移動辣人
以前我都算係半個"移動辣人", 即係好鬼鍾意食辣. 不過辣量不足, 中辣已經係頂點. 唔似老媽以前咁係正式全職"移動辣人".
可惜幾年前身體出問題, 所以聽從醫生忠告: 戒酒....只不過有時高興會係一啖起兩啖止. 戒辣: 我真係做唔到, 不過確係食少左. 老媽亦因為健康出問題, 正式退出"移動辣人"行列.
不過近呢一年, 身體對辣確係開始有反應. 以往食辣紋風不動, 只係到頂點先會滴兩滴汗. 不過最近, 少少辣巳經滿頭大汗, 甚至會係好唔舒服. 所以每次見到某"移動辣人"同事嫌辣野唔夠辣, 我都好想可以再嘗辣! 畢竟少辣確係對身體好, 可惜我就無福消受!
星洲炒米酸辣米線麻辣火煱, 再見!
6 則留言:
食得太辛辣我會肚痾，
跟住....嘩, 好似火燒咁痛。
星州炒米辣架咩？
梗係辣啦! 唔辣有鬼~
唔辣都唔係星州炒米啦。所以我唔敢通叫，唔知鋪頭幾重手嘛！
最大問題係
我一向都唔覺得星米係辣既……orz
咦? 我都係覺得星洲炒米唔辣, 係黃架咋.
:P
辣係對腸胃唔好?
我家陣仲成日追辣, 極辣既辣醬都開始可以面不改容咁接受到.
發佈留言