2007年9月29日

梁漢文集

一直都好鍾意梁漢文既歌, 由華星三寶走紅, 到近年金牌時代. 都無令人失望過. 尤其近年響EMI/金牌既製作, 明顯係成熟左好多, 嘗試好多唔同類型既音樂或歌曲. 其中我最鍾意係04年既"四季", 將03年香港人史無前例既一年貫穿全碟, 曲及詞俱佳. 跟住既"Effort and Love"亦都係上乘佳作. 跟住人就走左拍電視, 往後推出既"The Story of June"就變得不過不失, 或者太分心卦.
而家電視就無再拍, 失驚無神推出新曲加精選. 連歌都無乜點plug就拿臨臨推出, 有D唔似金牌既作風.
五首新歌, 聽完一round, 真係無乜感覺. 一來唔入耳, 二來好行貨. 更甚係欠左流行既原素! 其中只有七友既國語版"那時候", 林夕既國語詞又一次合格.
其餘選曲就有D神奇, 例如"天使愛"終於可以響梁漢文既唱片出現番. 另一隻原本響
金牌醇音樂重唱歌"傾心" 亦不文不類咁出現響呢隻碟. 反而曾經出過CD Single既"七友"合唱版又無收錄.
今次呢隻新曲加精選可算係梁漢文近呢四五年既小總結, 但亦希望往後既歌曲唔好好似呢幾隻新歌咁淡而無味. 因為我都信佢既才華唔會係如此.

我的推荐:
艦隊/Hey June/披頭四/三千年開花/七友/找我/新聞女郎/大將/信望愛

6 則留言:

aulina 說...

我以前一張都冇買(齋聽,冇keep碟),今次見有成17隻k版心動緊。moov完,同你一樣感覺不大。

dvd ok嗎?

mysimplelife 說...

DVD都係港產雞肋DVD, 得Letterbox. 而且大部份MV都已睇過, 得個儲字.
唯一欣慰係呢隻CD係無copyright controlled, 所以之前佢響EMI既兩隻碟轉mp3有一定難度(尤其The Story of June, 一定只可以轉做wma), 今次可以無痛轉做mp3, 痛快!

匿名 說...

試過用CDex轉,有Copy control的碟都轉到

mysimplelife 說...

我都試過, 但"The Story of June"呢隻應該係新version. 一入機就已經入個flash版面. 用cdex係轉唔到mp3. 但個flash有一欄係可以將D歌轉做wma.

aulina 說...

乜你地唔用wma架咩?一樣之嘛……

mysimplelife 說...

麻麻,除非響eolasia無得揀之下要買wma drm既新歌, 否則仍然支持mp3.