2008年2月13日

點解阿嬌要道歉?

呢件事真係沒完沒了, 呢面主角齊齊失蹤, 果面網友繼續交朋結友互傳新閃咭同時間警方又不停拉人. 直到鍾欣桐話要出黎見記者交代, 就以為件事一定去到終結. 點知...
以為又黎控訴傳媒, 點知黎一句天真同傻要向各界致歉. 咪住! 做乜道歉呢? 由Day 1有關公司唔係已經話D相係假既咩? 既然係假相? 又何需道歉呢? 今次道歉係咪要証明D相其實係真而經理人公司講大話報假案呢? 就算D相係真, 亦唔需要道歉. 就算多年都以青春玉女見稱見到其他人接吻都會驚到尖叫仲問: 會唔會有BB架? 畢竟佢都只係個受害者, 佢同E先生影呢D相都只不過係佢地兩個人既事. 只係咁唔好彩佢放響電腦既相被盜先令件事暴光, 錯不在女方. 又何需道歉呢?
真係唔明... 我係咪太天真太傻呢?

P.S. 演偽人果然係演偽人, 戲如人生人生如戲.

4 則留言:

aulina 說...

大人就明,細路越解越唔明。

匿名 說...

非常同意你的講法。阿嬌都二十七歲喇﹐又唔係十八廿二﹐佢同邊果影咩相又關邊個
事? D家長又攪D咩反對聯盟﹐有時香港人真係唔化!

Arthur 說...

老實講, 呢單野如果唔告返英皇報假案, 真係氣難下呀!!!! 至於亞嬌果D........我跟本就冇興趣理佢感受~~~我熟綷係八卦心態呢~~~哈哈!!!

Agnes Tse 說...

"出得黎行, 預左要還", 做得呢行就要抵得渴喇...我最有興趣係睇下愛迪生幾時出黎向蒼天懺悔~