唉卜突豬的日子(2)

試左機幾日, 亦終於有少少適應戴果個耳筒既方法. 起初耳筒既聲確係麻麻, 不過發現自己戴耳筒既方法係錯之後, 再嘗試用"軟綿"既耳塞之後, 無論隔音同效果真係大有進步. 在此要多謝娜姐同Gabriel既指引.

唉卜突豬: 呢幾日既試用效果都好滿意, 只係近日發現cover flow好慢兼封面亂晒. 本來入好譚詠麟既歌變成出Suede既封面, 睇番iTune又見自己無入錯, 真係耐人尋味. 近日我仲添置埋speaker, 經過多日考慮同試機, 最終都係揀左呢部Philips. 一來最重要係有收音機, 二來原來個低音都幾勁下. 唔知點解之前去"百記"試D聲又會咁沉, 無晒高音或低音. 但今次一試高中低音都齊, 不過唔可以太大聲播Rock歌, D聲一定會拆. 不過放得響公司, 都唔會(敢)開得太大聲.

唉通: 呢件野真係玩死我, 每次過歌總會俾error message俾我嘆. 總係要每次過幾次先成功, 而且大食異常, 非常無敵咁拖慢部電腦.