荒謬影話: Vanishing Point

有左藍光機之後, 確係入多左舊片BD, 尤其一D以前未睇過既, 今次呢套就係.
一位汽車速遞員同朋友打賭可以響15小時內由Denver市揸車到三藩市 , 成部片就係有關呢段旅程, 途中車手遇上未卜先知既電台DJ, 一對打劫既基佬, 神神化化既女人, 天體既電單車手.
整部片表面上都好簡單, 除左之前提及既人物, 仲要同警方作出生死鬥. 一部好基本B級片既格局, 但係意識上就真係唔係咁簡單, 尢其呢部片製作於1971年, 果個係火紅年代, 越戰之後對社會既衝擊, 再加上當年流行毒/自由/性就更加係貫穿全片, 對當時既社會作出好大既反醒. 其中結局簡直係當時當權者一個控訴: 一個手無寸鐵既人, 但制度下被迫成為敵人, 響走無後路之下唯有一死以謝天下, 以求人民可以反思對與錯.