急症室的一夜
病左成兩個禮拜, 連續發燒左成個星期既B. 平時點都唔肯去睇醫生既佢, 點知今次兩個星期睇左三次醫生. 尋晚更加係好辛苦, 所以尋晚經私家醫生轉介帶左佢去急症室檢查.
結果急症室既分流令到我地由九點正等到十二點先見到醫生. 當然我唔介意分流, 但B就越坐越唔舒服. 跟住驗血驗尿照X光再等報告. 終於半夜三點半先離開醫院. 檢驗結果仍然搵唔到乜野原因令佢發燒唔退. 唯有照食藥.
不過, 已經有好多年無去過急症室. 當然無乜事都唔會去呢個地方, 細個胡塗將膠珠塞鼻, 就被送佢急症室急救. 跟住盲腸炎又用救傷車送我入急症室, 不過去到竟然"食咋胡", 被打回頭.
尋晚六個鐘頭中, 響急症室內見盡人生喜怒哀樂. 有想殺老婆既醉丈夫, 有車禍既傷者, 有痛失親朋既人, 亦有跌斷腳既小朋友. 我地既小小傷風相對下變得好渺小.
4 則留言:
唉...呢個世界真係好覆習, 做人亦都好辛苦.........唉~~~~
唔知好彩定唔好彩，我好細個果陣已經成日要同細佬入急症室（明明呀媽全職家庭主婦，每次有事都係要未成年嘅我話事……真係咁啱得咁橋）。
跟住教書時學生有事又唔知點解都係我陪。又仔仔都試過要入。
同你感覺一樣，個A&E真係好似做戲一樣咁多估到同估唔到嘅事發生，去一次睇完再自己估嘅故仔都覺得自己小事得幾緊要……
你地算有品啦
有好多人好少事入急症室都好似皇帝出巡咁
邊會留意身邊既野
無品病人就唔見, 但無品護士同警察就見到.
(另文再講, 好眼訓, 寫唔到)
發佈留言