour"有人與魔一齊飲一杯, 又或者無間道式既"成魔之路", 更有D令我諗起近來大熱既徐步高事件. 魔警太暗? 又或者從"惡搞之物"去睇魔童. 正邪之間我睇你好你睇我好既"Poor U". 更有借聖經發揮既"左面". 我覺得最真既"第三身"講分身, 或者見得太多, 身同感受.
我好相信"Chapel of Dawn"係一張好耐聽既唱片, 更相信今年至此最有水準既一張. 風格濃烈, 未必人人受得起. 但大家不妨試試放下承見, 嘗試接受Juno既音樂, 或者可以有另一番體會.
P.S. 隨碟附送既MV DVD, 肯定係近年music video既超級佳作.
12 則留言:
我本來都諗買唔買好
你呢篇野攪到我一定會買
第三身既mv真係好正，近期佳作
呢隻真係好得! 如果加洲紅有得唱第三身, 我一定點!!
thx daddy !! haha buy me one la
哦~
估唔到找到知音
隻碟既概念真係一流
我本身唔是 Juno Fans ，但好鐘意成魔之路！唱 K 必點
第三身同阿詩 mix 得幾好
單單是成魔之路一首 + 概念已經值得買
20 號去相熟 CD 鋪買已經無貨 =.="
呢隻應該是近年因為一隻好歌/概念而真正給錢買正版的本地 CD
(對上一次已經典是"潛龍勿用"那隻大碟)
真係買得過呀呵？
Manual trackback:《Chapel of Dawn》–麥浚龍
絕對入得過!
我都係第一次買Juno既碟.
好啦，咁就買啦！
其實我都有諗過買唔買好, 近期juno既歌都有值得一聽的水準, 實在想聽下睇下~~
我阿妹買左,話隻碟好得,最可惜係只收錄3首MTV, 但水準甚高. 因此搞到我都心思思想買.
雖然以前好憎juno, 但呢幾年明顯佢真係好比心機發展其音樂事業, 最難得係佢唔玩k歌, 而係去做一些另類題材既音樂.
其實之前既"雌雄同體"已經幾得."成魔之路"同家下PLUG緊佢同何CC合唱既"第三身"仲幾好聽.
唔, 睇黎真係買得過.
我都係第一次買Juno既碟,講真,好耐冇試過比本地牒感動過, 而呢張碟真係幾得!起碼感受到滯製作上既誠意同質素.
說真的，Ｊｕｎｏ的歌是我必聽的選擇，他的歌比起新出的情歌，令我覺得更值得聽。
可能有人會覺得他外表不夠好，或是只因為家中有米才可以仍在歌壇，但是說真的，背景是什麼重要嗎？如果一個人有背景卻不堅持音樂，有用嗎？
真的希望大家可以把ｊｕｎｏ的背景和他的音樂分開去看，他的音樂中真的有一份令我感動的堅持和努力呢！
發佈留言