2007年10月14日

鬼佬與阿差

警告
以下內容或會引起閣下不安, 敬請留意.

記得以前香港無論普通市民甚至傳媒都好鍾意叫外國人做鬼佬鬼妹, 印巴籍就叫阿差阿星. 但通常居港既外籍人士比較唔多介意, 只係印巴籍比較唔多鍾意呢個幾侮辱性既稱呼. 較早前香港既反歧視條例實施, 稱呼人鬼佬鬼妹阿差阿星都會係一種歧視. 可惜, 響完全無宣傳教育下, 普羅市民唔多知之外. 就連前線既公務員都可以大大聲表達佢地根深蒂固既思想.
上星期同B到急症室響六個鐘之內就遇上兩件事. 例如有護士可以響大庭廣眾之下同醫生有以下對話: 睇埋阿差先啦. 咁岩果位印籍人仕行左入黎就企響護士後面, 最重要呢位印籍人仕係識廣東話! 因為之前響汽水機, 我入左錢但又無野出, 佢係用廣東話同我講野. 遇上呢個咁尷尬場面, 呢位護士果然見慣大場面, 仲用廣東話同位印籍人仕講: 入去啦.
跟手正當我地響出面大堂等報告既時候, 身邊幾位警察亦都好大聲講電話. 響醫既範圍已有告示講明唔好用手提電話. 不過位警察哥仔大聲之餘, 仲"果條鬼佬"前"果條鬼佬"後既對答. 講真確實幾冒犯. 試下有人響佢地面前大大聲講"果條差佬"前"果條差佬"後, 睇下佢地有乜反應?
要搞公民教育, 不如就由前線公務員開始先. 免得好似曾特首既文革狂言再度發生.

沒有留言: