無殼蝸牛搵殼日誌(後傳第二回)
終於收樓了!
當我響上手業主手上接收門匙, 真係又緊張又興奮. 終於成為業主.
唔知係咪心理問題, 望住一間吉屋, 感覺又真係無想像之中咁大. 原本有好多計劃都打亂左.
例如業主留低左個大衣櫃, 我地又唔想放棄自己個衣櫃, 仍然唔知點算好. 其次係細房, 比之前果次睇樓好似縮左水咁, 擺左書檯就擺唔落四櫃影碟. 可能要徵用飯廳位置放影碟櫃.
從睡房外望, 上面同下面都係出市區條公路.
遠望響公屋群中可以望到"一條"海.伸延閱讀: 無殼蝸牛搵殼日誌(後傳第一回)
3 則留言:
你上手住得咁企理嘅？？？
仲有水晶燈留俾你？？？？
恭喜恭喜！
其實望落好大間屋囉，一定大過我蝸居好多。:)
間屋算唔錯, 四四正正, 容易放傢俬. 個廚房仲要幾大, 可以成日係屋企煮飯.
娜姐, 其實上手keep得D牆好好, 但其實地下同D窗就非常之污糟. 除左燈留低, 佢地仲留低左個新淨大衣櫃, 正搵緊人要.
Grace, 我諗我地一定多左機會響屋企煮飯仔先得因為要供樓.
發佈留言