2007年12月10日

無殼蝸牛搵殼日誌(後傳第一回)

自從成為業主後, 都未入伙甚至收樓原來仲有好多野要搞.
第一步當然去搵銀行做按揭, 單係選擇搵邊間銀行已經諗到頭都大埋. 間間既利率又差唔多, 有幾間係好似利率比較低. 之但係都係一D掩眼法, 最終都係同其他銀行無乜分別.
第二步就係開始正式計算大家既財務狀況. 咦? 乜呢D唔係買樓前要做既咩? 係! 無錯. 不過之前我地確有粗略計算可以負擔首期, 但俾左首期後, 仲淨幾多錢呢?真係唔知. 所以大家都要坐低計計數. 點知一計, 大事不妙! 原來俾左首期後大家只淨底單位數字既存款. 果D豪裝十幾廿萬就可以忘記, 就連傢俬電器要添置都要諗過度過先得. 好彩我地仲有一大堆股票做後著, 如果股市唔跌既話.
第三步就係行傢俬舖. 以往行就得個睇字, 不過而家行就開始計算梳化點排好? 電視櫃靠窗定靠牆好? 張床買大少少得唔得? 在銀根有限之下, IKEA都嫌貴! 發現之前有幫襯過既"翡翠"價錢都唔錯, 所以集中睇佢地既產品.

7 則留言:

aulina 說...

如果原樓企理,budget有限,豪裝真係唔使住架,建議搵師傅望下d水位先,通當都係呢d出事,特別係個窗,直接問業主,都成交咗正常人唔會唔講。少許翻新其實三幾萬ok架喇。

跟住checkcheck冷氣,舊就快手換鬼咗佢,唔係第日傢俬入哂盞攪。

IKEA係超貴,平果d好快冧,有同事屋企人做ikea都唔會買ikea。翡翠都貴,你望下周圍有冇實惠/訂做傢俬鋪(其實實惠都有訂做,不過價錢唔係幾啱睇)。訂做始終啱哂要求唔使自己計,通常放響鋪頭合眼緣的話做出嚟會ok。現成唔係唔好,而係實有d位唔啱,價錢分分鐘貴過訂做。

銀行按揭叫地產幫你搵啦!!!!佢收咗你錢家嘛,邊使自己格價架?

電器我覺得唔使急囉……我第一間搬去第二間果陣除咗冷氣冇乜買過新電器,咪又係用到今次裝修。用開ok冇奶油要換嘛(幾環保)。

Gabriel 說...

買電器搵我啦

mysimplelife 說...

娜姐: 現樓都好新淨, 所以可以唔駛點裝修. 不過B堅持搵個驗樓師驗一驗.
因為B一搬入而家呢度後買既新傢俬都係橡木傢俬. 而家新屋佢都想一個色過所以翡翠或IKEA啱佢. 睇過實惠同拮豬島, 可以用恐佈黎形容.
地產代理係有介紹按揭俾我地. 之但係一間大陸銀行, 表面睇至抵係佢, 但原來玩取巧, 無著數. 另一間星星銀行, 同事喪話呢間野內部亂七八糟, 咪搞. 結果都係搵左"香港"既銀行.
加百: 買電器搵你? 你有折? 我仲諗住問娜姐, 因為都係買焗爐同麵包機咋. 呵呵

aulina 說...

新淨好呀,哈哈!話時話近唔近海?橡木……濕咗幾大鑊。

咁實惠同吉豬島果d style唔啱b啫,又唔恐佈嘅(色系你有得揀家嘛)。

如果ikea,唔好忘記信用卡有分期同x倍分呀。

麵包機唔使問喇,香港得一部用得過,就係我果部,問下gabriel攞唔攞到折頭啦,豐澤我買時65x。焗爐唔好買我而家用緊果部,因為係向前開,我放高咗有幾多唔方便(咦?不過你地高我咁多又唔同講法喎!)

Gabriel 說...

我無折

不過同我住果個女人就有:P

mysimplelife 說...

娜姐: 新屋完全唔近海+睇唔到個海. 不過就貼近山同條"超高速"公路.
但拮豬島D傢俬好流, 無乜色揀, 品質又差. 實惠比較好, 但亦比較貴. IKEA係有渣豆銀行分期, 可惜渣豆十年前Black List左我, 我呢一世都用唔到/唔會用佢地既服務.
呵呵~ 似乎麵包机度度都唔多喎價喎, 我都係睇中你個型號.
加百: 吾... 真係要同你傾傾~

艾麗絲謝 Agnes Tse 說...

冇乜suggestion, 但要ignore莉莎汪做代言人果間傢俬店. 講真近年佢地都摺左好多, 又唔肯出錢做宣傳. 我曾經係ex-employee, 間店除左床褥同枕頭可以用n年之外, 就再冇"渣拿". 傢俬唔平仲要爛, 買左只會激氣.