2007年10月18日

馬後炮●劉

http://ent.sina.com.cn/x/2007-10-12/07101746252.shtml
劉先生以為李安會搵佢拍"色戒". 佢又黎!
次次有乜大導大片成功佢就會發馬後炮功話早知就接果套戲啦或俾我就唔敢拍之類厚面皮說話. 從春光乍洩到英雄到臥虎藏龍再由斷背山再到呢套色戒, 如果劉先生既演技真係得到各位大導既認同, 又點會無人揾佢拍戲呢? 究竟係佢自知自己係需要話題大片而令自己覺得自己既級數可再提昇定抑或佢既演技...唉~
之前因為"英雄"之後講一講俾佢埋到張藝謀, 拍左部"十面埋伏", 結果完全無noise. 再跟住拍左中港日既"墨攻", 一樣無noise. 再到最近, "投名狀"偷步詐諦提名奧斯卡. 都唔覺得會令佢上另一個高峰.
都係認真磨練一下自己既演技先, 你睇郭先生既演技確係有進步. 反而劉先生我地只記得佢D馬後炮.

6 則留言:

小瑟 說...

雖然我未睇色戒, 不過我可以想像到如果變左劉華做既話, 一定唔會係依家咁!!!

aulina 說...

如果唱歌同做戲,我好想佢唔好唱,但的確,佢又真係演戲都係賣座咋喎。奇。

Guy 說...

我會覺得劉華做易先生也可,但床戲就免了,應該會變成笑位

Rice 說...

佢雖然係勤力,但係做唔到效果
之但係佢又仍然賣座,演唱會又爆
究竟佢仲係市場受落定....至少我對佢冇興趣...

mysimplelife 說...

佢響亞洲確係有市場, 之但一出太平洋就...

艾麗絲謝 Agnes Tse 說...

劉德華唔差, 但去唔到梁朝偉個級數...