2007年11月20日

Sleepless in...

Hello, 我叫Tom漢斯... 我已經有四晚無瞓過. 宜家最希望係今晚有覺好瞓.

話說尋晚放左工就飛的入醫院做呢個睡眠測試. 未開始仲係牙斬斬, 點知一進入準備工作即時笑唔出. 原來係要滿面通身都黐滿感應器, 就連雙腳都要, 仲要用膠布黐住驚甩. 但一諗起朝早要除低毛腿上感應器, 一撕膠布果種撕裂感覺, 諗起都打冷震.
結果黐完感應器, 成個人好似無敵鐵金剛咁, 硬晒軚, 無得郁. 唔好話行企坐, 連瞓上床都有困難.
時間一到, 測試開始, 開頭仲可以入睡. 但一陣責醒, 跟住就無再瞓過. 接近眼光光到今朝六點幾, 護士叫醒, 測試完畢, 七點都未夠已經出院. 跟手落銅鑼灣食個早餐就番公司. 都未試過咁早番公司, 成層樓都無人, 咁就好勒! 即刻竄入休息室坐響架OSIM瞓下醒下咁又一日既開始.
真係希望今晚有得瞓.
Sorry, 其實我唔想做TOM漢斯...

3 則留言:

小張 說...

保重~

匿名 說...

你好,我們是一個華文聯播網站www.mix-blog.com,誠意邀請你加入我們的聯播大家庭,讓更多朋友認識你的網誌,有空請來看看啊!^.^

mysimplelife 說...

小張, 多謝你. 尋晚我終於可以瞓着, 仲由十一點半瞓到今朝六點.
檢查報告出左, 今朝番去覆診.