垃圾大學生

前晚既"忽然乜乜"已經令人火滾! 但心諗一個共產釋囚, 可能只不過同時代有少少脫節亦都忘記自己身份, 將自己既心底話講左出黎.
點知今日睇新聞, 一班中大學生會既人響畢業禮抗議. 不停打斷畢業禮既進行, 令到在場既畢業生同家長好反感.
畢業禮好比婚禮, 一生人可能都係得一次. 畢業禮亦都係個好莊嚴既典禮, 但估唔到一班不知所謂既中大生竟然將呢個其他人可能一生一次既畢業禮變成一個惡夢. 一直所見佢地矛頭都係向住董建華, 但係後黎又話其實目標係校長. 原來就連自己既目標係邊個都唔知, 真係替呢班垃圾大學生擔心第二時出黎做事會係點, 會係攤大手板既失敗大食賴, 定係激進既無政府主義者.
B同我講, 有日有學生喊住話過去既學期完全無溫書, 一個字都無讀過. 但大考將到, 所以哭求B點算好. B都好認真話: 無辦法. 但學生竟然話: 太多野要讀. 天啊! 讀書讀書, 當然會有好多野要讀. 唔駛讀玩足幾年又可以畢業, 邊度有咁著數呢?
真係對現今大學生嘆息.