荒謬影話: The Man of My Life

記得之前睇過部戲有句對白好抵死, 大意係"Bi通常係基佬呃老婆既籍口". 我確係唔信真係有人"中途轉基", 只係太多衣櫃基未被發掘自己既"潛能".

老婆叫老公約隔離屋既中男鄰居去晚宴. 點知呢位基中男同男主人既一夕對話就永遠改變左呢兩公婆既一生.

基男又唔係真係想去破壞人地個家庭, 亦都見好就收. 只係人地老公對自己念念不忘, 有D被氣壞.

Zabou Breitman呢位女導演就用左120分鐘同大家上左一堂電影課. 佢用晒所有既電影語言同技巧去講個故仔, 絕對係高手. 無論剪接攝影同音樂都可以拍得住大師級水準.