2008年2月7日

生活炒雜碎(第七回)

新年快樂. 未過年就又拍敗杖, 年三十先開始傷風結果頭重重鼻塞塞去過新年, 真係意想不到. 不過近幾年真係唔係好想過年, 只因為怕被人追......問幾時結婚派利是. 上至父母親戚下至同事朋友都總會有人問. 以往會答遲D先啦, 而家會答有機會既...
#########################################
就快收新樓了! 距離收樓日子只差兩三個星期, 雖則賣家個律師成日失蹤, 搞到佢有特別要求我地都配合唔到. 但都無損我地對呢個日子期待.
尤其係每隔一段時間上網查銀行估價, 都有驚喜. 至今, 我地都未搬入去住, 已經升左廿七萬. B話佢保守估計當我搬入去住之日應該升至四十萬.
升當然開心, 但睇番個市反而好擔心. 尋日報紙報導炒家由私人樓宇居屋炒到去公屋, 黃大仙下村一個單位竟然高價一百五十萬售出, 買家更揚言裝修後會以七千六百蚊出租. 我心諗: 係咪有問題呢? 公共房屋既設立係俾大眾有廉價房屋居住, 由幾百到幾千蚊租金絕對人人負擔得起. 但今次高價成交及高價出租係咪有D有違原意呢? 當左鄰右里都只係交緊千零二千蚊租, 而果户就交七千六百蚊租, 唔知果位租戶個感受係點?
#########################################
前日某報地產廣告上係咁寫: 過萬呎可經營宗教.
原來宗教係可以經營.

2 則留言:

aulina 說...

鼠年大賺呀,轉個手幾十萬。真係開心。:)

mysimplelife 說...

可惜賣左出去賺幾十萬後都未必可以買得番同等呎數既單位.
我地呢種用家真係唔敢貪心.