2008年2月4日

臨急抱佛腳

話說B呢位熱帶人, 呢幾個星期既嚴寒都已經夠佢受. 幾年前佢自己住, 屋企係有個價值九十九蚊既豐澤牌暖風機. 一個人百幾呎地方確係啱晒. 跟住同佢一齊住之後, 冬天唔見左, 凍既日子更少上加少. 之不過部機用左四五年, 近日天氣又真係太凍. 暖得坐響廳既佢雙腳, 坐響碟房既我就會凍到TT震. 之前我曾經提出不如買過部"認真"少少既暖爐, 但佢覺得呢個冬天好快就會過去, 可以話下年先啦. 點知呢個天寒地凍既天氣一直維持, 前日佢終於頂唔順話不如買過部暖爐. 可惜天氣凍, 唔好話打邊爐一早賣晒, 就連暖爐都賣清光. 去到"蜂窄", 得番兩款沖油式暖爐. 但因為太大部, 唔係太啱. 好唔容易迫入去"味道", 佢地有個專櫃賣家電, 見到有隻叫"對衡式"暖爐, 講真真係唔知同其他有乜分別. 但見外型體積價值都好適合, 而且又見其他舖頭都無貨, 結果真係買左番屋企.番到屋企一試, 果然一陣間成屋就暖晒, 不過代價係成屋乾燥到無朋友. 只係一晚我地兩個就咀唇爆開標血, 就連洗左衫兩日都未乾, 而家吹一晚就乾晒, 認真神奇.

當然自己暖係唔得, 我會捐出同樣金額去紅十字會俾大陸賑雪災. 都希望大家儘可能捐助今次雪災, 令大家都可以過個安樂既新年.

8 則留言:

Arthur 說...

成屋都暖呢下野又真係幾正架喎!! 唔知大約幾多錢架呢???thx~

aulina 說...

問題同上,還有「味道」到底是哪家???

正想要找一部抽濕放暖兼用的。XD

aulina 說...

要多留一個,要不追不到你的回覆。

mysimplelife 說...

小瑟:
$328
aulina:
"味道"=TASTE

Arthur 說...

328又唔貴喎~~~thx~~~

aulina 說...

328 直頭好平喎,樓下日本城都有部美的都338... 仲要係大大部充油式……部舊嘅hitachi我諗用咗30日唔夠已經壞咗,約10年前買……好似成7xx定近千...

Unknown 說...

咁我諗你要買埋放濕機﹐又或者放杯水喺暖爐附近試下得唔得先

你暖個牌子都ok喎

mysimplelife 說...

部野原價係五百幾蚊. 可能真係太乾所以買淨咁多要減價促銷.
試過擺杯水響附近, 效果無乜分別. 今日試開細一度兼開香薰機試下有無分別.