2007年11月6日

眼闊肚窄@Ruby Tuesday

講起美式餐廳, 一個諗起八九十年代既"美國餐廳". 呢間二十四小時營業既餐廳, 並唔係真係賣美菜, 只係sell經營模式同個feel. 但都吸引到我, 果時仲係報館工作. 半夜三更放工就會搭公司車落北角既"美國餐廳"食個宵夜. 最鍾意當然係個自助沙津吧, 尤其啫喱糖, 特別好味.

近年去得最多美式餐廳算係Fat Angelo's呢間美式意菜餐廳. 亦都去過另一間美式餐廳"TGI Friday", 不過菜色昧道就真係差D.
舊年突然響信箱收到"Ruby Tuesday"既廣告, 張廣告其實亦都係一張價值$100既代用券. 消費滿二百就可以用. 免費送一百大元有無得咁便宜呀? 可惜我地兩個都太天真, 以為真係有著數. 就走去幫襯. 去到先知一個主菜最平都百幾二百蚊, 難怪咁大手筆送一百! 不過身為美國人既B就開心到不得了, 喪叫野食! 飽到吾想郁. 仲話一定要再去過.
一年過後, 前晚B話既然去九龍灣買野不如去Ruby Tuesday食飯. 既然佢都伸晒脷話要去, 咪試多一次囉. 今次去到我已經就住就住叫, 一來為荷包著想, 二來為肚皮著想. 結果叫左一份燒骨, 一份Fajitas Combo同一份沙津. 叫完好耐先諗起叫錯. 一份燒骨實在太多, 話口未完, 菜已上檯.
OMG! 多到夠幾個人分. 燒骨食左半份, 個Combo就B搞掂左, 連沙律都未食完巳經飽到想嘔.
埋單五百五. 又一眼闊肚窄既經典! 唯有打包. 尋晚晚飯再度響屋企encore.
同場加映: 犬飼問"火雞子醬"係乜? 見圖. 另加"辣根鹽"一樽.
伸延閱讀:

9 則留言:

aulina 說...

Cranberry sauce!!! 紅莓呀。XXDD

早d講嘛,間間惠康大少少就有呀!

horseradish都係,點解會搵咗咁耐都搵唔到咁弊?

講開,呢d鬼佬嘢一樽唔半百都幾十,下次真係想買又搵唔到,其實有「奇招」可以出。上網。

真架,$500送貨送到你屋企,又有人幫你執貨,求求其其訂幾袋米、幾條廁紙、油呀、汽水呀,咁就順便可以搵埋你d另類嘢架喇!(我成日都係咁做,呵呵呵)

Gabriel 說...

講cranberry sauce咪好囉,等我以為有「雞子」醬……重諗緊無理由外國人夠膽食呢樣野。

horseradish我食過一次,d味道唔錯

有龍灣果間ruby tuesday我覺得係唔好食……

不過真係無諗過你地兩個都食唔哂喎

娜姐佢地兩個如果買你個list d野,應該三年之後先買第二次

mysimplelife 說...

個中文名真係...
屋企附近間惠康都算大但係入D貨就幾"本地向", 所以要買另類野, 以前仲有拮豬島, 但拮仔搬走後就一定要出黎買.
上網都試過搵, 例如B一直用開一隻浴缸清潔濟. 突然兩個月前無再賣, 諗住上網搵都無.
仲有, 我地兩個人完全唔湊米氣, 一袋五公斤米係可以食成年. 不過汽水同樽裝水係可以去得最快, 兩三日就要再入貨.

哼! 你咪睇以為B係好"刷"得. 佢D"淑女"胃口, 樣樣食少少就話飽.

艾麗絲謝 Agnes Tse 說...

n年前慕名同朋友去露比翠絲黛, 但埋單找數好肉赤. 除左佢果個大雪糕外, 我諗唔到有理由再去...><

Gabriel 說...

阿b唔刷得?

又真係估唔到喎

不過諗諗下同佢食幾次飯都好似又唔係食好多……

我只係記得佢唔鐘意食生炒排骨……:P

蛋治 Canchi 說...

原來醬黎架? 點解會叫左做鹽?

Ruby tuesday, 叫咁多野, 梗係飽到爆啦~

aulina 說...

米只係舉例啫。唔湊米氣唔怪得冇得食豉汁整排骨。

咁意粉同意粉醬囉,仲有d taco、tortilla果d啱喇掛?貴到顛,好唔捨得食呀……

啤酒汽水襯佢特價入多d咪唔使自己抬囉,哈!(呢樣反而我係唔俾入屋嘅)

grace 說...

"ruby tuesday"食過兩次,都係因同行友人有半價優惠先去食.價錢太貴了, 正價一定唔捨得食. 再加上outback & fat angelo d 野好食過佢又平過佢, 因此我都係諗唔到理由去幫襯佢.

btw, 知唔知道tony romas 仲存在嗎??

mysimplelife 說...

Grace, Tony好似仲響TS... 唔太肯定.