唉卜突豬的日子(1)
自從買左呢部"唉卜突豬", 好多時間都研究功能同果個大食iTune周旋.
始終用慣入耳既耳筒而家再用番跟機果個原廠耳筒有D唔慣, 所以都係買番個質素好少少既入耳耳筒. Gabriel提議用SHURE較佳, 但始終銀根問題唔敢落太重注用過千買耳筒, 所以都係買佢地既入門版.
呢個SE110型號員工價都係七百幾只係平街價五十蚊. 應該係有史以來我買過最貴既耳筒, 記得最貴係好多年前買過某名牌大耳筒都係五百幾蚊, 就算而家屋企果對無線耳筒都只係三百幾蚊(因為其他舖賣五百幾蚊, 但屋企樓下有舖頭只賣三百幾. 原以為水貨或標錯價, 但舖頭又話無標錯價, 亦講明呢個耳筒係行貨).
Shure呢個牌子一向係俾人好專業既質素, 所以一試呢隻Shure耳筒就知果然唔揀錯, 音場闊左, 低音高音亦分得好清楚, 同之前果個P牌入耳耳筒真係爭好遠.
唯一我始終唔慣係佩戴方法, 佢有一個特定佩戴方法但係我試左好耐都係戴得唔好, 只有一次試戴得成功. 如果用平時普通耳筒咁戴法, 音質又會有影響. 唔知各位有無個方法可以容易D戴呢個耳筒呢?
下一步係購入 "唉卜"專用既喇叭放響公司用, 因為每日都有成八個鐘會聽住歌做野, 所以需要一個好少少既喇叭.
7 則留言:
我也正考慮買一部pmp..考慮過archos, creative和某幾部大陸機 (忘了牌子)....
我沒有iPod，但試過替人過歌到iPod，可能我習慣了drag and drop，不太習慣也于太喜歡itunes那種過歌方式
期待你之後的用後感 =P
其實之前部三叔mp3都係要用指定既程式過歌, 過程比唉通更慢, 只係程式細無唉通咁大食拖慢部電腦.
做乜買耳筒又唔同我傾下先？XD
SE110其實係個外型唔同咗，個膽係同05年底個d e2g 一樣架……如果你有行fortress，$600有找。
我用緊果個你知啦，就快斷，補到補無可補，而家留返屋企用囉。:(
你因住返唔到轉頭呀下！我而家都唔捨得再買多過千，之前買咗個sony而家後悔到顛！！！！！
好，講返點戴。
我是先塞好左、右耳，然後由耳上繞過耳背，在髮尾用那個小圈索起的，線在背脊打左肩過的……（我知，畫圖易明好多）。都係習慣啫，慣咗就唔覺唔舒服架啦。
戴果陣試下拉開耳仔少少 等耳窿大dd咁會易戴d
同埋唔好一開始去到咁盡，因為咁會傷到元件之後d聲會無咁好
聽多幾個星期先好去盡啊
唔該娜姐犬犬, 試多兩次後終於戴得穩陣兼無漏聲, 雖然仍然係雞手鴨腳.
乜原來只係新殼舊膽? 我見果個型號仲有得賣, 都係五百幾, 又豬左添.
咦, 娜姐我聽人講Shure係好易斷線, 係唔係呢?
犬犬, 你知我呢D老土怪唔係ROCK友, 唔會"焚"機. 再者用入耳又"焚"機, 唔駛一個月一定撞聾.
斷線咪補囉：
http://aulina.mysinablog.com/index.php?op=ViewArticle&articleId=903870
link食咗添，留過：
續命
發佈留言