2008年2月17日

長江7號

足足聽左三個星期劣評, 終於要面對呢套戲. 講真又唔係講到咁差.

有故事有極小量笑料有眼淚亦有幾完美既特技. 劣響邊度呢? 只怪過年過節眾人一廂情願地希望周生放笑彈. 今回比上次"功夫"踏實得多, 並無上次咁漫畫亦無左果種憤怒. 只不過今次太說教, 一兩次無問題, 但問題每次佢一出場都將果個窮得有骨氣既主旨不停回帶, 變得又長氣又無助.
作為賀歲片, 呢套至少可以話大人細路都啱睇, 亦未致到爛片. 跟上個世紀超級大爛賀歲片"神龍賭聖"黎講, 呢套已經係上佳之作.

3 則留言:

小瑟 說...

周星星依家拍既戲好想講好多正面既野比下一代睇, 睇得出佢係有誠意既, 不過大眾佢對既期望不嬲都唔係呢隻, 所以咪個個都話唔好睇呢~~~~

不過當然, 佢講呢類說教式故事既手法, 仲係好幼嫩又真既.

aulina 說...

我同肥瘦都睇得不知幾開心!好鍾意隻7仔囉,咁鬼得意。

肥仔話:套戲個主角唔係周星馳,係徐嬌同7仔喎……

grace 說...

反而我覺得最大驚喜係, 開首同臨尾background music 竟然用上80年代歌手gazebo 當年最hit既歌"Lunatic"同 "I like chopin"既前奏.